KOMEL-EKOLOJÎ

Xeberê peyênî

• DEDEF: Xozat û Qisle ra dima Pulur de zî şewat vejîya 

  Dêrsim de Xozat û Qisle ra dima Pulur de zî şewat vejîya. DEDEFî da zanayene ke di cayanê Pulurî de şewat esto.
• Dengbêja Koyê Bîngolî: Sevgulîye 

  Vengo bîlur ê dengbêje Sevgulî Koyê Bîngolî ra herikîyeno.
• Dewlete mudaxele nêkena, şewatê Xozatî dewam keno 

  Deweka Koçerî ya dewanê Danzî û Kurukaymakî ya qezaya Xozatî ya Dêrsimî de 17ê tebaxe de netîceya operasyonê leşkerî de şewatî dest pêkerdbi. Dewlete şewatî rê mudaxele nêkena, şewat vera vila beno.
• Cinîya dêrsimije pê ramitişê bostanî debara xo kena 

  Dewa Bezawûtî ya qezaya Xozatî ya Dêrsimî de Gulserene Gençturk bostanê xo de sebzeyan ramena û pê rotişê nê sebzeyan debara xo kena.
• Şerê vera xozaya Wanî 

  Wan de 5 serrî yo xoza yena talankerdene. Ocaxê mermerî, kerra û madenî û HESî xoza herimnenê. Çalakîyê şermezarkerdişê nînan zî benê hedefê tedaya dewlete.
• 'Munzur yeno lêşinkerdene wa tedbîr bêro girewtene' 

  Serekê DEDEFî Alî Haydar Benî pare kerd ke semedo ke sîstemê binerdî çin o pêro eşteyê kargehanê Gelîya Munzurî dekewenê Çemê Munzurî û waşt ke ganî cade tedbîrî bêrê girewtene.
• Bulbul: Şarê Dêrsimî ganî vera projeyanê ke bawerîya ci xeripnenê vejîyo 

  Wekîlê HDPyî Kemal Bulbulî pare kerd ke Dêrsim de tay projeyî waranê fîrazan de cewher û bawerîya şarî xeripnenê û vat: ''Ganî şarê ma nê projeyan qebul nêkero.''
• Gelîya Munzurî de tehlukeyê vera xoza dewam keno 

  Gelîya Munzurî de tehlukeyê vera xoza dewam keno. Avûkat Bariş Yildirimî vera lêşinîya xozaya Gelîya Munzurî nêrazîbîyayîşê xo mojna û vat: ''Na lêşinîye zerar dana peyzaj, flora û faunaya herême.Tedbîrî lazim ê. ''
• Wuppertal de protesto: Dewleta tirke xoza û merdiman qetil kena 

  Komîteya Ekolojî ya Dar Jîn Wuppertal de vat: ''Hêrişanê îşxalî û qirkerdişê xoza vindarnê.''
• Işikli: Ganî ma pêro pîya wayîrê xoza vejîyê 

  Hemvervatoxê Paltformê Pawitişê Hewsêlî Vahap Işikliyî bale ante polîtîkayanê taybetan ê vera cografyaya Kurdîstanî ser û semedê wayîrvejîyayîşê xoza veng da.
• Leşkerê tirkan û qorîcîyî dare birre vêşnenê û birnenê 

  Hêram Besta ya Şirnexî de şewato ke leşkeranê tirkî veto, semedê hewnakerdişî ci rê mudaxale nêno kerdene. Hetê bînî ra qorîcîyî zî daran birnenê.
• Dereyê Ledizî yê Dara Hênî de maseyî merdî 

  Dereyê Ledizî yê Dara Hênî de saba ke awa dereyî pêsaye maseyî merdî.
• Serhed de laser werişt: Heywanî merdî, awe kewte keye û axûran 

