AKTUEL

Xeberê peyênî

• Nobeta Azadîye hewteyê 579. de ya 

  Çalakîya Nobete ya seba azadîya Rayberê Şarê Kurdî Abdullah Ocalanî hewteyê 579. de dewam kena. No hewte çalakîye hetê koma Normandiya ya Fransa ra ameye dewrgirewtene.
• Nisêbîn de xeylêk kesî ameyî destbendkerdene 

  Nisêbîn de badê serşetişê ke cinîyêke ameye qetilkerdene û kesêk zî birîndar bi, xeylêk kesî ameyî destbendkerdene.
• Tedayê vera tepişteyanê sîyasîyan tesîrê tecrîdî yê 

  Wekîlê Partîya Çep a Keske yê Mêrdînî Kamuran Tanhanî pare kerd ke tedayê vera tepişteyanê sîyasîyan tesîrê tecrîdê vera Rayberê Şarê Kurdî Abdullah Ocalanî yê. Tanhanî ard ziwan ke şar wazeno ke tecrîd biqedo.
• Şenyaşarî: Eke edalet nêro ca ma do Anqara de têkoşînê xo bidomnê 

  Keyeyê Şenyaşaran derheqê çalakîya xo ya Nobeta Edaletî de meclîs de eşkerayîye daye. Ferît Şenyaşarî vat, eke edalet nêro ca ê do Anqara de têkoşînê xo bidomnê.
• Wekîlê Partîya Çep a Keske Akbelen de raştê hêrişî ameyî 

  Veratoxê Partîya Çep a Keske Îbrahîm Akin û wekîlî Burcu Gul Çubuk û Perihane Koco ke paştî daye xoverdayoxanê Akbelenî, raştê hêrişê leşkeran ameyî.
• Semedê Abdullah Ocalanî veng dîya dezgehanê Ewropa 

  Kampanyaya Sendîkayî ya Azadîye Seba Abdullah Ocalanî derheqê tecîrdê giranî yê serê Rayberê Şarê Kurdî Abdullah Ocalanî verê Parlamentoyê Ewropa de kombîyayîşêkê çapemenî kerd. Kombîyayîş de ame vengdayene ke wa tecrîd cade bêro wedaritene.
• Amed de karkerê DEDAŞî çalakîya roniştişî kenê 

  Amed de karkerê DEDAŞî yê ke bê tazmînatî karî ra ameybî vetene, seba ke abigêrê karî û şertê xebatî bêrê holkerdene verê DEDAŞî de çalakîya roniştişî kenê.
• Akbelen de leşkeran hêrişê şarî kerd 

  Daristanê Akbelenî yê qezaya Mîlasî yê Mugla de seba ocaxê komiran darî birîyenê. Dewijê ke vera ney xo ver danê raştê hêrişê leşkeran ameyî.
• 'Hêvîya mi dewletan ra ney şaran ra est a' 

  Xoşnav Atayo ke 355 rojî yo verê OPCWyî de edaletî wazeno dîyar kerd ke hêvîya ey dewletan ra ney şaran ra est a û vat: ''Ma sey kurdan û dostanê kurdan vengê xo yew bikerê û vera çekanê kîmyewîyan têbigêrê.''
• Mori: Konfederalîzmo Demokratîk û Jinolojî eşkenê pêro Japonya ra vila bibê 

  Profesorê felsefe yê japonî Monotao Moriyî vat: ''Fikrê konfederalî hetê komelî ra fîkrêko îdeal o. Fikrê Konfederalîzmê Demokratîkî û Jinolojî yê Ocalanî eşkenê pêro Japonya ra vila bibê.
• Mûxabîrê MA Firat Can Arslan ame tepiştene 

  Muxabîrê MA Firat Can Arslano ke vizêr Amed de ame destbendkerdene, ame tepiştene.
• Leşkeranê tirkan ciwanê Rûbarokî pê îşkenceyî destbend kerdî 

