AKTUEL

Xeberê peyênî

• Rojnamegerî hucreyanê yewkesîyan de ameyî cakerdene 

  20 rojnamegerê ke vizêr operasyonê qirkerdişê sîyasîyî de ameyî destbendkerdene hucreyanê yewkesîyan de ameyî cakerdene.
• Şirnex de hûmara destbendkerdeyan bîye 13 

  Merkez û dewanê Şirnexî de roja çarşemeyî leşkeranê tirkan eştbî xeylêk keyeyan ser û merdimî destbend kerdbî. Dîya zanayene ke şaristan de hûmara destbendkerdeyan bîye 13.
• Kemalbaye bale ante rewşa nêweşanê sîlîkozîsî yê Kanîreşî ser 

  Wekîla HDPyî ya Îzmîrî Serpîle Kemalbay Meclîs de bale ante ser ke Kanîreş de xeylêk nêweşê sîlîkozîsî est ê û ganî nê nêweşî 'astengdarîye' ra bêrê teqawutkerdene.
• Tekirdag de 8 sîyasetmedarê kurdî tepişîyayî  

  Tekirdag de Hemsereka verên a HDPyî ya Çewlîgî Saadete Firat zî tede 8 kesî tepişîyayî. Nînan ra Sadî Ozdemîr se ra 92 astengdar o û pê tupê oksîjenî eşkeno nefes bigêro.
• 'Ocalan bi têgêrayîşê azadîye hêvîya pêro merdimîye yo' 

  Sendîkaya Firin, Xida û Karanê Pêroyîyan (BFAWU) konferansê xo bi beşdarîya 200 delegeyan kerd û konferans de seba azadîya Rayberê Şarê Kurdî Abdullah Ocalanî veng da.
• Hemsereka HDPyî ya Wanî semedê rayraşîyayîşê Gemlîkî veng da 

  Hemsereka HDPyî ya Wanî Handane Karakoyun pare kerd ke ê venga şarê Wanî danê ke roja şemeyî tewrê rayraşîyayîşê Gemlîkî bibo.
• HDP: Vera şer û îşxalî ganî îtîfaq bêro xurtkerdene 

  HDPyî netîcanemeyê konferansê xo de îfade kerd ke vera şer û îşxalî ganî îtîfaq bêro xurtkerdene û vat astengo tewr pîl ê verê çareserî tecrîdê Îmraliyî yo.
• Belçîka ra yewna qerar: PKK rêxistina terorî nîya 

  Belçîka de Konseya Dewa ya Xerîban a ke vera qeraranê şexsîyan ê vera xerîban têgêrena vat: ''PKK rêxistina terorî nîya.''
• 'Îqtîdar bi hedefkerdişê rojnamegeranê kurdan sûcanê xo nimneno' 

  Hetkarê Hemserekanê Pêroyîyan ê HDPyî Tayîp Temelî vat: ''Îqtîdar pê hedefkerdişê rojnamegeranê kurdan xîret keno ke sûcanê xo mîyan bikero.''
• 'Şima nêeşkenê çapemenîya azade bêveng bikerê' 

  DFG û MKGPyî destbendkerdişê rojnamegeran şermezar kerd û vat wazenê raştîyanê Kurdîstanî binimnê la hêzê înan nêeşkeno verê çapemenîya azade bîgêro.
• Nobeta Edaletî: Bi huqûqê dişmenîye nêzdîyê tepişteyan benê 

  Keyeyanê ke Nobeta Edaletî de ca gênê pare kerd ke bi huqûqê dişmenîye nêzdîyê tepişteyan yeno kerdene û vat: ''Heta ke waştişê ma bêrê caardene, ma do meydanan de bibê.''
• Îdarekarê sendîka û xebatkarê EnerjîSA ameyî destbendkerdene  

  Xebatkarê EnerjîSA û îdarekarê Sendîkaya Enerjî yê ke vera qedexe, hêriş û karî ra vetişan verê Holdîngê Sabanciyî de xo ver danê, ameyî destbendkerdene.
• Şirnex de 6 kesî ameyî destbendkerdene  

