KURDISTAN

Xeberê peyênî

• Bazîd de 8 îşxalkerî ameyî cezakerdene, Çelê de 2 kozikî ameyî îmhakerdene 

  Gerîlayan Bazîd de 5 metreyan ra da leşkeran ro. Çalakîye de yewê ci payeberz o, 8 leşkerê tirkî ameyî kiştene. Çelê de zî 2 kozikê ke tede leşkerî estbî ameyî îmhakerdene.
• HPG: Cengê Heftanînî de bîyî sembolê fedayîtîye 

  HPGyî nasnameyê di gerîlayanê ke Heftanîn de şehîd bîyî eşkera kerdî û vat: ''Embazanê ma bi metodê fedayîtîya Apoyî derbê giranî dayî leşkeran ro, Cengê Heftanînî de bîyî sembolê çerî û fedayîtîye.''
• 'Xoverdayîşê ma îşxal û qirkerdişan çin keno' 

  Gerîlayê Cengê Heftanînî vanê: ''Artêşa tirke bêçare mende. Ewro rayberîya gerîlayanê HPG û YJA-Starî de, teknîko NATOyî yu tewr aver ame pûçkerdene û gerîlayî derbanê giranan danê artêşa tirke ro.''
• HDP Licê de şarî reyde ame têhet 

  HDPyî qezaya Licê ya Amedî de şarî reyde kom bi. Kombîyayîş de bale ameye ante polîtîkayê taybetî yê îqtîdarî yê vera kurdan ser.
• Bi xoverdayîşê xo îşxalkerî poşman kerdî 

  Gerîla Ararate xeylêk waranê gerîlayan de rastê îşxalkeran ameye. Heftanîn seba ci bi cayê bêmergîye. Bi xoverdayîşê xo îşxalkerî poşman kerdî
• Seba testê Covidî cenaza ameye vindartene 

  Qezaya Rezanî ya Amedî de cenazaya Îsa Budako ke goreyê îdîayan xo kişto, dima ke seba testê vîrusê Korona bi seatan ameye vindartene, ameye definkerdene.
• 'Ganî destkewteyê kurdan bêrê pawitene' 

  Vervatoxanê CNK û Têgêrayîşê Azadîye Jiyan Tîmurtaşî û Metîn Pîranîyî derheqê hêrişanê dewleta tirke yê vera Başûrê Kurdîstanî de qisey kerd û vat: ''Ganî destkewteyê kurdan bêrê pawitene û rêxistinê kurdan vengê xo berz bikerê.''
• Malazgîrt: Êyê ke do nê şerî de ser bikewê gerîla yê 

  Fermandaranê Qerargehê Merkezê Pawitişê Şarî ra Amed Malazgîrtî îfade kerd ke gerîlayî bi hawayêkê xurtî vera hêrişanê dewleta tirke têkoşîn kenê û vat: ''Gerîlayî do bi taktîk û metodanê neweyan dewleta tirke çin bikerê.''
• Rîyê bombayê dewleta tirke ra doman bi giranî birîndar bi 

  Qezaya Geverî ya Colamergî de teqayîşêk de domano bi nameyê Yusuf Akin bi giranî birîndar bibi. Vejîya werte ke no teqayîş rîyê muhîmatê artêşa tirkî ra qewimîyo.
• HPG:  Gever de wesayîto zirxin ame îmhakerdene 

  Gerîlayanê HPG û YJA Starî ke Gever de da artêşa tirke ro, wesayîtêko zirxin îmha kerd.
• Eren: Ma semedê pêro şaran heman çîyî wazenê 

  Endamê Komîteya Şaran û Bawerîyan a KCK’yî Cîhan Erenî vat ma çîyo ke semedê kurdan wazenê, semedê pêro şaranê bînan zî wazenê.
• Cengê Heftanînî de nameyê çêrîye: Memyan Botan 

  Memyan Botanî dima ke birîndar bi seba ke nêkewo destê leşkeranê TCyî serê xo de bomba teqnaye û bi şehîd. Botanî bi nê ruhê xo yê dayîyî Heftanîn de destanî nuştî û hetê çêran de ca girewt.
• Rêxistinê Ciwanîye yê Dêrsimî: Ma do sozê edaletî ke dayo Ebru bîyarê ca 