  Leşkeranê tirkan Rûbarok de hêrişê 4 ciwananê kurdan kerd û ciwanî destbend kerdî.
• Bethnahrin: Peymana Lozanî înkarê şarê ma yo 

  Heyetê Serekîye yê Konseya Neteweyî yê Bethnahrinî îfade kerd ke bara Peymana Lozanî sîyasetê înkar û îmha yê vera sûryanî, asûrî, keldanî û aramîyan de zaf a.
• AKPyî warê sûcan de zî terefgîrê xo afernayî 

  Wekîlê Partîya Çep a Keske yê Amedî Serhat Erenî rexne kerd ke qanûnê înfazî yo newe tepişteyanê sîyasîyan nêgêno zereyê xo û vat: ''AKPyî warê sûcan de zî terefgîrê xo afernayî.''
• Rojnamegere Evrime Deniz zî ameye destbendkerdene 

  Çarçeweya operasyonê qirkerdişê sîyasîyî de rojnamegere Evrime Deniz zî ameye destbendkerdene.
• Operasyonê Xîzan û Geverî de vera şiwaneyan îşkence 

  Koyê Sipêrezî yê dewanê Tiloran ê Geverî de wextê operasyonê leşkeran de şiwaneyî raştê îşkenceyî ameyî. Qezaya Xîzanî ya Bedlîsî de tay dewan de 12 rojî yo operasyon dewam keno.
• DEDAŞ 100 karkerî bê tazmînatî karî ra vetî 

  DEDAŞî bi kodê 49î (Seba ke karê xo nêkerê israr kenê) Amed de 100 karkerê ke vera şertanê xebate yê xiraban çalakîye de bîyê, bê tazmînatî karî ra vetî.
• Rojnamegere Evrime Kepenek ameye destbendkerdene 

  Editora Bianetî Evrime Kepenek sereştişê keyeyê ci de ameye destbendkerdene.
• Avûkatan semedê pêvînayîşê Îmraliyî muracat kerd 

  Avûkatanê Rayberê Şarê Kurdî Abdullah Ocalanî semedê pêvînayîşê muwekîlanê xo yê ke 28 aşmî yo înan ra qet xeberêke nîna girewtene, murecatê neweyî kerdî.
• Adana de bi girdîya 5,6î erd lerza 

  Adana de serê sibayî bi girdîya 5,6î erd lerza.
• Egîtîm-Senî ra, vera eşkerayîya Wezîr Tekînî nêrazîbîyayîş 

  Sekretera Huqûqî ya Egîtîm-Senî Arzu Şîmşek vera qiseyanê Wezîrê Perwerdeyê Mîlî yê Tirkî Yusuf Tekînî nêrazîbîyayîşê xo mojna ke vatbi ke domanê kênayî rîyê perwerdeyê têmîyanekî ra nêşinê dibistanan.
• Hîrê rojnamegerî ameyî destbendkerdene 

  Operasyonê qirkerdişê sîyasîyî de rojnamegerî Sîbele Yuksel, Firat Can Arslan û Delal Akyuz sereştişê keyeyanê xo de ameyî destbendkerdene.
• 'Ganî peynîya tecrîdî bêra ardene' 

  Hemserekê Partîya Herêmanê Demokratîkan (DBP) a Wanî Harun Okayî vat ke tecrîdê vera Rayberê Şarê Kurdî Abdullah Ocalanî mîyanê komelî de beno sebebê alozîye û waşt ke peynîya tecrîdî bêra ardene.
• Înfazê tepişte Azîz Ok qasê 3 serran ame taloqkerdene 

  Abdul Azîz Oko ke 30 serrî yo zîndan de yo, seba ke ferzkerdişê 'poşmanîye' qebul nêkerd înfazê ci qasê 3 serran ame taloqkerdene.
• 'Ma seserra newîye de Pêkerdişê Lozanî qebul nêkenê' 

  Penînameyê konferansê tarîxî yê Lozanî yo ke hetê temsîlkaranê kurdan ra ame kerdene, ame eşkerakerdene.