KURDISTAN

Xeberê peyênî

• PKK: Denîzî mucadeleyê ma de ciwîyenê 

  PKK: Vîrardişê serkêşanê şorişgêran ê sey Mahîr Çayan, Denîz Gezmîş û Îbrahîm Kaypakkayayî hemleya xoverdayîşî ya ‘Ma tecrîdê bişiknê û faşîzmî birijnê’ de ciwîyeno.
• Gerîlayê HPG-YJA Star’î: Ma do pêro pîya biresê serfirazîye  

  Gerîlayanê ke xoverdayoxanê grevê vêşanîye yê Başûrî rê mektûbe nûşte vat, “Bi çalakîya şima kînê ma yê hemverê dişmenî hîna bi vêşî. Tena yew amacê ma esto, ma do pêro pîya biresê serfirazîye.”
• Wan de polîsan hêrişê çalakîya vera tecrîdî kerde 

  Wan de polîsan hêrişê grûba ke waştêne derheqê grevê vêşanîye û rojeyê mergî de eşkerayîyêk bido, kerde. Netîceyê hêrişê polîsan de hemserekê TUAYDER’î yê bajarî Onder Acar sereyê xo ra bi birîndar.
• Eskeran hem kişt hem zî nêverda ke ambulanse bêra 

  Sertîp Şeno ke qezaya Geverî ya Colemêrgî de bi guleyê eskeranê Tirkî bi birîndar, eşkera bi ke rîyê eskeran ra nêresto ambulanse, semedê gonîvîndîkerdişî ra cuya xo vîndî kerda.
• Bircê Ben û Senî rîyê îhmalkarîye ra rijîya 

  Qismêkê Sûrê Amedî ke mîyanê şarî de sey Bircê Ben û Senî yeno zanayene, rîyê îhmalkarîye ra rijîya.
• Artêşa Tirkî Barzan bombardûman kerd 

  Teyeranê şerî yê artêşa îşxalker a Tirkî herêma Barzanî ya Başûrê Kurdistanî bombardûman kerde.
• Serrgêra 82’ine ya Terteleyê Dêrsimî: Dêrsimî xovîr ra meke 

  Platformê Demokrasî yê Dêrsimî êyê ke Terteleyê Dêrsimî de cuya xo vînî kerda bi vîr ardî û tertele lanet kerd.
• Polîsan hêrişê çalakîya endamanê KESK’î kerd 

  Endamanê KESK’î seba protestokerdişê hêrişanê serê dayîkanê ke domanê înan grevê vêşanîye de yê, vizêrî çalakîyêk viraşte. Polîsan hêrişê çalakîye kerd û 26 kesî destbend kerdî.
• Keyeyê Kaplanî yo ke rojeyê mergî de yo: Ma bibê vengê înan 

  Xoverdayoxanê rojeyê mergî ra yew zî Abdulhalik Kaplan o. Keyeyê Kaplanî vat, “Ma veng danê partîyanê sîyasîyan, organîzasyonanê cimatkî yê sivîlan û her kesanê ke wayîrê wijdanî yê: Ma bibê vengê nê tepişteyan.”
• KCK: Ma do hesretanê hemrayanê xo Rûbar, Xelîl û Mûratî bîyarê ca 

  KCK’yî Huseyîn Poyraz, Nîhat Ayaz û Ahmet Kiliç ê ke şehîd kewtê bi hurmet yad kerdî. KCK’yî vat, “Ma sozê xo dubere kenê ke ma do hesreta înan û ya heme şehîdan, Kurdistano Azad, Tirkîya û Rojakewtena Mîyanên a Demokratike awan bikerê.”
• Serrgêra Qirkedişê Dêrsimî de qerenfîlî ameyî eştene bi Munzur 

  Dêrsim de bi wesîleya serrgêra Qirkerdişê Dêrsimî vîrardişêk ame viraştene. Şarê Dêrsimî qerenfîlê sûrî eştî awa Munzurî û waşt ke dewlete bi qirkerdişî bêro têrî.
• Gerîlayan da îşxalkaran ro: 5 eskerî ameyî kiştene 

  Gerîlayanê HPG û YJA Starî vera artêşa Tirkî ya îşxalkera ke wareyanê Cûdî û Kela Memê de vejîyaya operasyon çalakîyî viraştî û netîceyê çalakîyan de 5 eskerî ameyî kiştene.
• PJAK’î şehîdê menga Gulane bi vîr ardî 

