KURDISTAN

Xeberê peyênî

• Gerîla TV’yî dîmenê 3 çalakîyan  weşanayî 

  Gerîla TV’yî dîmenê çalakîyan a 29’ê Hezîrane ya  Qilê Xwedê yê Avaşînî,  ya 5’ê Temmuze ya  Qilê Radarî yê Qilebanê Şirnexî û ya 31’ê Hezîrene ya Çelê ya Colemêrgî weşanayî.
• Sêrt û qezaya ci Misircî de 6 kesî ameyî destbendkerdene 

  Sêrt û qezaya ci Misircî de sereştişê keyeyan de îdarekarê KCD û DBP’yî zî tede 6 kesî ameyî destbendkerdene.
• Îdarekarê DBP’yî yê Pîranî ame destbendkerdene 

  Îdarekarê DBP’yî yê Pîranî  Recep Ateşman sereştişê keyeyê ci de ame destbendkerdene.
• Mele yo ke Nimajê Îneyî yê Sivîlî dayo kerdene rê 6 serrî ceza 

  Mele Abdulkadîr Anaro ke Nimajê Îneyî yê Sivîlî yo ke vera qerarê Dîyanetî yê Kurdkî hutbe nêdayîşî amebi destpêkerdene, dabi kerdene rê 6 serrî û 3 mengî cezaya ke ameyebî dayene ameye tesdîqkerdene.
• Hêrişê vera Bradost û Balakatî vizêr zî dewam kerd 

  Hêrişê  ke Îran û Tirkîya 10’ê Temmuze de vera herêmanê Bradost û Balakatî yê Başûrê Kurdistanî dayî  destpêkerdene û 2 sivîlî ameyî qetilkerdene û 4 zî birîndar bîyî, vizêr zî dewam kerd.
• Cizîre de xeylî pawitoxî raştê hêrişî ameyî 

  Qezaya Cizîre ya Şirnexî de bînşewe pawitoxî raştê hêrişê bisilehî ameyî, xeylî pawitoxî birîndar bîyî.
• Heyetê HDP’yî Licê de derheqê hêrişê dewlete de cipersayîş kerd 

  Heyetê HDP'yî dewê Licê yê ke binê hêrişê dewlete de yê zîyaret kerdî û derheqê qewimîyayîşan de cipersayîş kerd.
• HPG’yî nasnameyê di gerîlayanê ke şehîd bîyî eşkera kerdî 

  HPG’yî nasnameyê di gerîlayanê ke Amed û Hatay de şehîd bîyî eşkera kerdî.
• Gerîlayan Sêrt de da yewîyanê nimiteyan ro 

  Gerlayanê HPG û YJA Starî herêma dewa Dîrîşkê ya qezaya Dihî ya Sêrtî de da yewîyanê nimiteyan ro.  Çalakîye de 3 eskerî ameyî kiştene.
• Rayîrê Farqînî de mînîbuse gina otomobîle ro: 12 birîndarî 

  Bejikrayîrê Farqîn - Amedî de mînîbusêka raywanan ginaye otomobîle ro û 12 kesî birîndar bîyî.  
• HDP’yî heyet şirawit Licê 

  Heyêtêkê HDP’yî, şi dewa Tûtê û seba ke Licê de dewijan ser o guleyî ameyê varnayene û hêgayî ameyê vêşnayene cigêrayîşan kena.
• Hemşaredarê Gogsî û 10 kesî ameyî destbendkerdene 

  Hemşaredarê Gogsî ya Erziromî Bûrhanettîn Şahîn, endamê meclîsê şaredarîye zî tede 10 kesî ameyî destbendkerdene.  
• Dewleta Tirkî Licê de adir verda hêgayanê xeleyî 

  Qezaya Licê ya Amedî de eskerê ke vejîyayî  operasyon adir verda hêgayanê ramiteyan, erazîyê ratmiteyî vêşayî bîyî wele.
• Çewlîg de wezîro verên Yilmaz ame protestokerdene 

  Hetkarê serekê pêroyî yê AKP’yî Cevdet Yilmaz, hetê hemwelatijanê ke Mehlaya Kulturî de, çarçewaya projeyê Vurayîş û Averşîyayîşê Şaristankîyî de yenê xirakerdene ra ame protestokerdene.
• Licê de leşkeran yew kes birîndar kerd 

  Dewa Banadêran a Licê ya Amedî de helîkopterî ra dewijan ser o gule ame varnayene. Gulevarnayîşî de leşkeran dewijo bi nameyê Onûr Vûral destbend kerd û nêno zanayene ke înan o berdo kamca.
• HPG: Gerîlayan seba vîrardişê Şehîd Helmetî xeylî çalakîyî viraştî 

  HPG’yî da pêhesnayene ke çalakîyanê gerîlayan ê vera artêşa Tirkî de di payeberzî zî tede xeylî eskerî ameyî kiştene.
• Mesrûr Barzanî bi serekwezîrê herêma Kurdistanî 

  Ewro Parlementoyê Herêma Kurdistanî de raydayîş ame kerdene û Mesrûr Barzanî bi serekwezîrê herême.
• Artêşa Tirkî dewijanê Başûrî ser o zextan kena 

  Ame zanayene ke artêşa Tirkî ya ke hemverê Herêma Kurdistanê Federeyî de operasyon virazena dewanê herême ser o zextan kena ke bikerê veng. Heman wextî de yeno vatene ke leşkeran adir nayo bejikê dewa Sîranî ya Sidêkanî ra.
• Hemşaredarê şaredarîya Qilabanî Urek ame destbendkerdene 

  Hemsereko verên ê şaredarîya Qilabanî ya Şirnexî Yunus Urek sereştişê keyeyî de ame destbendkerdene.
• Hesenkeyf de Saraya Qijkeke binê rîskî de ya 

  Hesenkeyf de dewesîyayîşo ke rîyê makîneyanê karî ra vejîya werte, bi sebebê rîskê warameyîşê Saraya Qijkeke.
• Artêşa Tirkî Licê ser o bombayî varnayî 

  Artêşa Tirkî ya Îşxalkare bejahîya qezaya Licê ya Amedî bombardûman kerde.
• Teyareyê şerî yê Tirkî dewêka Zaxo bombardûman kerde 

  Teyareyê şerî yê artêşa Tirkî dewêka herêma Zaxo yê Başûrê Kurdistanî bombardûman kerde.
• Mesajê KCK’yî yê seba Xerîbî: Hemkarî do bêrê cezakerdene 

  Hemserekîya Konseya Rayberdişî ya KCK’yî keyeyê  endamê Konseya Serekîya Pêroyîye ya KCK’yî Dîyar Xerîbo ke 5’ê Temmuze de, hêrişê hewayîyî yê dewleta Tirkî de cuya xo vînî kerde rê mesajê serweşîye şawit û sozê cezakerdişê hemkaran da.
• HPG’yî 5 gerîlayê ke Dêrsim de şehîd bîyî bi vîr ardî 

  HPG'yî, hayîdarîyê derheqê nasnameyê 5 gerîlayanê ke roja 9’ê Gulane, pêkewtişanê Merga Çepera, Şehîd Cafer û Vartînîsî yê ke pabesteyê merkezê Dêrsimî yê de şehîd bîyî eşkera kerdî.  
• Endamê Meclîsê Peroyî yê HDP’yî yê Dêrsimî ame destbendkerdene 

  Qezaya Pêrtagî ya Dêrsimî de vizêr polîsan eşt keyeyan ser endamê Meclîsê Peroyî yê HDP’yî yê Bajarî Mîthat Kayan û esnafêk destbend kerdî.