KURDISTAN

Xeberê peyênî

• Artêşa tirke Licê de daran daran birnena 

  Artêşa tirke ya îşxalkera ke hîrê rojî yo qezaya Licê ya Amedî de operasyonê leşkerî kena, daran zî birnena.
• Keyeyê Şenyaşarî 39 rojî yo nobeta edaletî de yo 

  Keyeyî Şenyaşarî roja 39. de verê Edlîyeya Riha de nobeta xo ya edaletî rê dewam keno.
• 'Mesrafê qesre kokê ekonomî ard' 

  Rewşa ekonomî ya Tirkîya her roje bena xirabêr. Muhakemekerdişî ra heta îdareyî, polîtîkaya teberî ra heta mesrafanê qesre xeylêk çîyî kokê ekonomî anê. Roniştoxanê Sûrî yê Amedî babete ser o qisey kerd.
• Licê: Heyetê HDPyî hetê leşkeran ra ama tehdîtkerdene 

  Heyetê HDPyî qezaya Licê ya Amedî de kesê ke operasyonê leşkerî de ameyî  destbendkerdene waşt ke keyeyanê înan zîyaret bikero. Heyet hetê leşkeran ra ame tehdîtkerdene.
• Colemêrg de qedexeyê çalakîyan reyna ame dergkerdene 

  Qedexeyê aktîvîte û çalakîyano ke îqtîdar 2016î ra nata Colemêrg de rayra beno reyna ame dergkerdene. Walîtîya Colemêrgî da zanayene ke qedexe heta 30ê nîsane do dewam bikero.
• Aktîvîst Hawrê Kurdî: PDK xîret keno ke mi Hewlêrî ra vejo 

  Aktîvîstê siyasî Hawrê Kurdîyo ke seba ke vera îşxalê dewleta tirke yê serê Başûrê Kurdîstanî têgêrabi û bi hedefê hêrişan bale ante gefanê PDKyî ser. Kurdîyî vat: ''PDK armanc keno ke m, Hewlêrî ra vejo.''
• Berê sînorî yê Kapikoyî serrêk o girewte yo 

  Berê sînorî yê Kapikoyî yê Wanî serrêk o girewte yo. Na rewşe bi hawayêkê xirabî tesîrê cuya roniştoxanê Wanî kena.
• Bayik: Ma têgêrayîşêk ê ke sosyalîzmê demokratîkî pawenê 

  Hemserekê Konseya Rayberdişî ya KCKyî Cemîl Bayik: Ma çarçewa modernîteya demokratîje de sosyalîzmê demokratîkî pawenê. Ma demokrasî û sosyalîzm yewbînan ra cîya nêkenê. Ma demokrasîya radîkale pawenê.
• Dêrsim: Îdîanameyê tecawuzê vera 7 domanan ame amadekerdene 

  Qezaya Pêrtagî ya Dêrsimî de 2020 de vera 7 domananê lajan hêrişo cînsî amebi kerdene. Îdîanameyê hêrişê cînsî ame amadekerdene.
• Dewanê Licê de terorê dewlete: 4 kesî ameyî destbendkerdene 

  Qezaya Licê ya Amedî de artêşa tirke ya îşxalkere xeylêk dewan de eşt keyeyan ser û dewijan rê şîdet kerd. 4 dewijî ameyî destbendkerdene.
• Hewlêr de hêrişê bi roketan ame kerdene 

  Nêzdîyê Meydanê Teyarayan ê Hewlêrî yê Başûrê Kurdîstanî de teqayîşêko xurt qewimîya.
• Licê de operasyono leşkerî: Darî yenê birnayene 

  Artêşa tirke hîrê dewanê qezaya Licê ya Amedî de operasyonê leşkerî da destpêkerdene. Çimeyanê cayîyan da zanayene ke binê çimdarîya leşkeran de zaf darî ameyê birnayene û bi desan kamyonan ameyî kiriştene.
• Qeyûmî Wan de dest na keye û erdê şarî ser 

