KURDISTAN

Xeberê peyênî

• Îşxalkerî neçare mendî ke 3 cayanê Avaşînî ra xo apey biancê 

  Netîceya xoverdayîşê gerîlayanê HPG û YJA-Starî de dewleta tirke ya îşxalkere neçare mende ke 3 cayanê Avaşînî ra xo apey biancê.
• Şarê Batîfa û Kêşanî vera îşxalî werişt payan ser 

  Dewleta tirke her roje Başûrê Kurdîstanî dana bombayan ver. Şarê Batîfa û Kêşanî vera hêrişanê îşxalî werişt payan ser û vera bêvengîya hukmatê Herêma Kurdîstanî nêrazîbîyayîşê xo mojna.
• Gerîlayê YJA-Starî danê îşxalkeran ro 

  Gerîlayê YJA-Starî vera hêrişanê dewleta tirke mewzîyanê şerî de xo ver danê û her roje danê îşxalkeran ro.
• Tay dewanê Tûxî de qedexeyê tebervejîyayîşî 

  Walîtîye tay dewan û dewekanê qezaya Tûxî ya Bedlîsî de qedexeyê tebervejîyayîşî îlan kerd.
• Hemleya Şorişgêre ya Bazanê Zagrosî: Notê Xoverdayîşê Avaşînî-1 

  Gerîlayê Azadîye yê Kurdîstanî pê Hemleya Şorişgêre ya Bazanê Zagrosî cewab danê hêrişanê îşxalî yê artêşa tirke, Avaşîn de derbanê giranan danê dişmenî ro. Notê gerîlayan rewşa xoverdayîşî eşkera kenê.
• Tuyê Baxçeyanê Hewselî bazaranê şaristanî de yê 

  Bager Çîçeko ke pê tuyan dabarê xo û keyeyê xo keno ard ziwan ke Baxçeyanê Hewselî de roje de nêzdîyê 40 kîlo tuyan arê dano û vat: ''Ma 2 rojan de yew tuyan arê danê. Ma tuyanê eciqnayeyan zî kenê wişk yan zî pê aqît virazenê.''
• Semedê tewrbîyayîşê mîtîng û kampanyaya kurdkî ame vengdayene 

  Torra Ziwan û Kulturê Kurdan semedê tewrbîyayîşê mîtînganê ke do Amed, Cizîre û Wan de bêrê kerdene û kampanyaya ziwanê dayîke veng da.
• KCK: Têgêrayîşê Azadîye pê hîşmendîya 1ê Hezîrane têkoşîn keno 

  Hemserekîya Konseya Rayberdişî ya KCKyî: Ewro Têgêrayîşê Azadîye û gerîlayî pê ruhê 15ê Tebaxe û pê hîşmendîya 1ê Hezîrane vera hêzanê kolonyalîstan û hemkaranê ci yê neteweyîyan têkoşînêkê pîlî kenê.
• HPGyî şehîdê Gabarî yad kerdî 

  HPGyî şehîdê Gabarî yad kerdî û vat: ''Ma sozê xo dibare kenê ke alaya azadîye ya emanetê embazanê xo pê hîşmendî û mesuldarîya layîqbîyayîşê înan tim do berz bikerê.''
• HPG: Zap de 3 îşxalkerî ameyî cezakerdene 

  Çalakîya gerîlayanê HPG û YJA-Starî de vizêr Zap de 3 leşkerê tirkî yê îşxalkerî ameyî cezakerdene û mewzîyêk ame îmhakerdene.
• Dîmenê çalakîya Girê Azadî weşanîyayî 

  Gerîla TVyî dîmenê çalakîya Girê Azadî ya Metîna weşanayî ke netîceya na çalakîye de 4 îşxalkerî ameybî cezakerdene.
• Colemêrg de qedexeyê çalakîyan reyna ame dergkerdene 

  Qedexeyê aktîvîte û çalakîyan o ke 2016 ra nata Colemêrg de yeno domnayene, reyna ame dergkerdene.
• Ok: Şarê kurdî hêzê xoverdayîşî Hemleya 1ê Hezîrane ra gêno 

  Endamê Konseya Rayberdişî ya KCKyî Sabrî Okî serrgêra 17. a Hemleya 1ê Hezîrane de qisey kerd û vat: ''Xoverdayîş, têkoşîn û serewedaritişê şarê ma, hêzê xo Hemleya 1ê Hezîrane ra gênê.''
• Gorê Tahîr Elçîyî ame texrîbkerdene 

