KURDISTAN

Xeberê peyênî

• Serawîyê YNKyîjî bale ante hemkarîya MÎT-PDKyî ser 

  Îdareyê Yewîya Niştimanî ya Kurdîstanî (YNK) ra Eta Serawîyî pare kerd ke îstîxbaratê tirkî MÎTî Zînî Wertê de hêzêkê PDKyî reyde gerîlayan teqîb keno. Serawîyî derheqê babete de dîmenêk zî pare kerd.
• HPG: Gabar de 5 leşkerê tirkî ameyî kiştene 

  Gerlayanê HPG û YJA Starî vera wesayîtêkê zirxinê ke Gaber de dewrîye gêrayêne çalakî viraşte. Çalakîye de wesayîto zirxin ame îmhkerdene û 5 îşxalkerî ameyî kiştene.
• Hebûn Kardaş binê ablûqa de ame definkerdene 

  Cenazaya gerîlayê HPGyî Hebûn Kardaşo ke operasyonê leşkerî yê Licê de şehîd bi, binê ablûqa de ameye definkerdene.
• Şerîk: 1ê Gulane reyde prosesêko newe dest pêkeno 

  Endamê Komîteya Merkezî ya PKKyî Cemal Şerîkî îfade kerd ke vera modernîteya kapîtalîste ganî komel bi temamî têkoşîn bikero û 1ê Gulane yê emserî seba kedkar û karkeran destpêkê prosesêkê neweyî yo.
• Zînê Wertê: Wa hêzî agêrê pozîsyonanê xo yê verênan 

  Şaro ke waşt ke şiro Zînî Wertê û mesajêk bido hetê hêzanê PDK û YNKyî ame astenkerdene. Naye ser o nuqtaya kontrolî ya Qemteryanî de derheqê babete eşkerayîyêke ameye dayene û ame waştene ke wa hêzî agêrê pozîsyonanê xo yê verênan.
• Gerîlayanê HPG û YJA Starî Cûdî de da piro 

  HPGyî da pêhesnayene ke gerîlayan 28ê nîsane de herêma Koyê Cûdîyî de vera leşkeranê tirkî çalakîyêke viraşte.
• Erzirom: Dewêke gerîya binê karantîna, 70 kesî nêweşxane de yê 

  Dewa Keçelanî ya Tatosî rîyê Korona ra gerîyaye binê karantîna û 70yî zafêr kesî nêweşxane de yenê tedawîkerdene.
• Endamê TUHAY-DERî Albaye û Îtah ameyî destbendkerdene 

  Çarçewa operasyonê qirkerdişê sîyasî de Wan de endamê TUHAY-DERî Halîme Albay û Zekî Îtah ameyî destbendkerdene.
• Nîşaneya perwerîye: Delîl Erzîncan 

  Kemal Civandag (Delîl Erzîncan)o ke Dêrsim de dadîya xo ra bîyo, wexto ke Zanîngehê Anqara de beşê fîzîkî wendêne PKK nas kerd. Delîl Serra 1999î de tewrê gerîlayan bi, serra 2007î de zî Dêrsim de şehîd bi.
• PKK: Ganî alaya 1ê Gulane her ca de bêra berzkerdene 

  Komîteya Rayberdişî ya PKKyî: Erk û wezîfe yo ke pê paradîgmaya demokratîke, ekolojîke, azadîpawitoxîya cinîyan vera hêriş û sîstemê kapîtalîstî bêro xoverdayene û têkoşînê demokrasî û têdûştîye yê azadîye û cîyatîye bêro caardene.
• Pulur de govendê 'mesafeyê komelkîyî' 

  Qezaya Pulurî ya Dêrsimî de prosesê vîrusê Korona de cinîyan çarçewa mesafeyê komelkîyî de pê def û zurna govend girewt.
• Dewleta tirke ya îşxalkere di ciwanê Rojhelatî qetil kerdî 

