AKTUEL

Xeberê peyênî

• Tepişteyê nêweşî binê tehlukeyî de yê 

  Bultenê Teqîbkerdişê Tepişteyan ê Covid-19î da zanayene ke tepişteyê nêweşî binê tehlukeyêkê pîlî de yê. Bultenî pare kerd ke vera janî asayîş kêm o.
• Qedexeyê tebervejîyayîşî yê 4 rojan 

  Kurdîstan û Tirkîya de 16ê gulane ra heta 19ê gulane qedexeyê tebervejîyayîşî do bêro caardene.
• Kurdîstan û Tirkîya de Korona ra 55 kesê bînî merdî 

  Goreyê doneyanê peyênan ê selahîyetdaranê Tirkîya 24 saetanê peyênan de 55 kesê bînî rîyê Korona ra merdî. Pîya bi nînan hûmara kesanê ke heta ewro Kurdîstan û Tirkîya de merdî bîye 3 hezar û 841.
• Ciwananê kurdan Marsilya de vera îşxalî çalakîyî kerdî 

  Têgêrayîşê Ciwanan ê Şorişgêran (TCŞ) vera îşxalê dewleta tirke û hemkarîye şaristanê Marsilya yê Fransa de çalakîyê cîyayî kerdî.
• Milîsanê HBDHyî otêla cerganê JOH û POHî vêşnaye 

  HBDHyî otêla ke cerganê JOH û POHî tede mendêne vêşnaye. Eşkerayîye de ame vatene: ''Seba Mustafa, Hêlîne û Îbrahîm çalakîya cewabdayîşî ameye kerdene.''
• 50 baroyan vera Erdoganî nêrazîbîyayîşê xo mojna 

  Erdoganî eşkera kerdbi ke sîstemê weçînayîşî yê baroyan do bêro vurnayene. 50 baroyan pê eşkerayîyêka hempare vera Erdoganî nêrazîbîyayîşê xo mojna.
• MKP: Ma do hesabê hêrişanê vera goran bipersê! 

  MKPyî derheqê hêrişanê vera goran de eşkerayîyêke kerde û vat: ''Gor û meyîtê embazanê ma zî faşîzm ternenê. Ma do hesabê hêrişanê vera goran bipersê!''
• Kurdîstan û Tirkîya de Korona ra 47  kesê bînî merdî 

  Goreyê doneyanê peyênan ê selahîyetdaranê Tirkîya 24 saetanê peyênan de 47 kesê bînî rîyê Korona ra merdî. Pîya bi nînan hûmara kesanê ke heta ewro Kurdîstan û Tirkîya de merdî bîye 3 hezar û 786.
• HDPyî bale ante rîskê pêlê diyînî yê Korona ser 

  HDPyî hîşyar kerd ke eke merkezê bazaran (AVM) bêrê akerdene, beno ke rîskê pêlê diyînî yê vîrusê Korona pîlêr bibo.
• Zîndanê Seydîşehîrî de gefê kiştişî û hêriş 

  Şîyar Firato ke Zîndanê Seydîşehîrî de tepişte yo vat gardîyanan ci rê gefê kiştişî wend û hêrişê înan kerd. Şîyar Firatî venga şarî da.
• Sancar: Îqtîdarê AKP-MHPyî kîn û hêrsê vera kurdan keno pîl 

  Hemserekê Pêroyî yê HDPyî Mîthat Sancarî keyeyî reyde ke domanê înan Nisêbîn de bi hedefê polîsan, qisey kerd. Sancarî vat: ''Hêriş vera nasnameyê kurdan o. Ma do peyê serebûtî de bibê.''
• Dêrsim: Mudiro tacîzker ê marketê ŞOKî karî ra ame vetene! 

