AKTUEL

Xeberê peyênî

• Xarpêt de tepişteyo sîyasî çalakîya fedaîye viraşte 

  Zîndanê Xarpêtî de tepişteyo sîyasî Mahsûm Pamay vera tecrîdê serê Rayberê Şarê Kurdî Abdullah Ocalanî çalakîya fedaîye viraşte û şehîd bi.
• Rojnameger Candemîr reyna ame destbendkerdene 

  Rojnameger Oktay Candemîr Wan de no şodir de ame destbendkerdene.
• Girewteyî: Veng bidê rayraşîyayîşê ma yê azadîye  

  Girewteyê hepisxaneyê Şakranî yê ke seba wedaritişê tecrîdê serê Rayberê Şarê Kurdî Abdullah Ocalanî kewtê grevê vêşanîye vat, “Ma heme keyeyan û şarê xo yê rûmetdarî ra wazenê ke veng bidê nê rayraşîyayîşê ma yê pîrozî yê azadîye.”
• Leyla Guvene zî tede, derheqê 35 kesan de dawaya keyfîye 

  Dozgerîya Riha, Leyla Guvene zî tede derheqê 35 kesan de qerarê bêteqîbîye dabi la no qerar vurna. Dozgerî îdîayî nêvurnayî û taleb kerd ke na dolime dawa bêro akerdene.
• Edene de bi bombayanê vengî û fîşeganê hewayîyan çalakîye 

  Edene de ciwanan bi bombaya vengî û fîşeganê hawayîyan çalakîye viraşte.
• Enqere de berê yew keyeyê Elewîyî ame îşaretkerdene 

  Enqere de berê yew keyeyê Elewîyî, yew menge de di dolimî ame îşaretkerdene û yew noto bigef zî ber de ame ronayene.
• 'Eke hewce bikero ganî ma temsîlkarîyanê Tirkîya biqefilnê!' 

  Parlamenter Andreas Kirsteînî tecrîd kerd rojdemê Parlamentoyê Bajar ê Zirîhî û seba qebulkerdişê talebanê çalakwananê grevê vêşanîye venga Swîsre da. Parlamenter Kirsteînî va eke hewce bikero, ganî ma temsîlkarîya Tirkîya bigîrê.
• Rojakewtene de felaketê laserî: Heyva Sor dest bi kampanya kerde 

  Heyva Sor a Kurdistanî û Cimatê Îslamî yê Kurdistanî (CÎK) semedê felaketê laserî yê Rojakewtena Kurdistanî dest bi kampanya kerde.
• Roniştişê dewaya Demîrtaşî ame peydeştene 

  Roniştişê dewaya hemserekê Pêroyî yê HDP’yî yo verên Selahattîn Demîrtaşî yê Mersînî do 13’ê Êlule de bêro viraştene
• Avûkatanê Ocalanî semedê pêvînayîşî muracat kerd  

  Avûkatanê Ocalanî semedê pêvînayîşê muwekîlê xo reya 804. muracatê Serdozgerîya Komare ya Bûrsa kerd.
• ‘Rojbîyayîşê to pîroz bo Abdullah Ocalan!‘ 

  ''Rojbîyayîşê merdiman tena roja ke dayîka înan ê ardî dinya a roje nêya, cuya de merdim mecbûr maneno ke xo newe ra, newe ra biafirno.'' Gabrîel Garcîa Marquez, Rojanê Kolera de Eşq.
• KCD: 4’ê Nîsane seba Kurdan mîlad o 

  Kongreya Cimatê Demokratîkî (KCD) bi wesîleya 4’ê Nîsane, rojbîyayîşê Rayberê Şarê Kurdî Abdullah Ocalanî de peyamêk weşana û vat, “4’ê Nîsane seba Kurdan mîlad o.”
• Denîz Kaya: Ma çalakîyanê fedaîyan rast nêvînenê 

