KURDISTAN

Xeberê peyênî

• YBŞyî derheqê têgêrayîşê SÎHAyanê tirkan de eşkerayîyêke daye 

  SÎHAyê dewleta tirke Şingalî ser o bi hawayêkê aktîfî têgêrenî. Fermandarîya YBŞyî derheqê mesele de eşkerayîyêke daye. YBŞyî da zanayene ke vera Şingalî hêriş ame kerdene û ê do dima zanayîşan pare bikerê.
• Hemsereka HDPyî ya Rezanî Fatma Kavmaz tepişîyaye 

  Hemsereka HDPyî ya Rezanî Fatma Kavmaz bi îdîaya 'endamîya rêxistine' tepişîyaye.
• 'Ma planê dewleta tirke yê seba Heftanînî serûbin kerdî' 

  Gerîlayê HPGyî Firat Çekdarî ard ziwan  ke ê do xoverdayîşê xo yê vera hêrişanê dewleta tirke dewam bikerê û vat: ''Heftanîn de ma plananê înan serûbin kerdî. Ma do nêverdê ke dişmen Kurdîstan îşxal bikero.''
• Canazaya gerîlayê HPGyî Gurkanî Çewlîg de ameye definkerdene 

  Gerîlayê HPGyî Ramazan Gurkano ( Adir Xizgînos) ke 9ê hezîrane de Farqîn de şehîd bibi, cenazaya ci taxa Xizgînosî ya dewa Rîzî ya qezaya Dara Hênî ya Çewlîgî de bi mersaîmêk ameye definkerdene.
• Fermandarîya Eyaletê Heftanînî: Serqorîcîyan ra do hesab bêro persayene 

  Fermandarîya Eyaletê Heftanînî da zanayene ke serqorîcîyê ke hîşyarîyan goştarî nêkenê û hêrişê îşxalî yê vera Heftanînî de serkeşîye kenê, înan ra do hesab bêro persayene û nameyê înan do nizdî ra rayapêroyî dir bêrê parekerdene.
• Heftanîn de 7 leşkerê tirkî ameyî kiştene 

  Çarçewa Hemleya Şorişgêre ya Cengê Heftanînî de 20ê tebaxe de vera artêş a tirke çalakîyî ameyî kerdene, tewr tay 7 îşxalekerî ameyî kiştene û 3 hebî zî birîndar bîyî.
• 77 rojî yo ke semedê girewtişê cenazayanê xo pawenê 

  Keyeyê gerîlayanê HPGyî Salîh Ekîncî û Îzzet Yîgît ê ke Xarpêt de şehîd bîyî, 77 rojî yo nêeşkenê cenazayanê înan bigerê.
• Canazaya gerîlayê HPGyî Ugurlayanî ameye definkerdene 

  Gerîlayê HPGyî Ramazan Ugurlayano ke 9ê hezîrane de Farqîn de şehîd bibi, cenazaya ci Rezan de binê ablûqaya polîsan de ameye definkerdene.
• Şarê Amedî: Welat krîz de yo, AKP dimayê îşxalê herranê bînan de yo 

  Esnafanê Amedî ard ziwan ke rîyê polîtîkayanê ekonîmî ra şar krîz de yo la îqtîdarê AKPyî nê demê krîz de zî dimayê îşxalkerdişê herranê bînan de yo.
• Hûmara tepişteyan nêzanîyena 

  Koordînatorê Pawitişî yê CÎSSTî Berîvan Emîne Korkut ard ziwan ke hûmara tepişteyan kapasîteya zîndananê Tirkîya ra zêdêr a la hûmarêka zelale nêameye vatene.
• Çewlîg de domanêk Çemê Muradî de fatisya 

  Çewlîg de domano 14 serre ke semedê wenikbîyayîşî kewt Çemê Muradî fatisya.
• Vechettîn Alsaç bi sereko newe yê Amedsporî 

  Amedsporî kongreya xo ya 4. kerde. Kongrede Vechettîn Alsaç bi sereko newe yê Amedsporî.
• Heman şantîye de hewteyêk de 3 karkerî merdî 

  Riha de şîrketêka ke rayîrê Pirsûs-Kanîya Xezalan virazena, şantîyeya ci de hewteyêk de 3 karkerî merdî.
• HPG: Artêşa tirk a îşxalkere hewa ra ameye pirodayene 

