AKTUEL

Xeberê peyênî

• DEM Partî Pirxus de ancî ser kewte 

  Îtîrazê Partîya Yeniden Refahî (YRP) ra dima bajarekê Pirxusî yê Bedlîsî de rayî ancî ameyî hûmaritene. Netîceya hûmaritişî de DEM Partî ancî ser kewte.
• Huqûqnasî: Fermanê xespî Erdoganî da 

  Huqûqnasan vera xespkerdişê mazbataya Hemşaredarê Wanî Abdullah Zeydanî nêrazîbîyayîşê xo mojna û îfade kerd ke prosesê weçînayîşan de Erdoganî nîşaneya nê hêrişan daya.
• CHPyî netîceya weçînayîşanê Dêrsimî rê îtîraz kerd 

  Namzedê Şaredarîya Dêrsimî yê CHPyî Alî Mustafa Çelîkî eşkerayîya xo ya serê netîceyanê weçînayîşan de vat: ''Ez bira şarê ma rê hûrmet kena'' la netîceyan rê îtîraz kerd.
• Hemşaredar Zeydan: Vera na bêhuqûqîye wurzê payan ser 

  Hemşaredarê Wanî Abdullah Zeydanî venga pêro kesan da ke wa vera bêhuqûqîye wurzê payan ser û vat: ''Oyo ke ewro ma rê yeno kerdene, siba do Îzmîr de zî bêro kerdene.''
• Şar wayîrê îradeyê xo vejîyeno: ''Bijî berxwedana Wanê'' 

  Vera darbeya AKPyî şarê Wanî bi slogana ''Ma do bi têkoşînî ser bikewê'' kuçeyan de yo. Bajaranê bînan ê Kurdîstanî de bi slogana ''Bijî berxwedana Wanê'' paştî dîyeno xoverdayîşê Wanî.
• Şirnex de şar wirişt payan ser : AKPyo dizd do hesab bido 

  Şirnex de şar vera xespkerdişê îradeyî wirişt payan ser. Hemsereka Pêroyî ya DBPyî Çîgdeme Kiliçgun Uçar ard ziwan ka AKPyî bi dizdîye şaredarî girewte û vat heta ke Şirnex de weçînayîş newera bêro kerdene têkoşînê înan do dewam bikero.
• DEM Partî: Wa her kes vera darbe paştî bido şarê Wanî 

  Hemserekanê Pêroyî yê DEM Partî Tulaye Hatimogullari û Tuncer Bakirhanî verê Heyetê Weçînayîşî yê Berzî ra veng da ke wa her kes vera darbe vengê xo berz bikero û paştî bido şarê Wanî.
• Înîsîyatîfê Şarî: Vera xespkerdişê îradeyî meydanan cameverdê 

  Înîsîyatîfê Şarî yê Kurdîstanî veng da şarî ke sere de Kurdîstan her ca de vera xespkerdişê îradeyê şarê Wanî wa meydanan cameverdo.
• Avûkatan semedê pêvînayîşê Abdullah Ocalanî muracat kerd 

  Avûkatanê Rayberê Şarê Kurdî Abdullah Ocalanî semedê pêvînayîşê muwekîlanê xo yê ke 35 aşmî yo înan ra qet xeberêke nîna girewtene, murecatê neweyî kerdî.
• AKP wazeno Şaredarîya Bazarcixî xesp bikero 

  AKPyo ke wazeno Şaredarîya Bazarcixî ya ke DEM Partî girewta, xesb bikero muracatê Heyetê Weçînayîşî yê Berzî kerd.
• Darbeya sîyasîye: Curne Reş de weçînayîş do newera bibo 

  Qezaya Curnê Reşî ya Riha de DEM Partî ser kewtbî. Seba ke AKPyî îtîraz kerd qerar ame girewtene ke do weçînayîş newera bêro kerdene.
• Şarê Wanî vera xespkerdişê îradeyî wirişt payan ser  

  Abdullah Zeydano ke sey Hemşaredarê Bajarê Pîlî yê Wanî ame weçînayene, heqê ci ame xespkerdene. Şarê Wanî vera na bêhuqûqîye wirişt payan ser.
• Îradayê şarê Wanî rê darbe: Mazbata dîyaye namzedê AKPyî 