  Denîz Kayayî derheqê çalakîyanê fedaîyan ê zîndanan de eşkerayî daye û vat, “Ma rast nêvînenê ke çalakîyê wina fedaîyî bêrê kerdene, ma vanê ganî çarçewaya pêroyîye ya organîzasyonî de tê bigêrê.”
• Tepişte Sîraç Yuksekî Osmanîye de çalakîya fedaîye viraşte û şehîd bi 

  Xoverdayoxê Zîndanê Osmanîye Sîraç Yuksekî vera tecrîdê serê Rayberê Şarê Kurdî Abdullah Ocalanî çalakîya fedaîye viraşte û şehîd bi.
• Verê Konseya Ewropa de sloganê ‘Ocalanî rê azadîye’ benê berz 

  Çalakîya roniştişî ya girseyî ya Kurdistanijan ê Ewropa ya vera tecrîdî verê KE de roja 2’ine de ya.
• Avûkatanê Ocalanî semedê pêvînayîşî muracat kerd  

  Avûkatanê Ocalanî semedê pêvînayîşê muwekîlê xo reya 803. muracatê Serdozgerîya Komare ya Bûrsa kerd.
• Serekê YSK’yî Guvenî derheqê îtîrzan de eşkerayîye daye 

  Serekê Heyetê Weçînayîşê Berzî (YSK) Sadî Guvenî, derheqê îtîrazan de eşkerayîye daye û ard ziwan ke wextê îtîrazê ewroyî saete 15:00 de qedîyeno.
• Weçînayîşî ra dima elektrîkî rê se ra 37 zam 

  Weçînayîşî ra dima hukmatî zamê xo yo verên kerd. Goreyê regulasyono ke Rojnameyê Fermî de ameyo weşanayene, elektrîkî rê se ra 37 zam ame kerdene.
• Destûr nêdîyeno ke merdimê tepişteyan bikewê Enqere 

  Merdimê tepişteyan ê ke wazenê derheqê grevanê vêşanîye yê ke hemverê tecrîdî de yenê kerdene pêvînayîşan bikerê dekewtişê şaristanî de yenê vindarnayene.
• nuceciwan15.com reya 26. ame qefilnayene 

  Ajansê Nûçe Ciwanî reya 26‘ina hetê dewleta Tirkî ra yeno sansurkerdene.
• Akici ya tepişteye ke tecrîd protesto kerd şehîd bîye 

  Yonca Akici ya ke Zîndanê Cinîyan ê Tîpê T’yî yê Şakranî de hemverê tecrîdî de 29’ê Adare de çalakî viraştebî û bi giranî birîndar bîbî, amîbî berdene nêweşxane û ûca şehîd bîye.
• Tepişteyan veng da şarî: Vengê xo tewrê vengê ma bikerê 

  Tepişteyê ke Zîndanê Bandirma de yê vat ke seba qedîyayîşê tecrîdî ê amade yê ke her tewir bedelî bide û vat, “Ma veng danê şarê xo ke xoverdayîşî rê wayîr vejîyê û vengê xo tewrê vengê ma bikerê.”
• Nobeta ‘Ocalanî rê azadîye’ ciwanan de ya 

  Çalakîya nobate ya bêdem a ke seba azadîya Rayberê Şarê Kurdî Abdullah Ocalanî verê banê Konseya Ewropa de yena viraştene, hewteyê 354'in de hetê ciwananê TCŞ'î ra yena dewamkerdene.
• Le Monde: Seba Erdoganî binkewtişêko giran o 

  Weçînayîşê Tirkîya, çapemenîya Mîyanneteweyîye de zî ca girewt. Le Monde weçînayîş sey binkewtişê Erdoganî ercna.
• Herêma Anadolu ya Mîyanêne de 279 girewteyî grevê vêşanîye de yê 

  OHD’yî yew beyanat da û goreyê beyanatê OHD’yî hepîsxaneyanê Herêma Anadolu ya Mîyanêne de 279 girewteyî, vera tecrîdî grevê vêşanîye de yê.