KURDISTAN

Xeberê peyênî

• Bayik: Ganî PDK sîyasetê qirkerdişî yê dewleta tirke rê xizmet nêkero 

  Bayikî ard ziwan ke sîyaseto leymino ke dewleta tirke PDKyî reyde rayra beno semedê şarê kurdî tehlukeyo pîl aferneno û venga PDKyî da ke wa Tirkîye rê ajanîye nêkero û sîyasetê ci yê qirkerdişî rê xizmet nêkero.
• Colemêrg de qedexe reyna ame dergkerdene 

  Walîtîya Colemêrgî da zanayene ke şaristan de qasê 15 rojan qedexeyê pêro aktîvîte û çalakîyan reyna ame dergkerdene.
• Êlih de 23 kesî ameyî destbendkerdene 

  Êlih de hêrişê vera çalakîya yewîya neteweyîye de 23 kesî ameyî destbendkerdene.
• Dêrsim de rîyê varayîşî ra rayîrê di hereman qefilyayî 

  Dêrsim de rîyê varayîşî ra rayîrê di hereman resî rê sey demdemî qefilyayî.
• Gerîlayê HPGyî Huseyîn Acar binê ablûqa de ame definkerdene 

  Gerîlayê HPGyî Huseyîn Acaro ke cenazaya ci badê 5 mengan dîyaye keyeyê ci, binê ablûqa de ame definkerdene.
• Êlih: Waştişê yewîya neteweyîye hêrişê polîsan nas nêkerd  

  Êlih de polîsanê tirkan hêrişê rayraşîyayîşê yewîye kerd. Rixmê hêrişê polîsan kuçeyê Êlihî pê waştişê yewîya neteweyîye zimayî. Reyna xoverdayîşê zîndanan zî ame selamkerdene.
• 'Xoverdayîşê zîndanan vera konseptê faşîzmî yo' 

  ''Tarîxê têgêrayîşê azadîye de xoverdayîşê bêhempayî estê. Çalakîyê grevê vêşanîye yê vera tecrîdî zî înan ra yê. Eke paştdayîşêko xurt bêro kerdene na çalakîye do faşîzm birijna.''
• Wan de 6 kesî ameyî destbendkerdene 

  Wan de çarçewa operasyonanê qirkerdişê sîyasî de sereştişê keyeyan de tewr tay 6 kesî ameyî destbendkerdene.
• PDKyî seba şerê petrolî yê vera hukmatê Iraqî çekdarê xo ca kerdî 

  Krîzê petrolî yo ke wextêkê dergî ra nata mabênê Iraq û Başûrê Kurdîstanî de binê serwerîa PDKyî de dewam keno beno pîlêr.
• 'Oyo ke ganî game bierzo hukmat o' 

  Avûkat Cahît Ertanî ard ziwan ke seba ke grevê vêşanîye yê zîndanan derbazê safhayêka newîye nêbo  ganî hukmat game bierzo.
• Bayikî venga PDKyî da 

  Hemserekê Konseya Rayberdişî ya KCKyî Cemîl Bayikî venga PDKyî da û vat ê wazenê vera dişmenanê kurdan PDKyî reyde têbigêrê.
• Cenazaya gerîlayê HPGyî Huseyîn Acarî ameye girewtene 

  Cenazaya gerîlayê HPGyî Huseyîn Acaro ke 5 mengî verê cu Koyanê Amanosî de şehîd bibi,  ameye girewtene.
• Êlih de 7 kesî ameyî destbendkerdene 

  Êlih de polîsan pê wesayîtanê zirxinan hemwext eşt xeylêk keyeyan ser. Sereştişan de 7 kesî ameyî destbendkerdene.
• Dêrsim de tecrîdê Îmraliyî ame şermezarkerdene 

  Rêxistina HDPyî ya Dêrsimî bi çalakîyêke bale ante tecrîdê serê Rayberê Şarê Kurdî Abdullah Ocalanî ser û veng da ke wa waştişê tepişteyanê ke grevê vêşanîye de yê bêrê ca.
• HPGyî Çiyazan Gever yad kerd 

  HPGyî pare kerd ke gerîlayê înan Çiyazan Gever 16ê temmuza 2020î de Xakûrkê de hêrişêkê hewayî de şehîd bîyo û vat: ''Ma do mîyanê têkoşînê xo de armancanê şehîdanê xo bîyarê ca.''
• Kerkûk de 10 cergê DAÎŞî kişîyayî 

  Walîtîya Kerkûkî pare kerd ke bombardumanê koalîsyonê mîyanneteweyî yê vera DAÎŞî de 10 cergî kişîyayî.
• 'Krîzê ekonomîkî rûnê keleyî û penîrî rê tesîr kerd' 

  Krîzo ekonomîk her ke şino beno giranêr. Krîzî narey zî tesîrê penîr, rûnê keleyî û şitî kerd. Amed de penîr, rûno kele û şit hînî nêkewenê destê kesî.
• Sûr de tecrîd pê rayraşîyayêk ame protestokerdene 

  Têgêrayîşê Ciwanan ê Welatperweran ê Amedî seba ke bale bianco tecrîd û grevê vêşanîye yê tepişteyan ser Sûr de çalakîya rayraşîyayîşî kerde.
• Riha de 30 rojan  pêro çalakîyî ameyî qedexekerdene 

  Walîtîya Riha merkezê şaristan û qezayanê ci de qasê 30 rojan pêro çalakî û aktîvîteyî qedexe kerdî.
• Pencewînî: Erdogan do nêeşko hewn û xeyalê xo bîyaro ca 

  Sîyasetmedarê kurdî Mehmed Emîn Pencewînîyî ard ziwan ke Erdogan bi destsernayîşê waranê petrolî yê Kurdîstanî û tasfîyekerdişê PKKyî wazeno ke hewn û xeyalanê xo bîyaro ca la o do nêeşko ser bikewo.
• Xoverdayîşê Şingalî dewam keno 

  Xoverdayîşê şarê Şingalî yê seba wayîrvejîyayîşê Asayîşê Êzidxanî û vera peymana Bexdad-Hewlêrî ya serê Şingalî bi şîarê ''Ma pêro Asayîş ê'' roja 57. de dewam keno.
• Êlih: Xebatê yewîya neteweyîye dewam kenê 

  Heyetê KCD, TJA, DBP û HDPyî Êlih de xebatê xo yê yewîya neteweyîye domnayî. Heyetî semedê tewrbîyayîşê çalakîya 29ê çeleyî veng da.
• Amed: Ma nêtersenê vera hêrişan û neheqîye milê xo çewt nêkenê 

  Amed de semedê wayîrvejîyayîşê tepişteyanê ke vera tecrîdî grevê vêşanîye de yê çalakîyêke ameye organîzekerdene. Polîsan destûr nêda eşkerayîye bêro dayene. Şarî vera nayî bi slogananê xoverdayîşî cewab da.
• Çewlîg: Seba ke destûr nêdîya, eşkerayîye pencera ra ameye dayene 

  Çewlîg de rêxistina HDPyî waşt ke derheqê grevê vêşanîye yê tepişeyan de eşkerayîye bide. Seba ke polîsan destûr nêda, eşkerayîye pencera ra ameye dayene.
• 'Hêrişê dewlete yê vera ercanê kurdan yenê peygoşkerdene' 

  Merkezê Vîrî ra Ozgure Sevgî Goral ard ziwan ke şîdet û hêrişê dewleta tirke yê vera gor û cenazayan Tirkîya de peygoş û tesdîq benê.