  PJAK’î şexsê Ferzad Kemanger, Ferhad Wekîlî Elî Hederîyan, Medî Îslamîyan û Şîrîn Elemhûlî yê ke 9’ê Gulan a 2010’î de hetê dewleta Îranî ra ameybî îdamkerdene de heme şehîdê Gulane bi vîr ardî.
• Banê HDP’yî yê Amedî binê ablûqaya polîsan de yo 

  Polîsanê Tirkî rêxistina HDP’yî ya Amedî girewte binê ablûqa. Polîs destûrê dekewtiş û vejîyayîşê partîye nêdano.
• Weşîya Yagizî bîye girane, tedawî red kerde 

  Xoverdayoxanê grevê vêşanîye ra yew zî Nasir Yagiz o ke Temsîlkarîya HDP’yî ya Hewlêrî de 165 rojî yo grev de bi, rîyê giranbîyayîşê halê ê ra ame berdene bi Nêweşxaneyê Jînî. La Yagizî tedawî red kerde.
• Amed de Wezaretê Edaletî rê faxî ameyî şawitene 

  Platformê Kede û Demokrasî yê Amedî, seba ke waştişê çalakwananê grevê vêşanîye bêrê qebûlkerdene Wezaretê Edaletî rê faks şawit.
• Dara Hênî ya Çewlîgî de qijêk dere de xeniqîyaye 

  Dewa Buyukçagî ya qezaya Dara Hênî ya Çewlîgî de rîyê helîyayîşê vewre ra dere serde şi û laserî weriştî. Qija bi nameyê Ceylan Yaktî ya ke dere de şîye, meyîtê ci 16 saetan ra dima ame vînayene.
• Şaredarîya Sûrî 146 kesê ke qeyûmî girewtî, kar ra vetî 

  Şaredarîya Surî weçînayîşê 31’ê Adare ra dima kontratê 146 kesanê ke qeyûmî bi hawayêkê bêusulî girewtê kar, betal kerdî.
• Ekonomîye Tirkîya de waroginayîş dewam keno 

  Goreyê hûmara TUÎK’î ya menga Nîsene, vayeya serfkeran menge de se ra 1,69, serre de se ra 19,50 bîye zêde.
• PKK’yî Huseyîn Poyraz, Nîhat Ayaz û Ahmet Kiliç yad kerdî 

  Komîteya Paştdayîşê Keyeyanê Şehîdan ya PKK’yî Huseyîn Poyraz (Rûbar Dîcle), Nîhat Ayaz (Xelîl) û Ahmet Kiliç (Mûrat Dep) yê ke Wareyê Pawitişî yê Medya şehîd bîyî yad kerdî.
• Şiwano ke eskeran birîndar kerd, wefat kerd 

  Qezaya Geverî ya Colemêrgî de, şiwano bi nameyê Sertîp Şen yo ke wexto ke pesê xo çirnayêne rîyê guleyo ke hetê herêma eskerîye ra amebi eştene bibi bîrîndar, wefat kerd.
• Çelê de reng û boya wisarî 

  Bajarê koyan Colemêrgî de bi ameyîşê wisarî xoza newe ra ganî bîye. Xozaya rengarenge û vilikê wisarî rindîya bêhempaye teqdîm kenê.
• Eskeran Gever de şiwanêk kerd birîndar 

  Qezaya Geverî ya Colemêrgî de, şiwano bi nameyê Sertîp Şen wexto ke pesê xo çirnayêne rîyê guleyo ke hetê herêma eskerîye ra ameyo eştene, giran bi birîndar.
• Eskeranê Tirkî taxa Aşqanî ya Payîzava de şarî rê îşkence kerd 

  Eskeranê Tirkî eşt serê taxa Aşqanî ya Payîzava û şarî rê îşkence kerd.
• HPG: 5 eskerî ameyî kiştene, 2 helîkopteran zî derbê giranî girewtî 

  Merkezê Çapemenî û Îrtîbatî yê HPG’yî da zanayene ke, Îdir de çalakîya gerîlayan a 1'ê Gulane de tewr kêmî 5 eskerî ameyî kiştene, 2 helîkopteran zî derbê giranî girewtî.