CINÎ

Xeberê peyênî

• YJK-S: Wa qirkerdişê cinîyan sey sûcê merdimîye bişinasîyo 

  YJK-Syî derheqê 25ê Teşrîna Peyêne Roja Têkoşînê Vera Şîdetê Serê Cinîyan de eşkerayîyêke daye û vat: ''Ma wazenê qirkerdişê cinîyan asta mîyanneteweyîye de sey sûcê merdimîye bişinasîyê.''
• London de eşkerayîya '100 sebebê hukmkerdişê dîktatorî'  

  London de cinîyan derheqê Hemleya '100 sebebê seba hukmkerdişê dîktatorî'  de eşkerayîyêke daye.
• Edîtora Jinnewsî Roza Metîna ameye destbendkerdene 

  Edîtora servîsê kurdkî yê Jinnewsî û nuştoxe Roza Metîna sereştişê keyeyê ci de ameye destbendkerdene.
• YJK-E bernameyê çalakîyanê 25ê Teşrîna Peyêne eşkera kerd 

  YJK-E seba çalakîyanê Almanya yê 25ê Teşrîna Peyêne Roja Têkoşînê Vera Şîdetê Serê Cinîyan vengdayîşê tewrbîyayîşî kerd.
• Dêrsim: Cinîyan seba 25ê Teşrîna Peyêne veng da 

  Meclîsê Cinîyan ê HDPyî yê Dêrsimî seba aktîvîteya 25ê Teşrîna Peyêne venga pêro cinîyan da.
• Dêrsim de derheqê 15 çalakîkeran de tehqîqat dîya despêkerdene 

  Derheqê 15 endamanê Platformê Cinîyan ê Dêrsimî de seba ke tacîz protesto kerd bi îdîaya 'veravejîyayîşê polîsan' û ' qedexeyê çalakî û aktîvîteyan' tehqîqat ame akerdene.
• Guvene rê cezaya 25 serran yena waştene 

  Hemsereka KCDyî Leyla Guven 9 serran ra heta 25 serran cezaya zîndanî yena waştene.
• Dêrsim: Cinîyan ê tepişteyan rê kartê paştdayîşî 

  Meclîsê Cinîyan ê HDPyî yê Dêrsimî çarçewa 25ê Teşrîna Peyêne de cinîyan ê tepişteyan rê seba paştdayîşî kartî erşawitî.
• TJK-E: Vera qirkerdişê cinîyan wextê pawitişê komelê azadî yo 

  TJK-E derheqê 25ê Teşrîna Peyêne de eşkerayîyêke daye û vat: ''Bi rayîrê kampanyaya xo ya bi nameyê '100 sebebê seba hukmkerdişê dîktatorî' ma do Erdoganî ra hesab bipersê ke berpirsîyarê qirkerdişê cinîyan o.''
• TJA ra çalakîya zîncîrê morî 

  TJA çarçewa çalakîyanê 25ê Teşrîna Peyêne de Îstanbul de bi çalakîya zîncîrê morî cinîyê ke ameybî qetilkerdene yad kerdî. Çalakîye binê ablûqaya polîsan de ameye kerdene.
• Ordu û Îstanbul de di cinîyî  ameyî kiştene 

  Qezaya Korganî ya Orduyî de cinîya bi nameyê Makbule Sari keyeyê xo de sey kişte ameye dîyene. Îstanbul de zî cinîya bi nameyê Tulaye Sivîl hetê mêrdeyê xo yê verênî ra kişîyaye.
• Cinîyan ê kurdan Stockholm de tepişteyan rê mektubî erşawitî 

  Bi wesîleya 25ê Teşrîna Peyêne rêxistina Cinîyanê Amara Stockholm de seba cinîyanê têkoşer û xoverdayoxan zîndananê Tirkîya rê mektubî erşawitî.
• Gokkane: Sey sîmirî ma wela xo ra aferîyenê 

