KURDISTAN

Xeberê peyênî

• Nuştox Azad Zal ame veradayene 

  Wayîrê Weşanxaneyê J&Jyî Azad Zalo ke çarçewa tehqîqatê KCDyî de amebi destbendkerdene, ame veradayene.
• KCK: Xeyalê şehîdanê Pirsûsî ameyoxê şaran bîyî! 

  KCKyî 33 ciwanê sosyalîstî yê ke Pirsûs de ameyî qetilkerdene bi rêzdarî yad kerdî û vat: ''Xeyalê înan ameyoxê şaran bîyî. Coka nê xeyalî do ser bikewê; pêro hêzê faşîst, murtecî û despotîkî do bin bikewê.''
• HPGyî nasnameyê 3 şehîdanê Heftanînî eşkera kerdî 

  HPGyî nasnameyê 3 gerîlayan ê cinîyan ê ke 25ê hezîrane de Heftanîn de şehîd bîyî, eşkera kerdî û vat: ''Embazanê ma pê gonîya xo destanî nuştî û nameyê xo tarîxê têkoşînê bêhempayî ser o nuştî.''
• Reyna vera domanêke hêrişo cînsî ame kerdene 

  Agirî de camêrdêkê bi nameyê N.Ş.yî vera domanêka 13 serre hêrişo cînsî kerd.
• Gerîla: Ma pîya alaya şorişî rakerê 

  Gerîlayanê HPG û YJA-Starî vera hêrişanê dewleta tirke venga ciwanan da ke tewrê gerîlayan bibê û vat: ''Bêrê ma pîya alaya şorişî rakerê, pîya azad bibê.''
• Dîlok de 18 kesî tepişîyayî 

  Dîlok de operasyonanê qirkerdişê sîyasîyî de 29 kesî ameybî destbendkerdene. Înan ra 18 kesî ameyî tepiştene.
• Cenazaya gerîlayê HPGyî Durmuşî ameye definkerdene 

  Cenazaya gerîlayê HPGyî Osman Durmuşo ke şerêkê Cûdîyî de şehîd bibi Sîlopî de pê merasîmêkî ameye definkerdene.
• Mexmûr de ambargo serrêke ra nata dewam keno 

  Mexmûr de ambargo bi yew serre. Şarê Kampa Multecîyan a Şehîd Rûstem Cûdîyî (Mexmûr) ambargo û ablûqaya PDKyî pê rayraşîyayîşêke şermezar kerd.
• Dêrsim de hêrişê polîsan: 3 kesî ameyî destbendkerdene 

  Dêrsim de gruba ke waştêne vera tecawuzî rayra şire raştê hêrişê polîsan ameye, 3 kesî bi derbkerdiş ameyî destbendkerdene.
• Dêrsim de vera 2 rojnamegeranê cinîyan hêriş 

  Dêrsim de vera muxabîra ajansê Mezopotamya Ayşe Surme û muxabîra Jinnewsî Oznure Deger wexto ke xebere viraştêne hêriş ame kerdene û rojnamegerê cinîyî ameyî derbkerdene.
• Fermandaranê HPGyî ra Adar: Ma do înan tarûmar bikerê 

  Fermandaranê HPGyî ra Dara Adarî pare kerd ke ê do artêşa tirke tarûmar bikerê û tecrîdê vera Rayberê Şarê Kurdî Abdullah Ocalanî bişiknê.
• HPG: Şirnex de 5 timê taybetî ameyî cezakerdene 

  HPGyî da pêhesnayene ke semedê yadkerdişê şehîdanê Hemleya Cengê Heftanînî Qilebanê Şirnexî de çalakîyêke ameye kerdene û vat: '' Çalakî de 5 tîmê taybetî ameyî cezakerdene.''
• Şirnex de domanêke xîret kerd ke xo bikişa 

  Qezaya Basanî ya Şirnexî de domanêka 17 serre pê çeka babîyê xo yê notirî xîret kerd ke xo bikişa. Domana bi hawayêkê giranî birîndar bîye.
• KCK: Şorişê Rojawanî do her tim ê şaran bo! 

