AKTUEL

Xeberê peyênî

• HDPyî verpawitişê xo de bale ante bêhuqûqîye ser 

  HDPyî derheqê verpawitişê xo yo ke teqdîmê Mehkemeya Qanûnê Bingeyî kerd de eşkerayîye daye. Eşkerayîye de ame vatene ke na dewayêka meşrû nîya, îqtîdar wazeno pê na dewa emrê xo derg bikero.
• Cezaya 6 serran dîyaye Hemserekê MEBYA-DER Karadadagî 

   Cezaya 6 serran û 3 mengan  dîyaye Hemserekê MEBYA-DER Şehmus Karadadagî.
• Şirnex de 2 kesî ameyî tepiştene 

  Şirnex de di kesê ke çar rojî verê cu ameybî destbendkerdene vizêr ameyî tepiştene.
• Eymurî xîretê suîkastê vera Ocalanî de rolê xo îtîraf kerd  

  Îdarekarê verênî yê MÎTî Mehmet Eymurî îtîraf kerd ke xîretê suîkastê vera Rayberê Şarê Kurdî Abdullah Ocalanî de 1996 de Sûrîye de ey zî mîyanê tîme de ca girewto. Eymuro ke înfazanê Ulaş Bardakçi û Mahîr Çayanî de bibi, îşkence pawit.
• Başarane: Kurdîstan de tecawuz çeka şerê taybetî ya!  

  Vervatoxa Meclîsê Cinîyan ê HDPyî Ayşe Acar Başaran vat: ''Kurdîstan de tecawuz hetê îqtîdarî ra sey çeka şerî şuxilîyeno.'' Başarane vat ke ê do vera ney xoverdayîşî pîl bikerê.
• HDP verpawitişê xo do bido Mehkemeya Qanûnê Bingeyî 

  Komîsyonê Huqûq û Heqanê Merdiman ê HDPyî derheqê dewa qefilnayîşî de ewro do verpawitişê xo bido Mehkemeya Qanûnê Bingeyî.
• 'Keştîya Azadîye' do Yunanîstanî ra biresa Îtalya 

  Pê waştişê 'Rayberê Şarê Kurdî Abdullah Ocalanî rê azadîye' mabênê 8-12ê teşrîna peyêne de do çalakîya 'Keştîya Azadîye' bêra kerdene. Înîsîyatîfê 'Ocalanî rê Azadîye' vat ke bername do Yunanîstanî ra dest pêbikero, Îtalya de biqedo.
• Kampanyaya Mîyanneteweyîye: PKKyî lîsteya 'terorî' ra vejê 

  29 sîyasetmedar, nuştox, fîlozof, aktîvîstanê haştîye, wekîl, huqûqnas û hunermendan Înîsîyatîfê Edaletî yê Semedê Kurdan o Mîyanneteweyî awan kerd û semedo ke PKK lîsteya terorî ya Yewîya Ewropa ra bêro vetene dest pê kampanya kerd.
• Serrgêra Darbeya 4ê Teşrîna Peyêne: Ma pêro HDPyij ê 

  Serrgêra Darbeya 4ê Teşrîna Peyêne de Swîsre û Almanya de semedê HDPyî çalakîyê paştîdayîşî ameyî kerdene.
• Zîndanê Sîlîvrî de cezaya 'govende' dîyaye tepişteyan 

  Zîndanê Sîlîvrî de semedo ke govende girewte cezaya dîsîplînî dîyaye Nur Muhammed Abayî.
• Avûkatanê Rayberê Şarê Kurdî semedê pêvînayîşî muracat kerd 

  Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, semedê pêvînayîşî reyna muracatê Serdozgerîya Komare ya Bursa kerd.
• Emîne Şenyaşar do pê serûmî nobete rê dewam bikera  

  Emîne Şenyaşar nobeta edaletî de bîye nêweş û wedarîyaye nêweşxaneyî. Dîya zanayene ke Emîne Şenyaşar do pê serûmî nobeta edaletî rê dewam bikera.
• 'Sey Çimeyanê Munzurî Jîyargeyê Fatma Ana zî ame texrîpkerdene' 

