ROJAWAN-SÛRÎYE

Xeberê peyênî

• 'Tewrê şorişî bibê û îşxalkeran ra hesab bipersê' 

  Şerwana YPJyî Amara Herdem vat: ''Erdê ma hetê dewleta tirke ya îşxalkere ra yeno wêrankerdene. Coka ganî kêna û lajê ma tewrê şorişî bibê û îşxalkeran ra hesab bipersê.''
• QSDyî nasnameyê yewendes şehîdan eşkera kerdî 

  QSDyî nasnameyê yewendes şerwananê operasyonê Hesekê yo ke badê hêrişê vera Zîndanê Sinaa dîya destpêkerdene de şehîd bîyî eşkera kerdî.
• Derheqê hêrişê Hesekê de çîyê ka ganî bizanîyê  

  Hêrişê hemkarî yê dewleta tirke û DAÎŞî yê vera Hesekê ra dima persê sey ''DAÎŞ agêrayo?, Qelsîya îstîxbaratî estbi?' yenê eqlan. La bi zelalî zanîyeno ke DAÎŞî waşt newe ra herême de serdest bibo.
• ​​​​​​​QSDyî Zîndanê Sinaa de operasyonê cigêrayîşî da destpêkerdene 

  QSDyî pare kerd ke operasyonê cigêrayîşî Zîndanê Sinaa de dewam keno û eşkera kerd ke xeylêk cergî hucreyanê vakurê zîndanî de teng mendî.
• Îdareyê Xoserî ra mesajê fîrazkerdişî 

  Îdareyê Xoserî yê Rojawanî derheqê serkewtişê Hesekê yê QSDyî de eşkerayîyêke daye û vat: ''No serkewtiş seba şarê ma têkoşînê vera DAÎŞî de noqtaya girînge ya diyîn a.''
• Minbic: Ma wayîrê vîrameyîşê Ebû Leylayî vejîyenê 

  Vervatoxê Meclîsê Leşkerî yê Minbicî Şervan Derwêşî pare kerd ke ê wayîrê ruh û vîrameyîşê Ebû Leylayî vejîyayî ke sembolanê şerê Kobanê û Minbicî ra yew o.
• Hesekê: Planêko pîl ê DAÎŞî ame betalkerdene 

  Endama Fermandarîya Pêroyî ya QSDyî Newroze Ehmede derheqê Zîndanê Sinaa de eşkerayîye daye û pare kerd ke înan planêko pîl ê DAÎŞî û terefgîranê ci betal kerd û Zîndanê Sinaa bi temamî girewt binê kontrolî.
• Kobanê bîye raybera ruhêkê neweyî yê xoverdayîşî 

  Hemserekê Meclîsê Qanûndayîşî yê Reqa Xalid Bekîrî pare kerd ke Kobanê ruhêko newe yê xoverdayîşî aferna û projeyê xelisîyayîş, hêvî û ameyoxê şaran rê meymandarîye kerde.
• QSD: Zîndanê Sinaa bi temamî gerîya binê kontrolî 

  Hêzanê QSDyî da zanayene ke Zîndanê Sinaa yê Hesekê yo ke çeteyê DAÎŞî tede yê bi temamî gerîya binê kontrolî.
• Muslim: Sey Kobanê planê înan bin kewt 

  Endamê Komîteya Hemserekîye ya PYDyî Salih Muslimî ard ziwan ke sey hêrişê vera Kobanê hêrişê vera Hesekê zî parçeyêkê planê pîlî yo û sey Kobanê no plan zî ame çinkerdene.
• HATî ra taxa Zihûrî de operasyono hîra  

  Hêzanê Antî-Terorî (HAT) taxa Zihûrî ya Hesekê de operasyonê cigêrayîşî yo hîra da destpêkerdene.
• QSDyî kayo ke Hesekê de ame kaykerdene pûç vet 

  Şerwananê QSDyî bi xoverdayîşê xurtî cewab da hêrişê orgazîkerdeyî yê DAÎŞ û dewleta tirke. Operasyonê Hesekê de çemberê dormeyê DAÎŞî bi teng.
• Şerê Kobanê de DAÎŞ û dewleta tirke pîya bin kewtî 

