AKTUEL

Xeberê peyênî

• DEM Partî do 13-14ê çeleyî de vervîjnayîş bikero 

  DEM Partî do namzadanê xo yê vîjnayîşê cayîyî yê 31ê adare bi vervîjnayîşî bewlî bikero.
• Rozerîna ke Sûr de amebî qetilkerdene ameye yadkerdene 

  Rozerîne Çukura ke wextê xoverdayîşê xoîdarekerdişî de hetê dewleta tirke ra Qezaya Sûrî ya Amedî de amebî qirkerdene serê gorê xo de ameye yadkerdene.
• 'Dadîya mi nêeşkena zîndan de bimana' 

  Reyhane Orena ke dadîya ci Hanîfe Arslana 76 serre rixmê nêweşîyanê xo yê giranan zîndan de tepişîyena, pare kerd ke dadîya ci nêeşkena zîndan de bimana.
• Farqîn de 3 kesî ameyî tepiştene 

  Qezaya Farqînî ya Amedî de 5ê çeleyî de 5 kesî ameybî destbendkerdene. Nînan ra 3 kesî bi îdîaya 'endamîya rêxistine' ameyî tepiştene.
• Berlin û Liege de şehîdî ameyî yadkerdene 

  Berlin û Liege de şehîdê têkoşînê azadîye ameyî yadkerdene. Yadkerdişan de ame vatene ke şarê kurdî do tim rêçê şehîdan de şoro.
• Nobeta Edaletî ra vengdayîş: Ma tecrîdî bişiknê 

  Dadîyê tepişteyan vera tecrîdî Amed de Nobeta Edaletî rê dewam kenê. Dadîyan ard ziwan ke ê hînî tecrîdî qebul nêkenê û vat: ''Rayîrê haştîye Îmrali de yo.''
• Amed de vengdayîşê 'Ma bibê vengê haştîye' ame kerdene 

  Amed de xeylêk hunermend û edebîyatkarê ke ameyî têhet deklarasyonê 'Ma bibê vengê haştîye' eşkera kerd.
• Sîyasetmedara ke grevê vêşanîye kena, seba têkoşînî veng da 

  Sîyasetmedara tepişte Zeynepe Olbecîya ke grevê vêşanîye de ya, venga pêro kesan da ke caardişê waştişanê tepişteyan têkoşînî xurtêr bikerê.
• Mêrdîn de Nobeta Edaletî dîyaye destpêkerdene 

  Mêrdîn de zî seba paştdayîşê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' Nobeta Edaletî dîyaye destpêkerdene.
• 564 kesayetan ra deklarasyonê 'Ma bibê vengê haştîye' 

  Waranê edebîyat û hunerî ra 564 kesayetan bi deklarasyonêkî vat: ''Seba haştîya komelkîye cesaret lazim o. Ganî hukmat teda, tecrîd û sîyasetê şerî ra fek vera bido.''
• Taxêka Colemêrgî gêrîyaye binê blûqa, ber û camî şikîyayî 

  Polîsan taxa Baglarî ya Colemêrgî girewte binê ablûqa, eşt keyeyan ser û ber û pancereyê keyeyan şikitî.
• Qirkerdişê Parisî ame şermezarkerdene 

  Berlin, Kopenhag û Lefkoşe de Qirkerdişê Parisî ame şermezarkerdene û semedê caardişê edaletî ame vengdayene.
• Rixmo ke hîşê ci ca de nîyo zîndan de yeno tepiştene 

  Lajê nêweşê giranî tepişte Abdulalim Kayayî, Îsmaîl Kayayî vat, ''Rixmo ke hîşê babîyê mi ca de nîyo zîndan de yeno tepiştene.''
• Dewaya Kobanê de qerarê dewamê rehînetîye 

  Sîyasetmedarê ke Dewaya Kobanê de yenê muhakemekerdene derheqê înan de reyna qerarê dewamê rehînetîye ame dayene.
• Bilmez: Huqûq wa verî Îmrali de bêro caardene 

  Avûkat Îbrahîm Bîlmezî vistvîrî ke Îmrali de herinda huqûqî zorbazîye girewta û vat, ''Êyê ke tecrîdê serê muwekîlê ma Birêz Ocalanî nêvînenî û qala huqûqî kenê, dirîtîye kenê. Eke şima vanê huqûq, wa verî Îmrali de bêro caardene.''
• KCK: Ganî têkoşînê vera qirkerdişanê Parisî bêro xurtkerdene 

  KCKyî  veng da ke wa heme kurdî û dostê înan tewrê rayraşîyayîşê vera Qirkeridşê Parisî yê 6ê çeleyî bibê û têkoşînî xurtêr bikerê.
• Keyeyan semedê şîyayîşê Îmraliyî hêna muracat kerd 

  Keyeyê Rayberê Şarê Kurdî Abdullah Ocalanî û merdimanê tepişteyanê bînan ke Îmrali de yê, semedê pêvînayîşî muracatê Mudirîya Zîndanî ya Îmraliyî kerd.
• Serekwekîla Gruba DEM Partî: Wa her kes vera darbeya AKPyî xo ver bido 

  Serekwekîla Gruba DEM Partî Gulîstane Kiliç Koçyîgît pare kerd ke îqtîdarê AKP-MHPyî Qanûnê Bingeyî yê winayênî wazeno ke pê ci faşîzmî mende bikero û vat: ''Bêrê ma pîya vera na darbe xo ver bidê.''
• Wan û Bedlîs de varayîşê vewre yo zêde 

  Ame parekerdene ke Wan û Bedlîs de varayîşê vewre yê zêdeyî ra dibistanan mabên da perwerdeyî.
• Dîndar: Zîndanê Îmraliyî wa bêro qefilnayene 

  Wekîlê DEM Partî yê Wanî Mahmut Dîndarî venga hukmatî da ke wa vengê dadîyanê Nobeta Edaletî bieşnawo û tecrîdî wedarno.
• Amed de hîrê kesî ameyî destbendkerdene 

  Qezaya Farqînî ya Amedî de operasyonanê qirkerdişê sîyasîyî de 3 kesî ameyî destbendkerdene.
• Qers de qeza: 2 kesî merdî, 8 kesî birîndar bîyî 

  Şaristanê Qersî yê Vakurê Kurdîstanî de 2 otobusan û kamyonêke qeza kerd. Netîceya qezayî de tewr tay 2 kesan dinyaya xo bedilnaye û 8 kesî zî birîndar bîyî.
• Kurdê Swîsre do biherikê Parisî 

  Paris de amadekarîyê rayraşîyayîşê merkezî yê 6ê çeleyî dewam kenê. Xeylêk şaristananê Swîsre ra 5ê çeleyî de otobusî do ver bi Parisî bikewê rayîrî.
• 'Ganî ma tecrîdî bişiknê, wayîrê çalakîyan bivejîyê' 

  Dadîyanê Nobeta Edaletî pare kerd ke ganî tecrîdê vera Rayberê Şarê Kurdî Abdullah Ocalanî bêro şiknayene û venga her kesî da ke wa wayîrê çalakîye bivejîyo.
• Menga kanûne de 154 karkerî merdî 

  ÎSÎGî da zanayene ke menga kanûne de Tirkîya û Vakurê Kurdîstanî de 154 karkeran serê karî de dinyaya xo bedilnaye.