CINÎ

Xeberê peyênî

• Maya Haştîye Makbule Ozbek Zîndanê Amedî de krîzê qelbî derbaz kerd 

  Maya Haştîye ya 72 serre Makbule Ozbeka ke seba îhtîmalê remayîşî nêameye veradayene, Zîndanê Amedî de krîzê qelbî derbaz kerd û wedarîyaye nêweşxane.
• Başarane: Îqtîdar wayîrê leşkerê tecawuzkerî vejîyeno 

  Vervatoxa Meclîsê Cinîyan ê HDPyî Ayşe Acar Başaran ard ziwan ke îqtîdar wayîrê leşkerê tecawuzkerî Musa Orhanî vejîyeno.
• Menga tebaxe de 50 cinîyî ameyî qetilkerdene 

  KCDPyî raporê kişîyayîşê cinîyan ê menga tebaxe eşkera kerd. Goreyê raporî 27 cinîyî hetê camêrdan ra ameyî qetilkerdene û 23 cinîyî zî bi hawayêkê şikdarî merdî.
• Gokkane: Ganî vera AKPyî koalîsyonêk bêro ronayene 

  Vervatoxa TJA Ayşe Gokkan îfade kerd ke nê rojan de serebûtê tecawuzî zêdîyayî ke eleqeyê înan bi konseptê şerê taybetî esto û vat: ''Hîşmendîya AKPyî seba her kesî bitehluke ya coka ganî vera AKPyî koalîsyonêko mîyanneteweyî bêro ronayene.''
• Dest nîya pasaportê aktîvîsta Kîrmanşahî ser 

  Komeleya Heqanê Merdiman a Kurdîstanî da zanayene ke Sersefîrîya Îstanbulî ya Îranî dest na pasaportê aktîvîsta kurda kîrmanşahije Farzanehe Jalalî ser. Komele pare kerd ke rîsk esto ke Farzanehe bêra tepiştene û sînorê Tirkîya ra bêra vetene.
• Kobanê de hamleya 'Aye xo nêkişte, şima a kişte'  

  Rêxistina Têkoşînê Vera Şîdetê Serê Cinîyan a Sara, Kongreya Starî reyde vera xokiştiş û kişîyayîşê cinîyan hamleya 'Aye xo nêkişte, şima a kişte' daye destpêkerdene.
• Newaya Jin bi manşetê 'Fitratê Şima: Îşxal-tecawuz-qirkerdiş' vejîyaye 

  Kovara cinîyan a mengane Newaya Jin bi manşetê 'Fitratê Şima: Îşxal-tecawuz-qirkerdiş' hûmara xo ya êlule vete.
• Halîde Turkoglu: Vera tecrîdî wa tewiro zelal bêro mojnayene 

  Endama Meclîsê Partîye yê DPyî û çalakîkera TJA Halîde Turkoglu pare kerd ke heta ke tecrîd nêqedo meseleyê herême zî çareser nêbenê û vat: ''Ganî şarê Tirkîya û Rojhelatê Mîyanênî vera tecrîdî tewirêkê zelalî bimojnê.''
• Cinîyê Ciwanî yê Têkoşerî yê Başûrî do vera tecrîdî vejîyê kuçeyan 

  Cinîyê Ciwanî yê Têkoşerî yê Başûrê Kurdîstanî çarçewa hamleya 'Ma vanê NÊ' de vera tecrîdê Rayberê Şarê Kurdî Abdullah Ocalanî Silêmanî de rayraşîyayîşêk bikerê.
• Rûkene: Ganî cinîyî vera hêrişan heqê xo yê xopawitişî bixebitnê 

  Endama Koordînasyonê KJKyî Zerîne Rûken ard ziwan ke vera her metodê hêrişan ganî cinîyî bi heqê xo yê xopawitişî wurzê payan ser û vat vera qirkerdişê cinîyan cinîyî komelo azad bipawê.
• Mêrdîn de cinîyêke ameye qetilkerdene 

  Qezaya Şemrexî ya Mêrdinî de camêrdê bi nameyê Ekrem Ozelî bi çeke Melîha Kaya qetil kerde.
• HBDH: Qetilkaranê Ebru Tîmtîk ra do hesab bêro persayene 