  OHDyî da pêhesnayene ke Heyetê Weçînayîşî yê Bajarî yê Wanî mazbata daye namzedê AKPyî Abdulahat Arvasî û semedê wayîrvejîyayîşê îradeyê şarî veng da.
• Hûmara şaredarîyanê DEM Partî bîye 78 

  DEM Partî şaredarîyê tayênê bajarekan zî vistî destî û bi nê hawayî hûmara şaredarîyanê xo kerde 78.
• Bedlîs de polîsan hêrişê şarî kerd 

  Merkezê Bedlîsî de weçînitoxanê DEM Partî semedê hîle û bêusûlîyan waşt ke netîceyanê weçînayîşan rê îtîraz bikerê. Polîsan hêrişê şarî kerd.
• DEM Partî: Heqê Abdullah Zeydanî ameyî xespkerdene 

  DEM Partî dîyar kerd ke heqê Hemşaredarê Wanî Abdullah Zeydanî hetê îqtîdarî ra ameyê xespkerdene û venga îqtîdarî da ke wa îradeyê şarê Wanî rê hûrmet bikero.
• Cinîyan ê êzidîyan Nobeta Azadîye dewr girewte 

  Endamanê SMJÊ hewteyê 614inî de Nobeta Azadîye dewr girewte û vat: ''Heta ke Rayberê ma azad bibo ma do têkoşîn bikerê. Çunke bê Rayberîye cuye nêbena.''
• DEM Partî netîceyanê Hezroyî rê îtîraz kerd 

  DEM Partî Hezro de seba ke 904 rayî ameyî betalkerdene û 793 weçînitoxî kirişîyayî qeza, netîceyan rê îtîraz kerd.
• Kurdîstan de şayîyê DEM Partî dewam kenê 

  Kurdîstan de serkewtişê weçînayîşan ê DEM Partî hetê şarî ra bi coşî yeno fîrazkerdene.
• Xeylêk bajaran de serkewtişê DEMî ame fîrazkerdene 

  Wan, Agirî, Mûş, Sêrt û Qereyazî de serkewtişê DEM Partî ame fîrazkerdene. Şayîyan de hemşaredaran şarî rê spas kerd ke wayîrê îradeyê xo vejîya û qeyûmî peyser şawitî.
• Leşker û polîsê ke seba weçînayîşî kirişîyayî Qersî bajarî ra vejîyayî 

  AKP-MHP seba ke Qers de îradeyê şarî xesp bikero, bi xîleyan ser bikewo polîs û leşkerî kiriştî Qersî. Nê weçînitoxê sexteyî bi otobusan bajarî ra vejîyayî.
• Qileban de xîleyê AKPyî ameyî protestokerdene 

  Qileban de bi seyan kesan xîleyê weçînayîşî yê AKPyî protesto kerdî. Şarê ke dovîzê “Konuş! Sen nerelisin?” û “Siz kölesiniz” kiriştî slogana ''Dizdî do hesab bidê'' vate.
• Şaredarîyê Kurdîstanî yê ke ameyê xespkerdene 

  Îqtîdarê AKP-MHPyî bi rayanê leşker û polîsan tewr tay 12 şaredarîyê şaristan û qezayanê Kurdîstanî xesp kerdî.
• Êlih de felsefeya 'Jin, Jiyan, Azadî' ser kewte 

  Bi beşdarîya bi des hezaran kesan serkewtişê DEM Partî Êlih de bi coşî ame fîrazkerdene. Hemşaredara Êlihî Gulîstane Sonuk vat: ''Vera ferasetê DAÎŞî felsefeya 'jin, jiyan, azadî' ser kewte.''
• Xelfetî de serkewtiş dîyarîya Abdullah Ocalanî ame kerdene 

  DEM Partî serkewtişê xo Xelfetî de heta şewe fîraz kerd û serkewtişê xo dîyarîya Rayberê Şarê Kurdî Abdullah Ocalanî kerd.