  Hêzanê Kede û Demokrasî yê Dêrsimî tabelaya ke Wekîlê CHPyî Gursel Erolî verî Jîyargeyê Fatma Ana de daliqnabî dima zî  neçare mend de wedarno  rexne kerde û ard ziwan ke beyanê ey 'hayîya mi pê çinbî' raşt nîyo.
• Pirsûs de 2 kesî ameyî destbendkerdene 

  Qezaya Pirsûsî ya Riha de operasyonê qirkerdişê sîyasî de 2 kesî ameyî destbendkerdene.
• Yakup Elmaso 73 serre tepişîya 

  Yakup Elmaso (73) ke dewa Oleka Jore ya Bedlîsî de sereştişê keyeyan de amebi destbendkerdene, bi îdîaya 'hetkarîya rêxistine' tepişîya.
• Dewleta tirke rixmê peymane zî madeyanê kîmyewîyan şuxilnena 

  Dewleta tirke wextêkî ra ke morê xo dayo binê peymana vera şuxilîyayîşê çekanê kîmyewîyan ra nata madeyanê qedexekerdeyan şuxilnena.
• Dewaya Qirkerdişê Konya de bira veradayîşê 5 vergumanan 

  Îdîanameyo ke derheqê qetilkerdişê 7 endamanê Keyeyê Dedeogullariyî yê Konya de amebi amadekerdene hetê Mehkemeya Cezaya Girane ya Konya ra ame qebulkerdene. Bire dîyaye ke 5 vergumanî vera bidîyê.
• Dezgehanê mîyanneteweyîyan semedê veradîyayîşê Turfentî veng da 

  54 dezgehanê çapemenîye û azadîya fikrî bi eşkerayîyêka hempare veng da ke rojnameger Nedîm Turfento le 2 hezar rojî yo tepişte yo wa bêro veradayene.
• Keyeyê Şenyaşarî: Komel vengê xo vejo no zulm qedîyeno 

  Ferît Şenyaşaro ke dadîya xo reyde nobeta edaletî de yo vat: ''Eke komel vengê xo vejo no zulm do biqedo.''
• Verê OPCWyî de protestoyê çekanê kîmyewîyan  

  Kurdan û dostanê înan vera şuxulnayîşê çekanê kîmyewîyan verê Rêxistina Qedexekerdişê Çekanê Kîmyewîyan (OPCW) de bi çalakîyêke bêvengîya mîyanneteweyî protesto kerde.
• Kurdî verê Dîwanê Edaletî yê Laheyî de ameyî têhet 

  Kurdê ke Ewropa de ciwîyenê û dostê înan vera şuxulnayîşê çekanê kîmyewîyan verê Dîwanê Edaletî yê Laheyî de ameyî têhet.
• Dêrsimijan Fatma Ana ra tabela daye wedarnayene  

  Wekîlê CHPyî Gursel Erolo ke Jîyargeyê Fatma Ana de tabelaya bi nuşteyê nameyê xo daliqnabî nêrazîbîyayîşan ra dima neçare mend ke tabela wedarno.
• Onerene: No şer semedê ameyoxê Qesre yo 

  Sereka Pêroyî ya Partîya Şorişgêre Elîfe Torun Oneren pare kerd ke şero ke pê budçeya xizanan vera kurdan yeno kerdene semedê ameyoxê Qesre yo.
• Can: Tirkîya wazena masa de bimana 

  Vervatoxê Cehdkerdişê 78an Celalettîn Canî îfade kerd ke tezkere goreyê krîterê têkilîya hêzan nîyo û vat: ''Bi tezkere îqtîdar wina hedef keno ke pê kaos û gefî mende bimano, qet nêbo masa de bimano.''
• DFG: Teşrîna verêne de 3 rojnamegerî ameyî destbendkerdene 

  Goreyê raporê menga teşrîna verêne yê DFGyî 3 rojnamegerî ameyî destbendkerdene û 6 rojnamegerî zî maruzê hêrişan mendî.