  HPGyî da pêhesanayene ke Yewîyanê Pawitişî yê Hewayî yê Şehîde Delale Amed vera Qereqolê Sire bi wesayîtanê  hewayî çalakîyêke kerde û vat xeylêk leşkerê tirkî ameyî cezakerdene.
• Amed: Nobetdarî payna milê ci, polîsî paskul eşt 

  Rezanê  Amedî de nobetdarî kesêko waştêne destbend bikerê binateyê rayîrî de mardina ra û  payna milê ci. Dima ke polîsî  ameyî înan ra yewî zî  paskul eşt rîyê ey. 4 kesê ke vera naye vejîyayî êyê zî ameyî destbendkerdene.
• KJK: Endama ma ya Konseya Rayberdişî Leyla Agirî hêrişê hewayî de şehîd bîye 

  KJKyî da zanayene ke Endama Konseya Rayberdişî Leyla Agirî hêrişê hewayî de şehîd bîye û vat: ''Nameyê têgêrayîşê cinîyan ê kurdan ser o ma soz danê ke bi perwerîya vîrameyîşê embaza ma ya raybere Leyla Agirî ma do Kurdîstanê azadî awan bikerê.''
• Turk Telekomî seba ke tirkî nêzana waştişê dadîya kurde nêard ca 

  Dadîyêka ke tirkî nêzanena û waştêne ke xeta xo ya telefonî biqefilna Turk Telekomî pa vat ke 'ya tirkî yan zî erebkî' qisey bikera û waştişê dadîye nêard ca.
• HDPyî Dara Hênî de esnafî zîyaret kerdî 

  HDPyîjan çarçewa 'Bernameyê Têkoşînê Demokratîkî' de qezaya Dara Hênî ya Çewlîgî de esnafî zîyaret kerdî.
• Se ra yewê nifusî do bêro tepiştene 

  Hûmara zîndananê Tirkîya 445 ra zêdêr a. Bi temambîyayîşê înanê ke hê virazîyenê kapasîte do biresa 800 hezar tepişteyî. No zî yena a mana ke 100 kesî ra yew kes do bêro tepiştene.
• Meletî de bi girdîya 4.0 de erdlerz qewimîya 

  Rasatxaneyê Kandîllî yê Unîversîteya Bogazîçî da zanayene ke Meletî de bînşewe bi girdîya 4.0 de erdlerz qewimîya.
• Yanliç: Binê nameyê turîzmî de hêrişê Çimeyanê Munzurî kenê 

  Endamê Platformê Pawitişê Hewselî Guner Yanliçî pare kerd ke Çimeyanê Munzurî binê nameyê turîzmî de benê hedef û vat: ''Serra 1937î serewedaritişê Seyîd Rizayî nata Dêrsim û cografyaya ci yenê talankerdene.''
• 'Gulîstane bîye şahîdê çita?' 

  Waka Gulîstane Doku Aygule ard ziwan ke 5ê çeleyî de versûc Zaynal Abarakovî Gulîstane rê mesajêk erşawit û vat:''Hele menda ke rîyê to ra planê dadîya mi bixeripîyê, keye de çîyo xirab bi.'' Wake Aygule persa ke Gulîstane bîye şahîda çita?
• HPG: 4 îşxalkerî ameyî cezakerdene 

  Gerîlayanê HPG û YJA Starî Xakurkê û Heftanîn de vera artêşa tirke çalakîyî kerdî, tewr tay 4 leşkerî ameyî kiştene û mewzîyêk ame îmhakerdene.
• Nêweşa Korona ya 92 serre erşawîyaye keye 

  Amed de Zeynepe Temura 92 serre ya ke testê ci yê vîrusê Korona pozîtîf vejîya seba ke 'servisê ciewnîyayîşê giranî de ca çin o' erşawîyaye keyeyê xo.
• Dêrsim: Rixmê ablûqaya polîsan zî zîncîrê merdiman ame kerdene 

  Hemwelatîyanê Dêrsimî vizêr rixmê ablûqaya polîsan zî vera projeyê peyzajî Çimeyanê Munzurî de çalakîya zîncîrê merdiman kerde.