  Hêrişê dewleta tirke ya îşxalkere yê vera herêma Xakûrkê yê vizêrênî de di ciwanê rojhelatijî yê ke herême de pancar arê dayêne ameyî qetilkerdene.
• Dêrsim: Kampanyaya paştdayîşî bena vila 

  Hunermendê dêrsimijî Dogan Çelîkî seba Kampanyaya Keyeyê Wayûbirayî ya HDPyî  bi kirdkî venga şarî da ke paştî bido yewbînan.
• 'Cayê hêrişê vera goristanî dînê Îslamî de çin o' 

  Mala Mehmet Emîn Kiliçî ard ziwan ke ganî baş bêro zanayene ke cayê hêrişê vera goristanî dînê Îslamî de çin o û vat: ''Dînanê semawîyan de û bawerîyanê pêro dinya de cayê ney çin o.''
• Çewlîg: Koçberî rîyê Korona ra pawenê 

  Koçberê ke aşmanê zimistanî de şinê herêmanê germinan  û aşmanê wisar û hamnanî de verê xo danê koyanê berzenê ke hîna wenikê emser rîyê Korona ra pawenê.
• Rêxistina HDPyî ya Dêrsimî ra derheqê şaredarîye de eşkerayîye 

  Rêxistina HDPyî ya Dêrsimî derheqê astengkerdişê endamanê meclîsê şaredarîye û tewirê şaredarîye yê vera înan de eşkerayîyêke daye.
• Eksîk: Tayînkerdişê qeyûmî nîşaneya dişmenîya vera kurdan a 

  Wekîlê HDPyî yê Îdirî Habîb Eksîkî da zanayene ke tayînkerdişê qeyûman nîşaneya eşkera ya dişmenîya AKPyî ya vera kurdan a û vat ê na bêhuqûqîye do qet qebul nêkerê.
• HPG: 12 leşkerê tirkî ameyî kiştene 

  Gerîlayan qilê Şehîd Şêxmusî de vera artêşa tirke çalîkîye viraşte, 9 leşkerê tirkî ameyî kiştene û 4 mewzî û xelêk çekê îşxalkeran ame îmhakerdene.
• KCK: Ma do berpirsîyarîya xo bîyarê ca 

  KCKyî pare kerd ke vengdayîşê hunermendan, rojnamegeran, KNK, kesayet û dezgehanê demokratîkan ê Kurdîstanî yê seba Zînî Wertê zaf ercîyaye yê û îfade kerd ke ê do berpirsîyarîya xo bîyarê ca.
• Wan û Riha de karantîna 

  Wan de kesêko zîndan ra vejîya de vîrusê Korona ame tesbîtkerdene û taxa ke tede yo gerîyeye binê karantîna. Reyna Wêranşarê Riha de zî taxêke binê karantîna de ya.
• Amed de 54 kedkarê weşîye pê vîrusî kewtî 

  Odaya Tabîban a Amedî da zanayene ke şaristan de 54 kedkarê weşîye pê vîrusê Korona kewtî.
• Çewlîg de rewşa peyêne ya Korona 

  Çewlîg de tesîrê vîrusê Korona goreyê şaristananê bînan zaf nîyo la hema zî şaristan de 14 nêweşê vîrusî estê.
• Teyarayanê şerî herêma Bradostî ser o bombayî varnayî 

  Teyarayanê şerî yê artêşa tirke ya îşxalkere herêma Bradostî ya Başûrê Kurdîstanî ser o bombayî varnayî.
• Bayindir: Polîtîkaya qirkerdişî dewam kena 

  Hemserekê DBPyî Bayindirî îfade kerd ke tecrîd, vurnayîşê qanûnê înfazî û hêrişê vera Başûr û Rojawanê Kurdîstanî netîceyê polîtîkayanê qirkerdişî yê vera kurdan ê.
• Şarê Qendîlî: Dewleta tirke şerê birakujî wazena 

  Şarê Qendîlî vera hêrişanê Zînî Wertê nêrazîbîyayîşê xo mojna û vat dewleta tirke wazena şerê birakujî bida destpêkerdene.