  HBDHyî  vat: ''Ma do hesabê avûkate Ebru Tîmtîk û heme şorişgêranê ke hetê îqtîdarê faşîstî ra ameyî qetilkerdene bipersê.''
• KJK: Ebru Tîmtîk bi heskerdiş û bawerîya Dêrsimî xover da 

  KJKyî ke derheqê şehadetê Ebru Tîmtîk de eşkerayîyêke daye vat: ''Mezg û zerrîya Ebru Tîmtîk neheqîye û bêadeletîye qebul nêkerde. Sey cinîya biîrade, azad û qerardare serkewtişî ra bawer kerd û bîye zerrîyanê bawerkerdoxanê Dêrsimî ra yewe.''
• Hannover de şîdetê vera cinîyan ame protestokerdene 

  Bajarê Hannoverî yê Almanya de bi çalakîyêke polîtîkaya tecawuz û şîdetî ya dewleta tirke ke Kurdîstan de vera cinîyan û domanan yena rayraberdene, ameye protestokerdene.
• Amed de reyna cinîyêke ameye qetilkerdene 

  Amed de Veysî Yoldaşo ke zîndanî ra rema, cinîya xo Remzîye Yoldaş mirênaye.
• Rêxistinanê cinîyan ra vera veradayîşê Orhanî kampanya 

  Rêxistinanê cinîyan vera veradayîşê çawişê pisporî Musa Orhan medyaya dîjîtakî de bi etîketê ‘TecavuzSuçtur Aklanamaz'(Tecawuz sûc o, nêno mîyankerdene) kampanya daye destpêkerdene.
• TJK-E vera kulturê tecawuzî yê dewlete seba xoverdayîşî veng da 

  TJK-E: Bloko faşîst ê AKP-MHPyî Kurdîstan de bi hêrişanê xo û polîtîkaya îmha, kulturê tecawuzî yê sîstemê serdesîya camêrdan dano ciwîyayene. Ma venga her kesî danê ke vera nê kulturê dewlete xo ver bido.
• Cinîyan Cengê Heftanînî de çarenusêk vurna 

  Gerîlaya YJA-Starî Çîyajine Cefaneyîya ke Cengê Heftanînî de ca gêna vat: ''Cengê Heftanînî de rengê cinîyan zaf bi eşkera. Hêzê her cinîye esto ke proses bivurna.''
• Dadîya Endama Konseya Serekatîya Pêroyî ya KCKyî Ronahî şîye rehm 

  Dadîya Endama Konseya Serekatîya Pêroyî ya KCKyî Elîfe Ronahî, Fatma Yildirim dewa Şaqûllanî ya Bazarcixî de şîye rehm.
• Êlîh de cinîyêke  ameye qetilkerdene 

  Êlîh de Ebru Tekîna 21 serre seba ke waşt ke mêrdeyê xo ra cîya biba, bi çeke ameye kiştene.
• Riha de cinîyêke hetê birayê ci ra ameye mirênayene 

  Qezaya Serê Kanî ya Riha de cinîya bi nameyê Nurbarî Mihrican hetê birayê ci ra ameye mirênayene.
• PAJK: Vîrardişê hemraya  Leya do rayîrê têkoşînê ma roşn bikero 

  PAJK: Vîrardişê hemraya Leya do rayîrê têkoşînê ma roşn bikero. Ma do têkoşînê mîlîtana serkeşe  hemra Leyla biresnê serkewtişî ke heme cinî û bindestî bibê azad.
• Cinîyan Dêrsimî ra reyna semedê Gulîstane Doku veng da 

  Platformê Cinîyan ê Dêrsimî vizêr reyna semedê Gulîstene Doku çalakîyêke kerde. Waya Doku Aygul Doku ya ke çalakî de qisey kerd vat: ''Ma do heqê kênaya xo çeteyan rê meverdê.''
• Giyadîn de mergo şikdar ê cinîyêke 

  Qezaya Giyadînî ya Agirî de cinîya bi nameyê Husna Yildiz bi hawayêkê şikdarî cuya xo vînî kerde.
• Nurnberg de şîdet û cînayetê vera cinîyan ameyî protestokerdene 

  Şaristanê Nurnbergî yê Almanya de cinîyan ê kurdîstanij û tirkîyayîjan şîdet û tecawuzê vera cinîyan ameyî protesto kerdî.