KURDISTAN

Xeberê peyênî

• Artêşa Tirkî bêçare ya: Vilawekan erzena gerîlayî! 

  Dewleta Tirkî vilawekanê, ‘’Teslîm bibê, azad bibê’’ erzena Wareyê Pawitişî yê Medya û herêmanê roniştişî yê Başûrê Kurdistanî.
• Cenazeyê gerîlayanê ke Dêrsim de şehîd bîyî ameyî definkerdene 

  Cenazayê gerîlayanê HPG’yî yê ke Dêrsim de şehîd bîyî perey  hetê keyeyanê înan ra ameyî girewtene û memleketanê înan de ameyî definkerdene.
• Artêşa Tirkî Başûrê Kurdistan de sivîlêk qetil kerd 

  Teyareyanê şerî yê artêşa Tirkî herêma Goşînê ya Bradostî yê Başûrê Kurdistanî de da sivîlan ro. Netîceya hêrişî de sivîlêk ame qetilkerdene û 3 kesî zî birîndar bîyî.
• HPG:  26 leşkerî ameyî kiştene 

  Gerîlayanê HPG û YJA Starî derbeyê giranî dayî artêşa Tirkî ro. Çalakîyan de 26 leşkerî ameyî kiştene, di wesayîtê zirxinî temamî de ameyî îmhakerdene û helîkopterêk ame derbkerdene.
• Nasnameyê di şehîdanê Elkê ameyî eşkerakerdene 

  HPG’yî  di gerîlayê cinîyî yê ke  Elkê ya Şirnexî de cuya xo vînî kerdebî bi vîr ardî vat: ‘’ Fedakarîya girde ya hemrayanê ma Mizgîne û Xemlîne yê mucadaleyê hesabpersayîşî yê vera îşxalakaran do qet nêro vîrakerdene.''
• Zîndanê Riha de komplo yena kerdene 

  Tepişteyê PKK’yî yê ke Zîndanê Riha yê Tîpê T‘yî yê Hûmara 2’ine de yê vat dimayo ke Fatîh Sertaç Çelîk bi muduro yewin komplo û kayî kewtî dewre û vengdayîş kerd.  
• Cenazeya gerîlayê HPG’yî Alinbayî amî wedartene 

  Cenazeya gerîlayê HPG’yî Mahmût Alinbayî yo ke Dêrsim de şehîd bibi amî wedartene.   
• Çinarêra pîle ya ke zîyareta Elewîyan de bîye ameye vêşnayene 

  Qezaya Elbîstanî ya Mereşî de çinarêra ke Zîyareta Aşagi Îçmeler de bîye hetê kes yan zî kesanê ke nasnameyê înan nêno zanayene ra ameye vêşnayene. Hemverê nê de Elewîyanê herême reaksîyon da.  
• Cizîre de vera wesayîtê zirxinî çalakî 

  Mehlaya Yafesî ya Cizîre de vera wesayîtêkê zirxinî çalakîyêk ameye viraştene.
• Şopê gonî yê qeraxê Munzurî aîdê Eroglûyî vejîyayî 

  Dêrsim de kîşta şewqe û telefonê Engîn Eroglûyo ke şiwanîye kerdêne û bibi vînî şopê gonî ameybî dîyene û ame tespîtkerdene ke a gonî aîdê Eroglûyî ya.  
• Dewa Nawdarokî reyna ameye bombardûmankerdene 

  Teyareyanê şerî yê artêşa Tirkî vizêr reyna dewa Nawdarokî ser o bombayî varnayî.
• Artêşa Tirkî derbeyê giranî werdî: 16 eskerê Tirkî ameyî kiştene 

  Gerîlayanê HPG û YJA Starî bi wesîlaya serrgêra şahadetê Zeynep Kinaci (Zîlane) ya ke 30’ê Hezîrane 1996 çalakîya fedayîye  viraşta, vera artêşa Tirkî ya îşxalkare çalakîyî viraştî. Çalakîyan de 16 eskerê Tirkî ameyî kiştene.
• HPG’yî di gerîlayê ke Qendîl de şehîd kewtîbî bi vîr ardî 

