KOMEL-EKOLOJÎ

Xeberê peyênî

• Dogane: Vêşnayîşê daristananê Kurdîstanî sîstematîk o 

  Endama Heyetê Rayberdişî yê MÇDyî Sevîle Dogan bale ante ser ke şewatê daristanan ê dewleta tirke vat şewatê daristanan sîstematîk ê û vera ney ganî têkoşînêko rêxistinkerde bêro kerdene.
• Awbendê Devegeçîdî ho ziwa beno 

  Amed de kêmvarayîşî ra awbendê Devegeçîdî ho beno ziwa.
• 'Hewnanêkerdişê şewatê Dêrsimî tewirêko polîtîk o' 

  Îdarekarê Komeleya Xoza ya Munzurî Ozkan Arslan û aktîvîstê xoza Haydar Çetînkayayî vera şewatê daristanan ê Dêrsimî nêrazîbîyayîşê xo mojna û vat: ''Hewnanêkerdişê şewatê Dêrsimî tewirêko polîtîk o.''
• Riha de fistiqêrî benê wişk 

  Riha de darê fistiqan benê wişk. Citkarî goreyê qewetê xo xîret kenê ke daran bixelisnê.
• Wareyê Kepirî pê rindîya xo çiman gêno 

  Qezaya Pulurî ya Dêrsimî de Wareyê Kepirî pê vaş, la û golanê xo seke beriqîyeno.
• Xozat: Şewatê daristanî rê mudaxale nîno kerdene 

  Herêma Koma Sore ya qezaya Xozatî ya Dêrsimî de şewatê daristanî ke rîyê operasyonê leşkerîyî ra vejîya, çar rojî yo dewam keno.
• Dêrsim rixmê tedayan rindîya xoza ya xo paweno 

  Dêrsimo ke bi xozaya xo şaristanêko balkêş ê Kurdistanî yo, nê mewsîmî de dest bi pêşwazîkerdişê turîstan keno. Şaristanê Dêrsimî rixmê pêro hêrişan xo paweno û bi rindîya xo bale anceno.
• Şewatê daristanê Xozatî dewam keno 

  Xozatê Dêrsimî de badê operasyonê leşkerî daristan de hetê leşkeran ra şewato ke vejîyabi bi rojan o dewam keno. Walîtîya Dêrsimî herinda hewnakerdişê şewatî de îdîa kerd ke şewat çîn o.
• Hashtagê 'Dêrsim vêşeno' rojdemê Kurdîstan û Tirkîya de yo! 

  Hemwelatîyan vera şewatê daristanan ê Dêrsimî nêrazîbîyayîşê xo twitter de pê hashtagêkî mojna. Hashtagê #DersimYanıyorSesVer 'Dêrsim vêşeno, veng bidê ci' Vakurê Kurdîstan û Tirkîya de bi rojdem.
• Gulîzara ke agêraye dewe xo, wayîra kultur û xozaya xo vejîyena 

  Gulîzar Uçana ke polîtîkaya şerê taybetî ra dewa xo terk kerdibî, newe ra agêraye dewa xo û wayîra kultur, xoza û ziwanê xo vejîyaye. Gulîzare bi karê hingdarîye paştî dana awankerdişê dewa xo.
• Fatma debara xo bi ramitişê sewzî kena 

  Fatma Çitîl nêzdîyê 40 serrî yo karê ramitişî reyde eleqedar bena û pê debarê xo kena. Fatma vat: "Karê ma qet nêqedîyeno û ma heta şanî xebitîyenê. La ez karê xo ra ci ra hes kena."
• Licê de qirkerdişê daran: Darî helqê ci ra yenê raqilnayene 

  Işikliyî ard ziwan ke hêzê dewleta tirke Licê de pê makînayanê karî daran helqê ci ra raqilnenê û vat: ''Kurdîstan de şewatê daristanî û birnayîşê daran her serre bi hewayêkê sîstemakî yenê kerdene. No çîyo normal nêyo, pabesteyê polîtîkaya şerî yo.''
• Dêrsim de ribêsan serê dezgehan de cayê xo girewt 