  Hêzanê dewleta tirke dewan û merkezê Şirnexî de sereştişan de 6 kesî destbend kerdî.
• Corbyn: Wextê awankerdişê têgêrayîşê haştîye yê dinya yo 

  Wekîlê Partîya Karkeran Jeremy Corbynî pare kerd ke vera hêrişanê îşxalî yê dewleta tirke ê hetê têkoşînê kurdan de yê û vat: ''Seba parçekerdişê makînaya şerî, wextê ci ameyo ke têgêrayîşêkê haştîye yê dinya bêro awankerdene.''
• Konferansê HDPyî de mesajê xurtkerdişê têkoşînî ameyî dayene 

  Konferansê HDPyî pê biranê serê ekolojî û têkoşînê vera xizanî, sîyasetê tecrîdî û polîtîkayê şerî qedîya.
• Amed de xeylêk rojnamegerî ameyî destbendkerdene-Newe Bîye 

  Amed de operasyonê qirkerdişê sîyasîyî de Hemserekê DFGyî Serdar Altan zî tede xeylêk rojnamegerî ameyî destbendkerdene.
• Kayê AKPyî: Wendekarî pê bahaneya 'gêrayîşî' berdî mîtîngê xo 

  Rektorîya Zanîngehê Êlihî wendekaran rê vat 'Ma şinê Riha ra gêrenê' û wendekarî berdî mîtîngê AKPyî yê Adana. Mîtîng de werd zî nêdîya wendekaran.
• Avûkatê GOÇÎZ-DERî: Hêriş vera waranê ma yê xebate yo 

  Avûkatê GOÇÎZ-DERî Ahmet Baran Çelîkî pare kerd ke seba destbendkerdişê endamanê înan bira nimite est bîye la çapemenîya dewlete de agahîyê sey 'cigêrayîşê fînansî' ameyê dayene.
• Aydemîr: Bînayî goreyê erdlerzî zixm nêvirazîyayî 

  Wekîlê HDPyî yê Çewlîgî Erdal Aydemîrî da zanayene ke banê ke erdlerzê Kanîreşî ra dima virazîyabî, zixm nîyê. Aydemîrî babete berde rojdemê Meclîsî.
• Qirkerdişo sîyasî: Wan de 9 kesî ameyî tepiştene 

  Wan de 9 kesê ke operasyonê qirkerdişê sîyasîyî de ameybî destbendkerdene, ameyî tepiştene.
• Kibris de semedê PKKyî rojêke de 4 hezar îmzayî arê dîyayî 

  Kibris de seba ke PKK lîsteya terorî ra bêro vetene rojêke de 4 hezar û 110 îmzayî ameyî arêdayene. Endamê Meclîsê Şarê Kurdî yê Kibrisî Aydin Îlkerî beşdarê kampanya fîraz kerdî û seba pîlkerdişê kampanya veng da.
• Mehkemeya tirkan kiştoxan pawena, ceza dana Keyeyê Şenyaşarî 

  Bi bahaneya 'Wezîrê Karanê Zereyî Suleyman Soylu û Wekîlê AKPyî Îbrahîm Halîl Yildizî rê heqaret kerdo' cezaya pereyî ameye dayene Emîne Şenyaşar.
• Konferansê HDPyî: Çare rayîrê hîrêyin o 

  Hemserekanê Pêroyî yê HDPyî Pervîne Buldan û Mîthat Sancarî ard ziwan ke hêrişanê îşxalî ra do heme komel zirar bivîno û vat: ''No îqtîdar do birijîyo û ma bibê aktorê bingeyî.''
• PDKyî destûr nêda enternasyonalîstî şirê Rojawanî 

  Yew grûba enternasyonalîstan ke vera hêrişê îşxalî yê dewleta tirke waşt şiro Rojawanî hetê hêzanê PDKyî ra ameye astengkerdene.
• Enternasyonalîstî seba paştdayîşî şinê Rojawan  

  Bi desan enternasyonalîstî seba hêrişanê îşxalî yê dewleta tirke têbigêrê û paştî bidê Rojawanî şînê herême.