AKTUEL

Xeberê peyênî

• Xebatê DEM Partî: Seba erşawitişê qeyûman 3 rojî mendî 

  DEM Partî Vakurê Kurdîstanî de xebatanê xo yê weçînayîşanê 31ê adare rê bi coşî dewam kena.
• Bayindir: Eke kurdî yew bibê feraseto faşîst do bin bikewo 

  Hemserekê Pêroyî yê DBPyî Keskîn Bayindirî Bazîd de vat: ''Ma kolonyalîzmî qebul nêkenê. Gabî kurdî bibê yew. Ma do cewabê ferasetê faşîstî û planê şerî bidê.''
• 'Eke çareserîyêke nêra peydakerdene, grevê vêşanîye do dewam bikero' 

  Avûkate Esra Saçakli îfade kerd ke tepişteyî wazenê ke meseleya kurdan zemînêkê demokratîkî de wa bêra çareserkerdene û vat: ''Dewlete seba çareserîya na mesele ganî game bierza û çareserîyêke peyda bikera. Nêbo grevê vêşanîye do dewam bikerê.''
• Avûkatan semedê pêvînayîşê Abdullah Ocalanî muracat kerd 

  Avûkatanê Rayberê Şarê Kurdî Abdullah Ocalanî semedê pêvînayîşê muwekîlanê xo yê ke 35 aşmî yo înan ra qet xeberêke nîna girewtene, murecatê neweyî kerdî.
• Hunermendanê TEV-ÇANDî seba DEM Partî veng da 

  Hunermendanê Têgêrayîşê Kultur û Hunerî yê Kurdan (TEV-ÇAND) venga pêro kesan da ke seba DEM Partî seferber bibê.
• Şayîya ciwanan: Wext wextê serkewtişê kurdan o 

  Namzeda Şaredarîya Agirî ya DEM Partî Hazale Aras şayîya ciwanan a DEM Partî de pare kerd ke ganî ciwanî weçînayîşan de mesuldarîya xo ya tarîxîye bîyarê ca.
• Polîsan nêverda ke EMEP Emîne Şenyaşar zîyaret bikero 

  Çalakîya Nobeta Edaletî ya Emîne Şenyaşara verê Wezîrîya Edaletî de roja 63ine de dewam kerd. Polîsan destûr nêda ke endamê Partîya Kede (EMEP) Emîne Şenyaşar zîyaret bikerê.
• 'Mandelayo ewroyîn Ocalan ganî bibo azad' 

  Wekîla Parlamentoyê Swîsre Laurence Fehlmann Rielle Abdullah Ocalanî sey Mandelayê ewroyînî pênase kerd û vat vera tecrîdê Îmraliyî ganî pêro komelo mîyanneteweyî têbigêro.
• DEM Partî: Wayîrê rayanê xo bivejîyê,şirê sindoqan ser 

  DEM Partî vat yew raye zî zaf muhîm a û veng da şarî ke wa 31ê adare de şiro sindoqan ser. Reyna veng dîya weçînitoxanê ke bajaranê bînan de yê, wa şirê Kurdîstan de rayanê xo bişuxulnê.
• Hamburgî ra vengdayîş: Çewlîg de ma paştî bidê namzedanê DEMî 

  Welatperweranê çewlîgijan ê Hamburg û dormeyê ci venga pêro çewlîgijanê bînan da ke wa weçînayîşan de paştî bidê namzedanê DEM Partî.
• Çewlîg de mîtîngê DEMî: Ganî tornê ci rîyê Şêx Seîdî sîya nêkerê 

  Çîgdeme Kiliçgun Uçar mîgîngê Çewlîgî de vat: ''Şêx Seîdî wexto ke ameyêne dardekerdene vatbi 'Ma çîyo xirab nêkerd ke tornê ma ma ra şerm bikerê.’ Ganî tornê ci rîyê Şêx Seîdî sîya nêkerê.''
• Baro û rêxistinanê komelê sivîlî venga CPTyî da: Seba Îmraliyî têbigêrê! 

