AKTUEL

Xeberê peyênî

• DEM Partî namzedê xo yê şaredarîye dayî nasdayene 

  DEM Part Amed de namzedê xo yê şaredarîye dayî nasdayene. Aktîvîteya nasdayîşî de xoverdayîşê zîndanan ame selamkerdene û mesajê serkewtişî ameyî dayene.
• Deyîra weçînayîşî ya cinîyan ê DEM Partî: "Cinî, cuye û azadî"  

  DEM Partî aktîvîteya nasdayîşê namzedanê xo yê cinîyan de deyîra weçînayîşî ya kirdkî-zazakî daye nasdayene.
• Îranî 4 tepişteyê kurdî îdam kerdî 

  Îran de 4 kurdî bi îdîaya ''hekarîya bi Îsraîlî '' û ''ajanîye'' ameyî îdamkerdene.
• Kartalî veng da kurdan û dostanê înan ke wa verê xo bidê Kolnî 

  Hemserekê KONGRA GELî Remzî Kartalî veng da kurdan û dostanê înan ke wa semedê azadîya Rayberê Şarê Kurdî Abdullah Ocalanî verê xo bidê Kolnî.
• Hêrişê îşxalî yê dewleta tirke ameyî şermezarkerdene 

  Têgêrayîşê Ciwanan ê Kurdan bi aktîvîteyanê cîya cîyayan hêrişê îşxalî yê dewleta tirke yê vera Rojawanî şermezar kerdî.
• Seba Rayraşîyayîşê Azadîye yê Pîlî veng dîya 

  Hemserekê MED TUHAD-FEDî yê Amedî Kerem Canpolatî venga pêro kurdan da ke vera tecrîdê Îmraliyî 1ê sibate de tewrê Rayraşîyayîşê Azadîye yê Pîlî bibê û vat: ''Seba azadîya şaranê Kurdîstan û Tirkîya ganî tecrîd wedarîyo.''
• Rayraşîyayîşê Azadîye roja hewtine de Rouen de dewam kerd 

  Rayraşîyayîşê Azadîye yo ke semedê azadîya Rayberê Şarê Kurdî Abdullah Ocalanî Paris de dîya destpêkerdene, roja hewtine de bajarê Rouenî de dewam kerd.
• Rojnameger Safîye Alagaş ameye destbendkerdene 

  Mudira Karanê Nuştişî ya JINNEWSî Safîye Alagaş gama ke Sêrtî ra ameye Amedî wesayîtê ci ame vindarnayene û ameye destbendkerdene.
• Cizîre de cinîya 65 serrî Selamete Tetik ameye tepiştene 

  Cezaya 7 serran û 6 mengan ke dîyayebî Selamete Tekîk a 65 serrî, ameye tesdîqkerdene. Naye sero Selamete Tetik ameye tepiştene û şawîyaye Zîndanê Şirnexî.
• Înfazê tepişteyê nêweşî Zenger reya çarine ame vêşnayene 

  Înfazê tepişteyê nêweşî Ahmet Zenger hetê Heyetê Çimdarîye û Îdareyî yê Zîndanê Espîye yê Gîresunî ra reya çarine ame taloqkerdene.
• Bakirhan: Ma paştî danê Rayraşîyayîşê Azadîye 

  Hemserekê DEM Partî Bakirhanî vat: ''Xeylêk dezgehê ma seba azadîya Birêz Ocalanî û wedaritişê tecrîdî mabênê 1-15ê sibate de rayraşîyayîşêkî do bikerê. Ma zî sey DEM Partî paştî danê nê rayraşîyayîşî.''
• Îstanbul de vera dêrî: Kesêkî dinyaya xo bedilnaye 

  Qezaya Sariyerî ya Îstanbulî de vera dêrêkî hêrişo çekdar ame kerdene. Dîya zanayene ke hêriş de kesêkî dinyaya xo bedilnaye.
• Sîyasetmedar Montavaniyî paştî daye Rayraşîyayîşê Dergî 