  Vervatoxa TJA Ayşe Gokkan îfade kerd ke bi rayîrê Kampanyaya 'Ma xo pawenê', sey sîmiro ke wela xo ra newe ra aferîyeno ê  têkoşînê xo dewam kenê.
• TJA ra şewa dengbêjan 

  TJA çarçewa Kampanyaya 'Ma xo pawenê' de Mersîn de şewa dengbêjan serûber kerde.
• 'Şîdetê camêrd û dewlete yewbînan kenê weye' 

  Meclîsê Cinîyan ê HDPyî yo ke seba 25ê Teşrîna Peyêne amadekarîye keno hem vera şîdetê camêrdan hem zî vera şîdetê dewlete xetêka têkişînî awan keno.
• Bi gamanê pêtan ver bi ameyoxî rayraşîyayîş 

  Gerîlaya YJA-Starî Nuruhane Dundar (Goksune) serra 2012î de prosesê Şerê Şarê Şorişgêrî de tewrê gerîlayan bîye.
• KBDH: Ma vera şîdetî vengnê xo zafêr berz bikerê 

  KBDHyî semedê çalakîyanê 25ê Teşrîna Peyêne veng da cinîyan û vat: Ganî ma vera tacîz, tecawuz û şîdetî vengê xo her wextî ra zafêr berz bikerê.
• Cinîya ke polîsan birîndare kerd gankêş de ya 

  Evîne Kanliya ke polîsan semedê werêardiş berde cayê mêrdeyê ci dima zî a bi çeke birîndare kerde. Dayîke Fatma Kanli vat: ''Kênaya mi nika gangêş de ya. Beno ke ma aye vînî bikerê. Dewlete qey da kênaya mi ro?''
• ''10 mengan de 197ê înan şikdar 453 cinîyî ameyî qetilkerdene'' 

  Merkezê Cigêrayîşê Warê Sosyo Polîtîkî ke raporê xo yê derheqê qetilkerdişê cinîyan de eşkera kerd vat: ''10 mengan de 197ê înan şikdar 453 cinîyî ameyî qetilkerdene''
• Cinîyan ê dêrsimijan semedê 25ê Teşrîna Peyêne veng da 

  Cinîyan ê dêrsimijan semedê tewrbîyayîşê çalakîyanê 25ê Teşrîna Peyêne Roja Têkoşînê Vera Şîdetê Serê Cinîyan ya Dinya veng da. Cinîyan vat ê do semedê wayîrvejîyayîşê heqanê xo vejîyê meydanan.
• Cinîyî semedê xopawitişî payan ser ê 

  Çarçewa aktîvîteyanê  25ê Teşrîna Peyêne de Merdîn de cinîyan bi balonan fotografê cinîyan ê ke ameyî mirênayene firnayî. Dêrsim û Îstanbul de zî cinîyan ê tepişteyan rê kartî ameyî şawitene.
• Amed de hîkayeyê cinîyanê ke kişîyayê ameyî wendene 

  Amed endamanê DAKAPî hîkayeyê 41 cinîyanê ke ameybî qetilkerdene, wendî û tedaya camêrd û dewlete protesto kerde.
• Têhetameyîşê cinîyan ê elewîyan ê HDPyî: Cinîyî do nê îqtîdarî birijnê 

  Vervatoxa HDPyî Ebru Gunay: Ma hol zanenê ke têkoşînê cinîyan û paştdayîşê cinîyan do nê îqtîdarî birijnê. Bi xoverdayîşî ma do cuya newîye awan bikerê.
• Cinîyan ê HDPyî yê Çewlîgî meclîsê xo na ro 

  Rêxistina HDPyî ya Çewlîgî  bi tewrbîyayîşê xeylêk cinîyan meclîsê xo yê cinîyan îlan kerd.
• Maya Haştîye şîye rehm 

  Maya Haştîye Melese Tekîna ke gonîrijîyayîşê mezgî ra nêweşxane de tedawî bîyêne, şîye rehm.