  Baro û rêxistinanê komelê sivîlî vera tecrîdê Îmraliyî CPTyî rê mektubêke şawite û vat: ''Ganî cade game bêra eştene.''
• Pinare Sakik Tekîn: Şarî îradeyê xo mojna 

  Hemsereka DEM Partî ya Amedî Pinare Sakik Tekîn bale ante ser ke Newroze de şarê kurdî îradeyêko pîl mojnayo û vat: ''Meydananê Newroze ra na netîce vejîyaye ke qeyûmî erzîyayî çopê tarîxî.''
• Hezro de operasyono leşkerî 

  Ame parekerdene ke nêzdîyê dewanê qezaya Hezroyî yê Amedî de operasyono leşkerî dîyayo destpêkerdene.
• Şirnex de 8 kesî ameyî destbendkerdene 

  Şaristanê Şirnexî û qezayanê ci de hêzanê dewleta tirke eşt xeylêk keyeyan ser û 8 kesî destbend kerdî.
• Seba Vuralo ke 30 serran ra dima vera dîya, pêşwazîkerdişo pîl 

  Tepişteyo nêweşo giran Cebraîl Vural 30 serran ra dima zîndanî ra vejîya. Vural hetê bi seyan kesan ra û bi sloganê ''Bijî Berxwedana Zîndanan'' ame pêşwazîkerdene.
• Hezex de şayîya şarî: Bi hîleyan wazenê îradeyê kurdan xesp bikerê 

  Hemvervatoxa DEM Partî Ayşegule Dogan şayîya şarî ya Hezexî de vat: ''Bi hîleyan wazenê ke îradeyê kurdan xesp bikerê la hol bizanê ke kurdê ke xapîyenê nêmendê. Wext wextê jin jiyan azadî yo.''
• Dêrsim: Ma do bi yewbîyayîşî ser bikewê 

  Dêrsim de bi slogana ''Ma do bi yewbîyayîşî ser bikewê'' rayraşîyayîş ame kerdene. Çewlîg de siba do mîtîng bêro kerdene. Heyetê DEM Partî esnaf zîyaret kerdî û seba mîtîngî veng da.
• Zîndanê Kavakî de binpaykerdişê heqan zêdîyayî 

  Tepişteyanê Zîndanê Kavakî bale ante ser ke binpaykerdişê heqanê înan zêdîyayê û vat: ''Ma do heta peynî vera teda û zulmî xo ver bidê.''
• Avûkatan semedê pêvînayîşê Abdullah Ocalanî muracat kerd 

  Avûkatanê Rayberê Şarê Kurdî Abdullah Ocalanî semedê pêvînayîşê muwekîlanê xo yê ke 35 aşmî yo înan ra qet xeberêke nîna girewtene, murecatê neweyî kerdî.
• Bakirhan: Eke ma bibê yew îtîfaqê JÎTEMî do bin bivisnê 

  Hemserekê DEM Partî Tuncer Bakirhanî Îdir de qisey kerd û vat: ''Ma do îtîfaqê JÎTEMî asteng bikerê. Ganî kurdî bibê yew û peyê hesabanê qijan war verdê.''
• CÎK: Serhed de ma paştî bidê DEM Partî 

  Serekê Pêroyî yê CÎKî Hafiz Ahmet Turhalliyî venga şarê Serhedî da ke weçînayîşanê 31ê adare de wa paştî bido namzedanê DEM Partî.
• Şahîn: Ma wayîrê sindoqanê xo vejîyê 

  Hemserekê DEM Partî yê Amedî Abbas Şahîn: Ganî ma hem raya xo bidê hem zî wayîrê raya xo vejîyê. Çunke tîya de reqabetê vera îqtîdar û muxalefetî ney reqabetê kurdan ê vera dewlete est o.
• Dêrsim û Riha de kombîyayîşê şarî 

  DEM Partî çarçewa xebatanê weçînayîşî yê 31ê adare de Dêrsim û Riha de kombîyayîşê şarî kerdî. Hemsereka Pêroyî ya DBPyî Çîgdeme Kiliçgun Uçar Dêrsim de venga şarî da ke wa wayîrê sindoqan vejîyo.
• Hêrişê nîjadperestî ameyî şermezarkerdene 

  Hêrişê nîjadperestê ke Belçîka de vera kurdan ameybî kerdene xeylêk şaristanan de ameyî protestokerdene.