  Herêma Serhedî ya Vakurê Kurdîstanî de laserî ra xeylêk heywanî merdî. Xeylêk keye û axûrî zî kewtî binê awe.
• Dêrsimijî: Ganî Çimeyê Munzurî  sey merkezê bawerîye bimanê 

  Xebata peyzajî ya Çimeyanê Munzurî texrîbatî bi zelalî eşkera kena. Dêrsimijan vera texrîbatî nêrazîbîyayîşê xo mojna û pare kerd ke ganî Çimeyê Munzurî sey merkezê bawerîya Raya Heqîye bimanê.
• Çewlîg de şewat vila beno, Koyo Sipî vêşeno 

  Qezaya Dara Hênî ya Çewlîgî de şewato ke hîrê rojî yo dewam keno çend şino vila beno. Şewat de Koyo Sipî hema hema pêro vêşa.
• Gelîya Pêrî semedê projeyê madenî binê tehlukeyê çinbîyayîşî de ya 

  Platformê Komeleyanê Gêxî û KAYY-DERî pare kerd ke Gelîya Pêrî de projeyê cigêrayîşê madenî do sîstemê ekolojîkî bixeripno û vera projeyî nêrazîbîyayîşê xo mojna.
• Proseso zehmet ê viraştişê penîrê vaşinî 

  Haci Baciye Kaplana 58 serre deweka Dotka ya Dirbêsanî ya Geverî de ciwîyena. Kaplane ked û rolê cinîyan ê viraştişê penîrî vaşinî ser o qal kerd.
• Karkerê serwextî binê şertanê giranan de xebitîyenê 

  Karkerê serwextî yê qezaya Pêrî ya Dêrsimî prosesê pandemî de xeyma 20 metrekare de bê awe û ceyranî ciwîyenê.
• Koyê Cûdîyî de reyna şewat vejîya 

  Herêma Şaxî ya Koyê Cûdîyî de reyna şewatê daristanî vejîya.
• Dêrsimijan vera projeyê awbendî nêrazîbîyayîşê xo mojna 

  Dewa Segedîkî ya qezaya Xozatî ya Dêrsimî de îhaleyê awbendê Cevîzlîdere ame kerdene. Dewijan vera awbendî nêrazîbîyayîşê xo mojna û vat: ''Ma tîya de heywankarîye, hingedarîye, zîret kenê. Awbend do dewa ma birijno.''
• Payîzava ra heta Îkîzdere têkoşîn 

  Hemvervatoxê Paltformê Pawitişê Hewsêlî Vahap Işikliyî vat: ''Payîzava ra heta Îkîzdere ma hetê dewijanê têkoşeran de yê. Xozaya ma hempar a, têkoşînê ma hempar o.''
• Koy Cûdîyî de kontrolê qorîcî Hazim Babatî de darî birîyenê 

  Koyê Cûdîyî de cayo ke sînorê Başûrê Kurdîstanî yo de binê kontrolê serqorîcî Hazim Babatî de darî yenê birnayene. Her roje 450 ton darê ke biriyenê, kirişîyenê warê Tabûrê Leşkeran ê Besta.
• Dêrsim de projeyê tesîsê eşteyan ame şermezarkerdene 

  Dewa Sutluce ya Dêrsimî de yeno waştene ke tesîsê eşteyan bêro viraştene. Dêrsimijê ke tesîsan nêwazenê no proje şermezar kerd.
• Dewijî 17 serrî yo vera ocaxê mermerî xo ver danê 

  Dewijê Şêxana ke vera ocaxê mermerî xo ver danê anê ziwan ke ê do nêverdê ocaxê mermerî bixebito û heta peynî xo ver bidê.
• Wan: Ocaxê mermerî semedê şar û xoza tehluke yo 

  Badê nêrazîbîyayîşê şarî Qeymeqamîya Payîzava ya Wanî mecbur mend, komîsyonêk na ro. Komîsyonî zî vat ocaxê mermerî yê Şêxanî zirar dano merdiman, heywanan û xoza.