  Gorê Hemserekê verênî yê Baroyê Amedî Tahîr Elçîyî yo ke 2015 de Sûr de ame qetilkdene, ame texrîbkerdene.
• KCK: PDK verê hêrişê îşxalî yê dewleta tirke akeno 

  KCKyî vera eşkerayîyanê vervatoxanê PDKyî nêrazîbîyayîş ramojna vat: ''Nê vervatoxî cehd kenê ke hêrişanê dewleta tirke sey meşrû ramojnê. Rîyê nê tewirê PDKyî ra hêrişê îşxalî vila benê.''
• Dêrsim: Şikdarî pawîyenê, cinîyî yenê cezakerdene 

  Endama Meclîsê Partîye yê HDPyî û Platformê Cinîyan ê Dêrsimî Helîne Yagmu Ucî vat: ''Cinîyî keye de mêrdeyî ra teber de zî dewlete ra şîdet vînenê. Cinîyî vera şikdaranê şîdetî yenê cezakerdene.''
• Dewleta tirke çawişo tecwuzker Musa Orhan nêtepişt 

  Mehkemeya tirke waştişê tepişîyayîşê çawişê pisporî yê tecawuzkerî Musa Orhanî red kerd.
• Bazanê Zagrosî da piro: 18 îşxalkerî ameyî cezakerdene 

  HPGyî pare kerd ke gerîlayî semedê qesasê şehîdan pê ruhê Hemleya 1ê Hezîrane têkoşîn kenê. HPGyî eşkera kerd ke çalakîyanê gerîlayan de 18 leşkerê tirkî yê îşxalkerî ameyî cezakerdene, 6ê ci zî birîndar bîyî.
• HPGyî nasnameyê 3 şehîdanê Metîna eşkera kerdî 

  HPGyî nasnameyê 3 gerîlayanê ke 18ê nîsane de Metîna de şehîd bîyî eşkera kerdî û vat: ''Ma do armanc û xeyalanê înan Kurdîstanê Azadîye de Rayberîya Azade reyde bîyarê ca.''
• Dewleta tirke Kanî Masî de dewijêk birîndar kerd 

  Dewleta tirke hêrişanê îşxalî yê vera Başûrê Kurdîstanî rê dewam kena. Dewêka Kanî Masî de hêrişê obusî de dewijêk birîndar bi.
• Edhem Barzanî: Hêrişî nêvinderê Başûrî zî destî ra şino! 

  Edhem Barzanîyî bale ante hêrişanê îşxalî yê Tirkîya yê vera Başûrê Kurdîstanî ser û vat:''Eke herêma Kurdîstanî seba vindarnayîşê hêrişan çîyêk nêkera beno ke herêma Kurdîstanî zî destî ra şora.''
• Avaşîn de 13 îşxalkerî ameyî cezakerdene 

  Gerîlayanê azadîye herêma Avaşînî ya Herêmanê Pawitişî yê Medya de çalakîyanê vera îşxalkeran de 13 leşkerê tirkî ceza kerdî.
• HRE: 5 cergî kişîyayî, 9 cergî birîndar bîyî 

  Hêzanê Xelisnayîşê Efrînî pare kerd ke çalakîyanê hêzanê înan de 5 cergê dewleta tirke ya îşxalkere kişîyayî û 9 cergî zî birîndar bîyî.
• Roniştişê dewaya çawişê tecawuzkerî Musa Orhanî dest pêkerd 

  Roniştişê hîrêyînî yê dewaya çawişê pisporî Musa Orhanî dest pêkerd ke Musa Orhan Êlih de tebaxa 2020î de cinîya bi nameyê Îpeke Er rê tecawuz kerd û dima zî bi sebebê xokiştişê aye.
• Karasu: Serkêşê karanê lêminan Erdogan o 

  Endamê Konseya Rayberdişî ya KCKyî Mustafa Karasuyî pare kerd ke pêro karê lêminî, îlegalî û sûcî pê fermanê Erdoganî yenê kerdene û vat: ''Seba îstîfakerdişî vengdayîşê Soyluyî qîm nêkeno, ganî no îqtîdar îstîfa bikero.''