  Ribêso ke waranê berzan ê Dêrsimî de reseno û xeylêk nêweşîyan rê şîfa ya serê dezgehan de cayê xo girewt.
• Herre zîl da, vaşî resayî serê sifreyan 

  Hemwelatîyî binê Kelaya Wanî de vaşanê weşan arê danê. Hemwelatîyî hem nê vaşan roşenê hem zî benê serê sifreyanê xo.
• Texrîbatê xoza ra dima rewşa peyêne ya Çimeyanê Munzurî 

  Xebata peyzaje ra dima Çimeyanê Munzurî de ke seba elewîyanê Raya Heqîye cayêko fîraz o texrîbatê xoza bi hawayêkê zelalî yeno dîyene. 
• Licê de darî yenê birnayene: Qirkerdişê xoza vindarnê 

  Artêşa tirke qezaya Licê ya Amedî de çarçewa operasyonê leşkerî de daran birnena.Têgêrayîşê Ekolojî yê Mezopotamya vera nayî nêrazîbîyayîş mojna û waşt wa birnayîşê daran bêro vindarnayene.
• Şaredarîya AKPyî ya Sêwrege çopanê Qerejdaxî arê nêdana 

  Şaredarîya AKPyî ya Sêwrege çopanê 35 taxanê Qerejdaxî arê nêdana. Semedê pîsî ra heywanî mirenê û şarê herême zî prosesê janî de maruzê nêweşîyan beno.
• Kanîreşê Çewlîgî pê vilikanê wisarî xemilya 

  Qezaya Kanîreşî ya Çewlîgî ke zimistanê ci zaf çetin verêne û heta nîsane tede vewre varena de vewre helîyaye, vilikan zîl da.
• Munzur de lêşinîye zêdîyena 

  Dêrsim de awa kanalîzasyonî û çopî zerarêkê pîlî danê Çemê Munzurî. Temsîkarê Komeleya Xoza ya Dêrsimî Ozkan Aslanî vat: ''Ma hê peynîya xo anê, eke wina şêro cayêkê bi nameyê Dêrsimî do nêmano.''
• Gelîya Hêtmanî de boya anûxî 

  Gelîya Hêtmanî û Çemê Dîcle pê renganê kesk û kewe xemilîyayî. Gelîye de wisarî reyde boya anûxî zî berz bena.
• Dêrsim: Gulike serê dezgehan de cayê xo girewt 

  Dêrsim de gulike (hêluge) serê dezgehan de cayê xo girewt. Gulike koyanê Dêrsimî ra arê dîyena û sey derman roşîyena.
• Xozat de vera awbendî nêrazîbîyayîş: Zîret û heywankarîye çin keno 

  Dêrsim de hemwelatîyan vera awbendo ke yeno waştene dewa Segedîkî ya qezaya Xozatî de bêro kerdene nêrazîbîyayîşê xo mojna. Hemwelatîyî seba ke awbend do zîret û heywankarîye biqedîno nêwazenê.
• Gelîya Zîlane de xoza yena talankerdene 

  Gelîya Zîlana ke tede bi hezaran kurdî ameybî qetilkerdene, rixmê nêrazîbîyayîşan zî karê viraştişê Santralanê Hidroelektrikî dewam keno.
• 'Ganî domanî pê kultur û nasnameyê xo biciwîyê' 

  Sereka Komeleya 'Berî Her Tiştî Zarok' Cevahîre Sadak Duzgun derheqê komele de agahîyî dayî û îfade kerd ke ê domanan perwerde kenê ke pê kultur û nasnameyê xo biciwîyê.
• Dêrsimijî: Ma tesîsan nêwazenê! 

  Dewa Sutluce ya Dêrsimî de dewijan vera projeyê tesîsê çopan nêrazîbîyayîşê xo mojna û vat: ''No tesîs do zerar bido xozaya ma. Ma tîya de tesîsan nêwazenê.''