AKTUEL

Xeberê peyênî

• Qanûnê Sansurî Rojnameyê Resmî de weşanîya 

  'Qanûnê Sansurî' yo ke îqtîdarî amade kerdo, seke pawîyayêne hetê Serekkomarê Tirkîya Erdoganî ra ame tesdîqkerdene û Rojnameyê Resmî de weşanîya.
• Dêrsim de protestoyê afatê madenî: Qeder nê qirkerdiş o 

  Platformê Demokrasî û Kede yê Dêrsimî felaketê ocaxê madenî yê Bartinî protesto kerd û vat no felaket qeder nê qirkerdiş o.
• Wekîla verêne ya HDPyî Yildirime vera dîyaye  

  Wekîla verêne ya HDPyî ya Mêrdînî Gulsere Yildirima ke înfazê ci 4 mengî verî temam bibi, Zîndanê Kandira de ameye veradayene.
• Xarpêt de bi girdîya 4.0î de erdlerz qewimîya 

  Qezaya Sîvrîce ya Xarpêtî de bi girdîya 4.0î de erdlerz qewimîya.
• Berlin de Konferansê Hetkarîya Tibî ya seba Rojawanî 

  Temsîlkarîya Îdareyê Rojawanî ya Berlinî seba hetkarîya tibî ya herême Berlin de konferansêk viraşt.
• Zîndanê Evîne de hûmara tepişteyanê ke kişîyayê, bîye 8 

  Hêzanê dewleta Îranî roja şemeyî Zîndanê Evîne yê Tehranî de qirkerdiş kerd. Ame parekerdene ke hûmara tepişteyanê ke ameyê qirkerdene bîye 8.
• Cezaya zîndanî ya 11 serran û 7 mengan dîyaye Leyla Guven 

  Mehkemeya tirkan Hemsereka KCDyî Leyla Guven rê bi îdîaya 'propagandaya rêxistine' cezaya zîndanî ya 11 serran û 7 mengan daye.
• HDP: Tarîxê Tirkîya de vêşanîye û xizanîye qetî hende zaf nêbîya 

  HDPyî bi wesîleya 17ê Teşrîna Verêne Roja Têkoşînê vera Xizanîye ya Dinya eşkerayîyêke weşanaye û dîyar kerd ke tarîxê Tirkîya de verî vêşanî, xizanî û bêedaletîye hende zaf nêbîya.
• Çîlikan de 5 kesî ameyî destbendkerdene 

  Qezaya Çîlikanî ya Semsûrî de operasyonê qirkerdişê sîyasîyî de 5 kesî ameyî destbendkerdene.
• Sicîlê mudiranê şîrketa çimeyê komirî pakî nîyo 

  Eşkera bi ke têna sicîlê Mudirê Pêroyî yê Şîrketa Çimeyê Komirî yê Amasra yê Bartinî yê TTKyî Kazim Eroglu nê sicîlê Hetkarê Mudirî Îsmaîl Guner zî pakî nîyo.
• Rêxistina Heqanê Merdiman a Îranî: Zîndanê Reştî de 6 tepişteyî kişîyayî 

  Rêxistina Heqanê Merdiman a Îranî da zanayene ke vizêr şaristanê Reştî (Lakan) de zîndanê merkezî de mabênê hêzanê asayîşî û tepişteyan de pêkewtiş qewimîyayo û 6 tepişteyî ameyê qetilkerdene.
• Kino: Ganî hêzê çep-sosyalîstî vera tecrîdî têkoşîn bikerê 

  Endamê Meclîsê Partî yê DBPyî Îsmaîl Kinoyî vat ganî hêzê çep-sosyaslîtî vera polîtîkaya tecrîdî ya vera Birêz Ocalanî têkoşîn bikerê.
• Wargehê Dêrsimî de wendekarê cinîyî pê xida axû kewtî 

  Wargehê wendekaranê cinîyan ê Dêrsimî de xeylêk wendakarî pê xida axû kewtî.
• Zîndanê Evîne de 4 tepişteyan dinyaya xo bedilnaye 