  Şahîdanê Xoverdayîşê Kobanê ra muxabîra ANHA Dîcle Ehmed vat: ''Di çîyan şerê Kobanê vist ser: îrade û embazîye.''
• Dewleta tirke reyna Kobanê de kesêk qetil kerd 

  Dewleta tirke ya îşxalkere dewa Kor Elîyî ya Kobanê de Mihemed Ehmedo 26 serre qetil kerd.
• Rojnameger Ersîn Çaksuyî ra dîmenê Zîndanê Sinaa 

  Rojnameger Ersîn Çaksuyî dîmenê Zîndanê Sinaa yê Hesekê yo ke hetê hêzanê QSD û Hêzanê Asayîşê Zereyî ra gerîya binê kontrolî antî.
• Eyn Îsa de 10 cergê dewleta tirke kişîyayî 

  Merkezê Îrtîbatî û Çapemenîye yê QSDyî pare kerd ke heman wextê hêrişanê DAÎŞî yê vera Hesekê de netîceya hêrişanê dewleta tirke ya îşxalkere yê vera Eyn Îsayî de 10 cergî kişîyayî.
• 'QSDyî ancî planî pûç kerdî'  

  Berpirsîyarê Çapemenîye yê YPGyî Sîyabend Elîyî pare kerd ke armancê hêrişê DAÎŞî no bi ke projeyê neteweya demokratîke çin bikero û vat: ''QSDyî ancî planî pûç kerdî.''
• Operasyonê QSDyî yê Hesekê ra tay dîmenî 

  Hêzê Sûrîyeya Demokratîke (QSD) Hesekê de vera hucreyanê DAÎŞî operasyonê xo rê dewam kenê. Şerwanî taxanê vengkerdeyan de tek tek dekewenê keyeyan û gêrenê cerganê ke no nimnenê.
• Îdareyo Xoser: Raşta raşte eleqeyê dewleta tirke pê nê hêrişî esto 

  Îdareyê Xoserî yê Rojawanî îfade kerd ke raşta raşte eleqeyê dewleta tirke pê hêrişê DAÎŞî yê vera Hesekê esto û vat: ''No hêriş plankerde yo û armancê ci pîl o.''
• QSD: Ma 9 personelê xo xelisnayî, operasyon dewam keno 

  Merkezê Îrtîbatî yê QSDyî 9 personelê ke DAÎŞî Zîndanê Sinaa yê Hesekê de rehîn girewtbî xelisnayî û berdî herêmanê asayîyan.
• QSDyî 9 kesê ke DAÎŞî rehîn girewtbi xelisnayî  

  Hêzanê Sûrîyeya Demokratîke (QSD) 9 kesê ke DAÎŞî zîndanê Hesekê de rehîn girewtbî xelisnayî.
• Hesekê de 300 çeteyê DAÎŞî teslîm bîyî 

  QSDyî da pêhesnayene ke Zîndanê Sînaa yê Hesekê de 300 Çeteyê DAÎŞî teslîm bîyî.
• 'Planê DAÎŞî' yê dewleta tirke ame pûçkerdene  

  Meclîsê Pêroyî yê Îdareyê Xoserî yê Rojawanî ard ziwan ke dewleta tirke pê rayîrê cerganê DAÎŞî xîret kena ke aramîya herême bixeripna û da zanayene ke 'planê înan o gemarin' Hesekê de ame pûçkerdene.
• Hesekê: Dormeyê Sinaa gêrîya binê kontrolî 

  Hêzanê Rojawanî pare kerd ke înan dormeyê Zîndanê Sinaa girewt binê kontrolî û xeylêk tepişteyê DAÎŞî zî teslîm bîyî.
• QSD: DAÎŞ domanan xo rê keno tirs 

  QSDyî pare kerd ke cergê DAÎŞî 700 domananê ''Eşbal El Xîlafe'' xo rê kenê tirs û bi nê hawayî xîret kenê ke verê operasyonê hêzanê înan de bibê asteng.