  Sîyasetmedarê îtalyanî Ramon Mantovaniyo ke wextê Komployê Mîyanneteweyîyî de Endamê Komîsyonê Karanê Teberî yê Îtalya bibi, venga pêro kesan da ke wayîrê Rayraşîyayîşê Dergî vejîyê.
• Qerarê cezaya zîndanî yê derheqê Fîncanci ame tesdîqkerdene 

  Cezaya zîndanî ya 2 serran, 8 mengan û 15 rojan ya ke bi îdîaya ''propagandaya rêxistine'' dîyaye Sereka TTByî Şebneme Korur Fincanci, ameye tesdîqkerdene.
• Rayraşîyayîşo derg resa Rennesî: Abdullah Ocalanî rê azadîye 

  Rayraşîyayoşo dergo ke semedê azadîya Rayberê Şarê Kurdî Abdullah Ocalanî paytextê Fransa Paris de dîya destpêkerdene,roja şeşine de resa bajarê Rennesî.
• Wekîl Sheppardî ra David Cameronî rê mektuba 'Ocalanî rê azadîye' 

  Endamê Meclîsê Wekîlan û Wekîlê Partîya Neteweyî ya Îskoçya (SNP) Tommy Sheppardî derheqê tecrîdê vera Rayberê Şarê Kurdî Abdullah Ocalanî de Wezîrê Karanê Teberî yê Brîtanya David Cameronî rê mektubêke şawite.
• Dadîyê Nobeta Edaletî: Akşenere dişmena kurdan a 

  Dadîyê ke seba destekê grevê vêşanîye yê tepişteyan Nobeta Edaletî de yê, înan vat ke Sereka ÎYÎ Partî Merale Akşener dişmena kurdan a.
• Mayanê Şemeyî aqîbetê Cemal Akarî pers kerd 

  Mayanê Şemeyî hewteyê 983. de Meydana Galatasarayî de aqîbetê endamê ÎHD û Sekreterê OZDEPî yê Erzîncanî Cemal Akar pers kerd ke dima ke amebi destbendkerdene tira xebere nêameye girewtene.
• Serekê CPTyî yo verên: Îmrali merkezê tecrîdî yo, ganî CPT şoro uca 

  Serekê CPTyî yê verênî Neveyî pare kerd ke Îmrali raşta raşte merkezê tecrîdî yo û hende tepişîyayîşê Ocalanî nêno qebulkerdene. Neveyî vat: ''Bêvengîya CPTyî raşt nîya. Ganî CPT ancî şoro Îmrali.''
• Marsilya de Zîndanê Îmraliyî rê kartî ameyî erşawitene 

  Marsilya de çarçewa kampanyaya 'Ma 100 hezar kartan bişawê Îmraliyî' de kartî ameyî erşawitene Rayberê Şarê Kurdî Abdullah Ocalanî.
• Muxabîrê MA ame destbendkerdene 

  Muxabîrê MA Mahmut Altintaş Semsûr de ame destbendkerdene.
• Qeyûmî bi 10 hezar lîra balonî hêrînayî 

  Qeyûmanê Wanî seba Kongreya AKPyî ya 7ine budçeya şaredarîye ra 300 hezar lîra xerc kerd. Qeyûman bi 10 hezar lîra balonê bi logoyê AKPyî dayî viraştene.
• 'Şarê ma do reyna vera qeyûman wayîrê îradeyê xo bivejîyo' 

  Hemşaredara Ebexî Leyla Balkan Atsaka ke herinda ci de qeyûm amebi tayînkerdene vat: ''No yew xoverdayîşê şarî yo. Xoverdayîş û kelecanê şarî ez zî hêvîdar kerda. Ma nêvat ke her çi qedîyayo.''
• Nobetê Edaletî: Têkoşînê ma do tecrîdî bişikno 

  Nobetê Edaletî xeylêk bajaran de dewam kenê. Çalakîyan de vera tecrîdê giranî mesajê xurtkerdişê têkoşînî ameyî dayene û azadîya Rayberê Şarê Kurdî Abdullah Ocalanî ameye waştene.
• DEM Partî do 29ê çeleyî de namzedanê xo bido nasdayene 

  Vervatoxa DEM Partî Ayşegule Dogan eşkera kerd namzedê înanê ke bi raydayîşê şarî ameyî weçînayene, 29ê çeleyî de do bêrê nasdayene.