  Hêrişê vera Zîndanê Evîne yê Tahranî de goreyê eşkerayîyanê fermîyan 4 tepişteyan dinyaya xo bedilnaye û 61 kesî birîndar bîyî. Goreyê çimeyanê bînan rewşe giranêr a.
• Oker: No operasyonê destfînayîşê elewîyan o 

  Turgut Okerî vat projeyê awankerdişê Serekîya Cemxaneyan û Kulturê Elewî-Bektaşîyan operasyonê destfînayîşê elewîyan o.
• Mouini: Şarî eşkenê pê têkoşînê hemparî sîstemê faşîstî birijnê 

  Hemserekê PJAKî Mouinîyî ke qewimîyayîşê Rojhelat û Îranî sey şorişê ke cinîyî serkêşîyê ci kenê pênas kerd, vat: ''Ma dewrêkê tarîxî ra ravêrenê, ganî têkoşînê şaran bibo hempar.''
• HDP: Berpirsîyarê qirkerdişê Amasra îdarekarê welatî yê 

  Hetkarê Hemserekanê HDPyî Ridvan Turanî ke warê qirkerdişê madenî yê Amasra de qisey kerd, vat: ''Wezîfeyê Serekkomarî vera gonî peredayîş nê, astengkerdişê qezayan o. Berpirsîyarê nê qirkerdişî îdarekarê welatî yê.''
• Zîndanê îşkenceyî yê Evîne de şewat vejîya 

  Zîndanê Evîne yê Îranî yo ke pê îşkenceyî yeno naskerdene de şewat vejîya. Dîmenê ke înternetî de ameyî vilakerdene de yeno vînayene ke herême de dû û kila benê berz.
• Hîlwan de zereyê poşetî de esteyê merdiman ameyî dîyene 

  Taxa Hişkikî ya Hîlwanî de zereyê yew poşetê silî de esteyê merdiman ameyî dîyene. Dozgerê cayê serebûrî îfade kerd ke kesê ke serranê 90an de cînayetanê faîlî-meçhulan de merdimê xo vînî kerdî, eşkenê seba testê DNA muracatî bikerê.
• Bartin de xebata cigêrayîşî qedîyaye: 41 kesan dinyaya xo bedilnaye 

  Xebata cigêrayîşî û xelasnayîşî ya seba teqayîşê Amasya qedîyaye. Teqayîş de 41 karkeran dinyaya xo bedilnaye. Heyetê HDPyî zî ver bi Bartinî kewt rayîr.
• Nobeta Edaletî de merdimê tepişteyan ameyî destbendkerdene 

  4 çalakîkerê Nobeta Edaletî Meydanê Emînonu de ameyî destbendkerdene.
• Defend Kurdistan: Şerê kîmyewî yê vera Kurdîstanî vindarnê! 

  Înîsîyatîfê Defend Kurdistanî derheqê hêrişanê kîmyewîyan ê dewleta tirke ya îşxalkere de eşkerayîyêke daye û vera şuxilnayîşê çekanê kîmyewîyan venga her kesî da ke tewrê çalakîyan bibo.
• Rojhelat û Îran de serewedaritiş beno pîlêr  

  Îran û Rojhelatê Kurdîstanî de serewedaritişê şarî her ke şino beno pîlêr. Ciwananê Tehranî zî venga pêro kesan da ke wa çalakîyan pîlêr bikerê.
• Bartin de heta nika 40 karkeran dinyaya xo bedilnaye  

  Qezaya Amasra ya Bartinî de teqayîşê ocaxê madenan de hûmara karkeranê ke dinyaya xo bedilnaye bîye 40.
• Dewaya Denîze Poyraz de mutela ameye eşkerakerdene 

  Roniştişê dewaya vera kiştoxê Denîze Poyraz Onur Gencerî de dozgerî mutela eşkera kerde. Dozgerî waşt ke 'plankerde û qestî ra kiştişî' ra cezaya muebeda girane wa bêra dayene Gencerî.