  Mudirê marketê ŞOKî Yaşar Koço ke xebatkara cinîye D. tacîz kerde, nêrazîbîyayîşan ra dima karî ra ame vatene.
• Kurdîstan û Tirkîya de Korona ra 50 kesê bînî merdî 

  Goreyê doneyanê peyênan ê selahîyetdaranê Tirkîya 24 saetanê peyênan de 50 kesê bînî rîyê Korona ra merdî. Pîya bi nînan hûmara kesanê ke heta ewro Kurdîstan û Tirkîya de merdî bîye 3 hezar û 739.
• Gokçek binê hêriş û ablûqa de ame definkerdene 

  Endamê Grup Yorumî Îbrahîm Gokçek memleketê ci Kayserî de ame definkerdene.  Polîsan goristan girewt binê ablûqa û ca-ca  hêrişî ameyî kerdene. Cinîya Gokçekî Sultane Gokçek a ke zîndan de ya tewrê merasîmî bîye û ey ra xatir waşt.
• Anqara de 140 keyeyê wayûbirayî 

  Hemserekê HDPyî yê Anqara Vezîr Coşkun Parlakî da zanayene ke înan bajar de 300 keyeyan rê hetkarîya zexîreyî kerde û 140 keyeyan rê zî keyeyê wayûbirayî peyda kerdî.
• Elewîyan hêrişê vera Cemxaneyê Gazî şermezar kerd 

  Rêxistinanê elewîyan hêrişê vera Cemxaneyê Gazî yo ke merasîmê Îbrahîm Gokçekî de ame kerdene şermezar kerd û vat: ''Cemxaneyî cayê ma yê bimbarek ê destê xo pa mede.''
• Korona: 48 kesê bînî merdî 

  Goreyê doneyanê peyênan ê selahîyetdaranê Tirkîya 24 saetanê peyênan de 48 kesê bînî rîyê Korona ra merdî. Pîya bi nînan hûmara kesanê ke heta ewro Kurdîstan û Tirkîya de merdî bîye 3 hezar û 689.
• Keyeyan û avûkatan semedê Îmraliyî muracat kerd 

  Keyeyan û avûkatanê Rayberê Şarê Kurdî Abdullah Ocalanî û yê tepişteyanê bînan ê Îmraliyî reyna semedê pêvînayîşî muracatê  Serdozgerîya Komare ya Bursa  kerd.
• Tepişteyanê Konya hîşyarîya 'rojeyê mergî' daye 

  6 tepişteyanê Zîndanê Konya vera teda û îşkenceyî dest pê grevê vêşanîye yê bêdem-bêagêrayîşî kerd, hîşyarîye daye ke eke cewab nêro dayene waştişanê înan ê do dest pê rojeyê mergî bikerê.
• Polîsan cenazaya Gokçekî remnaye - Newe Bîye 

  Polîsan Taxa Gazî de bi bombayanê gazî hêrişê merasîmê Îbrahîm Gokçekî  kerd û dest na cenazaya ey ser. Cenayaza Gokçekî Tuzla de teslîmê keyeyê ci bîye. Cenaza semedê definkerdişî yena berdene Kayserî.
• Zîndanê Sîlîvrî de 44 kesî pê vîrusê Korona kewtî 

  Zîndanê Sîlîvrî de 44 tepişte û hukmwerdeyî pê vîrusê Korona kewtî.
• Sîyasetmedaranê Danîmarka seba yewîya kurdan venga da 

  Sîyasetmedaranê Danîmarka hêzanê sîyasîyan ê kurdan rê mektubêko akerde nuşt û venga înan da ke cade peynîya alozîya Başûrê Kurdîstanî bîyarê.
• Cenazaya Gokçekî ablûqaya polîsan de ya 

  Polîsan cenazaya endamê Grup Yorumî Îbrahîm Gokçekî Cemxaneyê Gazî de girewte binê ablûqa û 10 kesî destbend kerdî.
• Polîsan destûr nêda rayraşîyayîşê seba Gokçekî 

  Polîsan taxa Gazî ya Îstanbulî de destûr nêda rayraşîyayîşê seba endamê Grup Yorumî Îbrahîm Gokçeko ke 7ê gulane de wefat kerd.
• Munih de azadîya Zeynebe Celalîyan ameye waştene 

  Munih de semedê sîyasetmedare Zeynebe Celalîyan a ke Îran de tepişteya çalakîye ameye kerdene. Çalakîye de azadîya Celalîyane û heme tepişteyanê sîyasîyan ameye waştene.