ROJAWAN-SÛRÎYE

Xeberê peyênî

• 'Şehîd Cîhane û Nazim seba ke raştîyî resnayêne ameyî hedefkerdene' 

  Şerwananê YPJ û Meclîsê Leşkerî yê Minbicî bale ante resnayîşê raştîyanê cepheyê xoverdayîşî ser û pare kerd ke Nazim Daştan û Cîhane Bîlgîn seba ke raştîyî resnayêne ameyê hedefkerdene.
• Şervanî bi taktîkanê neweyan Awbendê Tişrinî pawenê 

  Fermandaranê hêzanê pawitişî ra Vîyane Soran ard ziwan ke ê hêrişê dewleta tirke û çeteyanê ci betal kenê û vat ê semedê pawitişê Awbendê Tişrinî taktîkanê neweyan anê caardene.
• Dewleta tirke Kobanê de dadî û domana ci qetil kerdî 

  Dewleta tirke ya îşxalkere û cerganê ci yê SMOyî dewa Cadî ya Kobanê daye bombayan ver. Bombarduman de dadî û domana ci ameyî qetilkerdene.
• Dewê Kobanê û Girê Sipî dîyayî bombayan ver 

  Dewleta tirke ya îşxalkere dewê Şerka-Fewar û Şemsînî yê Girê Sipî, dewê Koperlîk û dormeyê pirdê Qereqodaxî dayî bombayan ver.
• QSD: Hêrişê hewayî de 5 şerwanê ma şehîd bîyî 

  QSDyî da zanayene ke dewleta tirke ya îşxalkere hêrişê xo yê vera herême zêdînayê û hêrişan de 5 şerwanê înan şehîd bîyê.
• Hûmara cerganê ke Tişrîn de kişîyayê resaye 52 

  Meclîsê Leşkerî yê Minbicî pare kerd ke hûmara cerganê ke Tişrîn de kişîyayê resaye 52.
• Tişrîn de xoverdayîşo gird: 35 çeteyî ameyî kiştene 

  Çeteyanê SMOyî bi tanq, wesayîtanê zirxinan û droneyanê çekdaran di hetan ra hêrişê herêma awbendî kerd. Pêkewtişan de tewr tay 35 çeteyî ameyî kiştene û bi desan zî birîndar bîyî, 2 wesayîtê zirxinî zî ameyî îmhakerdene.
• Hêrişê dewleta tirke de 3 kesê bînî şehîd bîyî 

  Dewleta tirke ya îşxalkere Kantonê Cizre de hêrişê di wesayîtan kerd. Hêriş de 3 hemwelatîyî şehîd bîyî yew zî birîndar bi.
• QSDyî ra dîmenê çalakîye 

  QSDyî dîmenê çalakîyanê xo yê Til Temir û Awbendê Tişrînî yê ke vera dewleta tirke û çeteyanê SMOyî ameyî kerdene, pare kerdî.
• Şervananê Meclîsê Leşkerî yê Minbicî tanq îmha kerd 

  Şervananê Meclîsê Leşkerî yê Minbicî tanqê îşxalkeran îmha kerd. Herême de pêkewtişê giranî qewimîyenê.
• 'Heta ke şervanêk zî bibo Awbendê Tişrînî do destê ma de bo' 

  Fermandarê Cepheyê Awbendê Tişrînî Serxwebûn Kobanêyî bale ante xoverdayîşê girdî yê Tişrînî ser û vat, ''Heta ke Awbendê Tişrînî de şervanêk zî bibo awbend do destê ma de bo.''
• Hêrişê îşxalkeran ameyî betalkerdene  

  Dewleta tirke ya îşxalkere û çeteyanê ci ke cehd kerd ke bikewê dewanê Eyn Îsa û Girê Sipî verê înan ame girewtene.
• Şervan Baz Ereb: Ma do heta peynî Awbendê Tişrînî bipawê 

  Hêrişê îşxalî yê dewleta tirke û çeteyanê ci yê vera Awbendê Tişrînî dewam kenê. Şervananê cepheyê xoverdayîşî ra Şervan Baz Erebî vat: ''Ma do heta dalpaya peyên a gonîya xo Awbendê Tişrînî bipawê.''
• YRA û YRJ: Rayîrê şehîdan de ma do raştîye teqîb bikerê 