  Qeyûmê Wanî çarçewa xebatanê rayîrê dormeyî de dest na keye û erdê şarî ser. Qeyûm pê zorî malê şarî  keno ê umûmîye û 10 kesî zî erdêkî rê kerdî şirîk. Heta nika bi hezaran kesî nê kerdişî ra bîyî mexdûr.
• HPGyî nasnameyê şehîdêkî eşkera kerd 

  HPGyî da zanayene ke gerîla Serhat Sîyajîn 15ê temmuza 2020î de Herêmanê Pawitişî yê Medya de netîceya qezayêkê bêbextî de tewrê kerwanê şehîdan bi.
• HPG: Heftanîn de di îşxalkerî ameyî cezakerdene 

  Gerîlayanê HPG/YJA Starî çarçewa Hemleya Şorişgêre ya Cengê Heftanînî de Xantur de da artêşa tirke ro. Çalakîye de di îşxalkerî ameyî kiştene.
• HDPyî keyeyê Şenyaşarî zîyaret kerd 

  Wekîlê HDPyî yê Dîlokî Mahmut Togrulî verê Edlîyeya Riha de nobeta edaletî ya keyeyê Şenyaşarî zîyaret kerde û vat: ''No edalet nîyo huqûqê serdestan o. Pê hêz û nufuzî akerdişê dewaya nêweşxaneyî yeno astengkerdene.''
• Meclîsê Xoserîya Demokratîke yê Şingalî Çarşema Serê Nîsane fîraz kerde 

  Meclîsê Xoserîya Demokratîke yê Şingalî Çarşema Serê Nîsane fîraz kerde û vat û ê do semedê xoserîya Şingalî têkoşînî pîlêr bikerê.
• Çewlîg: Wa seferê otobusan bêrê zêdînayene 

  Endamanê Meclîsê Şeredarîya Çewlîgî yê HDPyî Ferhat Yildirim û Hatîce Kitay waşt ke menga Remezanî de wa seferê otobusan bêrê zêdînayene.
• KCKyî Çarşema Sore fîraz kerde 

  KCKyî roşanê êzidîyan Çarşema Sore fîraz kerde û venga pêro kurdan da ke wayîrê xoverdayîşê êzidîyan vejîyê û xopawitiş pîl bikerê.
• Kanîreşî pê vewre dest pê menga Remezanî kerd 

  Roja verêne ya menga Remezanî de qezaya Kanîreşî ya Çewlîgî de reyna vewre varaye. Vewre rengê qeza vurna sipî.
• Keyeyê Şenyaşarî roje de zî xo ver dano 

  Xoverdayîşê keyeyê Şenyaşarî verê Edlîyeya Riha de menga Remezanî de zî dewam keno. Keye do fitarê xo nobeta xoverdayîşî de bikero. Keyeyî seba paştdayîşî veng da.
• Çalakîkerê grevî yê Mexmûrî: Seba azadîye xoverdayîşo topyekûn 

  Çalakîya grevê vêşanîye ya seba azadîya Rayberê Şarê Kurdî Abdullah Oacalanî 18ê kanûne de Dezgehê Keyeyanê Şehîdan ê Mexmûrî de rayberîya Meclîsê Îştarî de dabi destpêkerdene pê koma 59. roja 117. de dewam kena.
• Hêrişê cînsî yê vera domane ra 4 kesî tepişîyayî 

  Qezaya Bazarcixî ya Gumgumî de eşkera bi ke tay camêrdanê vera domanêka 12 serre hêrişo cînsî kerd. Çarçewa tehqîqatê serebûtî de 4 kesî tepişîyayî.
• Zehrê Şemo: Ma do milê xo çewt nêkerê 

  Endama TAJÊ Zehrê Şemo pare kerd ke bêdestur û rizaya komelê êzidîyan ê do qet Şingalî ser o peymanêke qebul nêkerê û vat: ''Nika ra pey ma do verê kesî de milê xo çewt nêkerê.''
• Dêrsim de zimistan peyser agêra 

  Qezaya Pilemurîye ya Dêrsimî de menga nîsane de vewre varaye, zimistan peyser agêra.