  HPG’yî  di gerîlayê cinîyî yê ke peynîya menga Gulane de hêrişê hewayîyî yê Tirkî yê hemverê Qendîlî de cuya xo vînî kerdebî bi vîr ardî.
• Endamê Meclîsê Ciwanan ê HDP'yî Akbiyik ame destbendkerdene 

  Endamê Meclîsê Ciwanan ê HDP'yî Umît Akbiyik ame destbendkerdene.
• 26 serran ra dima Dêrsimî rê agêrayîş 

  Keyeyê ke Dêrsim de, serra 1993 de dewa înan ameya vêşnayene, 26 serran ra dima wazenê agêrê erdanê xo ser. 3 keyeyê ke 2 mengî yo seba girewtişê destekî barê sazîyanê fermîyan de teşebusan kenê, anê ziwan ke qerardar ê agêrê dewa xo.
• Şerîk: Sozdayîş êdî bes nîyo 

  Endamê Komîteya Merkezî ya PKK’yî Cemal Şerîkî da zanayene ke, her gama 20 serran a esaretgirewtişê Ocalanî  îşkence yo û vat, “Êdî sozdayîş zî bes nîyo, ganî şert û mercê esaretî werte ra bêrê wedaritene.”
• Hazal Aslane dimayê 40 mengan amî definkerdene 

  Cenazeya Hazal Aslane ya ke xoverdayîşê Cizîre de şehîd bîbî, goristanê Yenî yê Artemêtanî de amî wedartene.  
• Teyareyanê Şerî dewa Nawdaroke ya Bradostî ser o bombayî varnayî 

  Teyareyanê şerî yê dewleta Tirkî ya îşxalkare dewa Nawdarok a herêma Bradostî ser o bombayî varnayî. Bombardûman de zirarêko pîl gina rez û baxçeyanê sivîlan ro. 
• Mertalê Gandarî Bradost de yê 

  Ciwananê ke Qendîl de vera hêrişanê artêşa Tirkî dest bi çalakîya Mertalê Gandarî kerdbî înan ra grûbêk şîye Bradost o ke pêkewtişî xorî bîyî.
• Avaşîn, Xakurkê û Çelê de 8 leşkerî ameyî kiştene 

  Gerîlayanê HPG û YJA Starî  Avaşîn, Xakurkê û Çelê de vera artêşa Tirkî çalakîyî viraştî, tewr tay 8 leşkerî ameyî kiştene.
• Îdarekarê DBP’yî ame destbendkerdene 

  Îdarekarê DBP’yî yê bajarê Amedî Hayrî Etyemez, sereştişê keyeyê ci reyde ame destbendkerdene.
• Cenazeya Aslane 40 mengan ra dima ameye teşhîskerdene 

  Cenazeya Hazal Aslan a ke wextê qedexeyê tebervejîyayîşê de kewtîbî cêrzemînan û bi vêşnayîş amebî qetilkerdene, 40 mengan ra dima ameye teşhîskerdene û ameye dayene bi keyeyê ci.
• 'Bi bihêzkerdişê Tîfaqê Demokratîkî, ma mucadeleyî bikerê xurt!' 

  KCK’yî vat weçînitişê Stenbolî de muhîmîya tîfaqo ke HDP’yî dir ame kerdene vejîyaye werte, şaro Kurd û hêzê demokrasîyî ganî tîfaqê demokratîkî hîna bikerê pîl û bihêz, veng da ke mucadeleyê demokratîkbîyayîşê Tirkîya hîna bikerê xurt.
• Dayîke bi tandayîş dîyaye waroginayene û lajê ci zî ame girewtene 

  Polîsan qezaya Rezan de sereştişê keyeyêk de Samya Emsen a 67 serrîye ka nêweşa astimî ya bi tandayîş daye war o. Lajê ci Ersîn Emsen zî destbend kerd.
• KDP’yî Zaxo de panc tumî teslîmê dewleta Tirkî kerdî 

  Hêrişê dewleta Tirkî yê vera Başûrê Kurdistanî dewam kenê û ame zanayene pêşmergeyanê KDP’yî Zaxo de panc tumî teslîmê dewleta Tirkî kerdî. Verê cû zî Kanîmasî de 6 nuqtayî ameybî teslîmkerdene.