  YRA û YRJyî hêrişê vera rojnamegeran Nazim Daştanî û Cîhane Bîlgîn şermezar kerd û vat: ''Ma sey teqîbkeranê raştîye bi qerardarî rayîrê şehîdanê xo ra şorê, qelem û kamerayanê embazanê xo war de nêverdê.''
• QSD: Meîdan de operasyonê pakîye ame temamkerdene 

  Merkezê Îrtîbatî û Çapemenîye yê QSDyî da zanayene ke Hêzanê Meclîsê Leşkerî yê Reqa şaristanê Meîdanî û dormeyê ci de operasyonê pakîye temam kerdo.
• Rojnamegerî Nazim Daştan û Cîhane Bîlgîn şehîd bîyî 

  Hêrişê dewleta tirke ya îşxalkere de kedkarê çapemenîya azade Nazim Daştan û Cîhane Bîlgîn şehîd bîyî.
• Qamişlo de bi hezaran kesî vera îşxalî vejîyayî waran 

  Qamişlo de bi hezaran kesî vera îşxalê dewleta tirke û çeteyanê ci vejîyayî waran. Çalakîye de hêrişê îşxalî ameyî protestokerdene û semedê QSDyî mesajê paştdayîşî ameyî dayene.
• QSD: Rayîrê cuyeyêka azade xoverdayîş o! 

  QSD: ''Ma pêro pîya her dewa Kobanê, her hetê bajarî bikerê qelaya xoverdayîşî. Ma nê zaf hole bizanê ke, rayîrê cuyeyêka azade û bianore,serkewtişî xoverdayîş o.''
• Şerwanî qerardar ê: Ma DAÎŞ bin vist, do înan zî bin bivisnê 

  Şerwanê ke vera hêrişanê îşxalî xo ver danê înan vat: ''Eke ma eşkayê DAÎŞî bin bivisnê ma do înan zî bin bivisnê! Kobanê do nêkewa destê dewleta tirke û cerganê ci.''
• Kobanê dîyaye bombayan ver 

  Droneyanê çekdaran ê dewleta tirke ya îşxalkere dewê Koçkar û Metînî û mabênê dewanê Girk-Şaşî yê Kobanê dayî bombayan ver.
• Rihane Loqo: Ganî cinîyî qanûnê bingeyî yê neweyî awan bikerê 

  Rihane Loqo ard ziwan ke cinîyanê Sûrîye vera ferasetê neteweperest, dîndar, cînsîperest û neteweyîyî têkoşînêko pîl kerdo û vat: ''Cinîyî Sûrîye de do qanûnêkê bingeyî yê neweyî yo ke înan çin hesibneno qebul nêkerê.''
• Dîmenê çalakîyanê Tişrîn û Qereqozaxî ameyî parekerdene 

  QSDyî droneyê dewleta tirke ya îşxalkere da war. Şervananê Meclîsê Leşkerî yê Minbicî Awbendê Tişrînî û Pirdê Qereqozaxî de hewayî ra da îşxalkeran ro. Dîmenê nê çalakîyan ameyî parekerdene.
• Hêrişê dewleta tirke ameyî şermezarkerdene: DAÎŞ ho yeno! 

  Federasyonê Heqanê Merdiman ê Sûrîye û 98 rêxistinanê komelê sivîlî hişyarî daye ke hêrişê dewleta tirke ya îşxalkere do DAÎŞî newe ra bîyarê xo ser.
• Tişrin de hêrişî ameyî şiknayene, 37 çeteyî ameyî kiştene 

  Hêrişê dewleta tirke ya îşxalkere û çeteyanê ci yê vera Awbendê Tişrînî ame şiknayene. Pêkewtişan de 37 çeteyî ameyî kiştene. Meclîsê Leşkerî yê Minbicî û YPJyî vera çeteyan operasyonê pakkerdişî da destpêkerdene.
• QSDyî derheqê hêrişanê dewleta tirke de eşkerayîye daye 

  Hêzanê Sûrîyeya Demokratîke da zanayene ke hêrişê dewleta tirke ya îşxalkere yê vera Kobanê, Girê Sipî, Eyn Îsa, Awbendê Tişrînî û Pirdê Qereqozaxî dewam kenê. QSDyî vat înan droneyêk dayo war.