  KCKyî Şorişê Rojawanî fîraz kerd û vat: ''Şorişê Rojawanî û Rojawan, hêrişî çend giran benê wa bibê zî tim do bizanê ke xo ver bidê û her tim do bibê hêvîya şaranê Rojhelatê Mîyanênî û dinya.''
• KNK: Xoverdayîşê Heftanînî xoverdayîşê şarê Kurdîstanî yo 

  KNKyî xoverdayîşê Heftanînî rê selam kerd û venga têgêrayîş, hêz, partî û rêxistinanê kurdan da ke vera hêrişanê dewleta tirke wurzê payan ser û paştî bidê xoverdayîşê Heftanînî.
• Dîlok de 9 kesî ameyî tepiştene 

  Dîlok de 29 kesê ke 14ê temmuze de ameybî destbenkerdene înan ra Hemserekê HDPyî yê Dîlokî Musa Aydin zî tede 9 kesî ameyî tepiştene.
• Hêrişê cînsîyî Mêrdîn û Şirnex de ameyî protestokerdene 

  Pîya bi hêrişanê cinsîyan ê vera domanan nêrazîbîyayîşê şarî yê vera nê hêrişan zî zêdîyeno. Bado ke Şirnex û Êlih de domanî rastê hêrişê cînsîyî ameyî, vera hêrişan protestoyî dewam kenê.
• Hezex û Êlih de zî reyna îstîsmarê domanan 

  Ame zanayene ke Êlih de çawişêkê pisporî domanêka 17 serre rê tecawuz kerd. Qezaya Hezexî ya Şirnexî de zî camêrdêkî domanêke tacîz kerde.
• Cenazaya gerîla Havva Baran ameye definkerdene 

  Cenazaya gerîlaya HPGyî Havva Baran (Amara Çîya) ya ke 2019 de Dêrsim de şehîd bibî û Goristanê Meletî de amebî definkerdene, hetê keyeyê ci ra ameye girewtene û Goristanê Yenîkoyî yê Amedî de ameye definkerdene.
• Awe kewte keyeyanê mexdûran ê erdlerzê Wanî 

  Dewa Elaçmazî de ke erdlerzê 25ê hezîrane zaf tesîrê ci kerdbi, nika zî awa laserî kewte keyeyanê mexdûranê erdlerzî.
• Leşkaranê tirkî tutêko mîyê xo çerênayêne bi çeke birîndar kerd 

  Leşkaranê tirkî qezaya Ebaxî ya  Wanî de tutêko mîyê xo çerênayêne, bi çeke birîndar kerd.
• Teyarayanê şerî yê tirkî herêma Balekayetî ser o bombayî varnayî 

  Teyarayanê şerî yê dewleta tirke ya îşxalkere herêma Balekayetî ya Helgurdî ser o bombayî varnayî.
• Heyetê HDPyî: DEDAŞ dişmenîya kurdan keno 

  Heyetê HDPyî Riha de kedkaranê zîretî reyde kombîyayîş kerd û pare kerd ke DEDAŞ dişmenîya kurdan keno.
• Dêrsim: Hemwelatîyî vera ocaxê kerrayan payan ser o yê 

  Qezaya Mazgêrdî ya Dêrsimî de yeno plankerdene ke ocaxê kerrayan bivirazîyo. Hemwelatîyan vera planî nêrazîbîyayîşê xo mojna û vat: ''Eke hewce bibo ma verê daran de kewenê ra la ma destûr nêdanê.''
• Heftanîn, Xakurkê û Dêrsim de çalakî 

  Gerîlayanê HPG û YJA Starî Heftanîn, Xakurkê û Dêrsim de çalakîyî kerdî. Tesbîtkerde 3 leşkerî ameyî kiştene.