  Rêxistinê Ciwanîye yê Dêrsimî semedê avûkate Ebru Tîmtîka ke çalakîya rojeyê mergî de dinyaya xo bedilnaye, eşkerayîya çapemenîye daye û vat: ''Ma do sozo ke dayo cinîya delale ya Dêrsimî bîyarê ca.''
• Koyanê Cûdîyî û Hîrîmîya de şewatê daristanî 

  Şewato ke leşkeranê tirkî perey Koyê Cûdîyî de vet, vizêr zî dewam kerd. Şewatê Koyê Hîrîmîya yê bajarekê Sêgirkî yê Qilabanî ke xo bi xo şibi hewna, newe ra vejîya.
• Başûr de trajedîya îşxalî 

  Merdimê Mamosta Xalitî seba ke cenazaya ey bigêrê neçare mendî ke TCyî ra destûr bigêrê. Başûr de keyeyêk seba ke baxçeyê xo ra cenazaya xo bigêro dewleta îşxalkere ra destûr girewt.
• Cûdî de şewat: Bax û baxçeyî bîyî wele 

  Daristanê Koyê Cûdîyî vizêr şewe ra nara vêşenê. Şewat de bax û baxçeyê dewijan bîyî wele.
• Sêrt de îstasyonê bazî ame îmhakerdene 

  Gerîlayan qezaya Hawêlî ya Sêrtî de vera îstasyonê bazî çalakîya sabotajî kerde, îstayon bi temamî ame îmhkerdene.
• Hunermendê kurdî: Dişmenî bîyê yew, ma zî bibê yew! 

  Platformê Hunermendan ê Kurdîstanijan ê Seba Vengdayîşê Yewîya Neteweyîye waşt ke hêzê sîyasî yê kurdî vera hêrişan rewşa parçekerde war verdê. Platformî vat: ''Yewîya Neteweyîye ra ber metod yan zî rayîrêk nêmend.''
• Gerîla TVyî dîmenê çalakîya Xantûrî weşana 

  Gerîla TVyî dîmenê çalakîya Xantûrî ya ke 17ê tebaxe de ameye kerdene û 7 leşkerê tîrkî ameyî kiştene, weşana.
• Licê de meyîtêk ame dîyene 

  Taxa Karincagî ya Licê de meyîtê camêrdêkî ame dîyene. Dîya zanayene ke camêrd bi çeke ameyo kiştene.
• KCKyî seba Dayîke Fatma mesajê serweşîye weşana 

  KCKyî seba Dayîke Fatma mesajê serweşîye weşana û vat: ''Ma reyna soz danê ke ma do erdê înan bi ziwan, kultur û nasnameyê înan têkoşînê azadîye berz bikerê û hesretê înan bîyarê ca.''
• HPGyî nasnameyê şehîdanê Gabarî eşkera kerdî 

  HPGyî nasnameyê şehîdanê Gabarî eşkera kerdî û vat: ''Delîl, Rûhale û Şervan bi xoverdayîşê xo yê destanwarîyî yê vera artêşa TCyî ya îşxalkere û cerganê bîyî çêrê rayberî yê Botanî.''
• Sembolê kede: Çekdar Kato 

  Şerwanê azadîye ça de şer kenê wa bikerê oxirê şoriş û azadîye de tarîx nusenê.
• Erdal Aydemîrî badê zîyaretê Çewlîgî meseleyî berdî Meclîs 

  Wekîlê HDPyî yê Çewlîgî Erdal Aydemîrî dima ke Çewlîg de esnafî zîyaret kerdî meseleyî bi vernîyazêkê persî berdî rojdemê Meclîsî.
• Amed de 540 kesî Korona ra ameyî definkerdene 

  Dewleta tirke vana ke Vakurê Kurdîstanî û Tirkîya de 6 hezar û 209 kesî merdî. Eşkera bi ke têna goristanê vîrusê Korona yê Amedî de 540 kesî ameyî definkerdene.