AKTUEL

Xeberê peyênî

• Waştişê pêvînayîşê lezabezî yê avukanê Ocalanî nêame cewabkerdene 

  Avûkatanê Rayberê Şarê Kurdî Abdullah Ocalanî seba ke muwekîlê xo dir lezabez pêvînayîş bikerê muracat kerdbi, la heta nika hema cewabêk nêdîya înan.
• Sînor de cenazaya camêrdêkî ameye vînayene 

  Taxa Qaşimî ya Ebexê Wanî de sînorê Rojawanê Kurdîstanî de cenazaya camêrdêkî ameye vînayene.
• Înîsîyatîfê Şarî yê Kurdîstanî: Heta pêvînayîşê bi Rayber Apoyî her ca de çalakî! 

  Înîsîyatîfê Şarî yê Kurdîstanî pare kerd ke heta ke Rayber Apoyî reyde pêvînayîş bêro kerdene û o bi xo eşkerayîye bido, sere de cinî û ciwanî ganî pêro kurdî her ca de çalakîyan bikerê.
• Koln: Wayîrvejîyayîşê Şingalî pawitişê şarê kurdî yo 

  Koln de bi tewrbîyayîşê dezgehanê kurdîstanîyan semedê paştîdayîşê Şingalî kombîyayîşêk ame kerdene. Kombîyayîş de ame vatene ke wayîrvejîyayîşê Şingalî pawitişê şarê kurdî yo.
• Hayrettîn Yilmaz bi merasîmêk ame definkerdene 

  Tepişteyo nêweş Hayrettîn Yilmazo ke Zîndanê Afyonkarahîsarî de seba ke nêame tedawîkerdene cuya xo vînî kerde Sêrt de bi merasîmêk ame definkerdene
• KCDK-E: Semedê Rayberê Şarê Kurdî ma lazabez vejîyê kuçeyan 

  KCDK-E ard ziwan ke îdîayê ke derheqê weşîya Rayberê Şarê Kurdî Abdullah Ocalanî de erzîyayî werte qesawetî zafêr kerdî û venga kurdan û dostanê înan da ke wa lezabez vejîyê kuçeyan.
• Muracatê pêvînayîşê lezabezî yê seba Abdullah Ocalanî 

  Avûkatanê Rayberê Şarê Kurdî Abdullah Ocalanî badê îdîayanê medyaya sosyale semedê pêvînayîşê lezabezî muracatê Serdozgerîya Komare ya Bursa û Wezîrîya Edaletî kerd.
• Avûkatê Ocalanî: Ganî cade Îmraliyî ra xeberêke bêro girewtene! 

  Buroyê Huqûqî yê Asrinî derheqê îdîayanê ke medyaya sosyale de derheqê Rayberê Şarê Kurdî Abdullah Ocalanî de weşanîyayî de eşkerayîye daye û waşt ke wa cade Îmraliyî ra xeberêke bêro girewtene û lezabez pêvînayîşêk bêro kerdene.
• Koordînatoro tetîkkêş Îsmaîl Hakki Musa 

  Sersefîrê Parisî yê Tirkîua Îsmaîl Hakki Musayî wextêk de ke derheqê ci de şikî zêdîyaybî wezîfeyê xo war verda. Journal de Dimanche tehqîqatêkê Belçîka ra semed pare kerd ke Musa Ewropa de tetîkkêşan koordîne keno.
• Rêxistina Partîya Çepe ya Saksonyaya Cêrîne seba Şingalî bire daye 

  Rêxistina Partîya Çepe ya Eyaletê Saksonyaya Cêrîne ya Almanya pê birêke pare kerd ke ganî têkoşînê êzidîyanê Şingalî rê paştî bêra dayene ke seba xoîdarekerdişî xo ver danê.
• Seba tewrbîyayîşê çalakîyanê paştdayîşê Şingalî vengdayîş 

  Serbanê Meclîsanê Cinîyan ê Êzidîyan (SMJÊ) venga pêro kurdîstanijan da ke nê hewteyî Hannover, Bielefeld, Berlin û Celle de tewrê çalakîyan bibê û wayîrê Şingalî vejîyê.
• Hannover de pê armancê şinasnayîşê statuyê Şingalî çalakîye 

  Seba ke statuyê xoserîye yê Şingalî bişinasîyo şaristanê Hannoverî yê Almanya de seba di hewteyan çalakîya xeyme dîyaye destpêkerdene.
• Derheqê Wekîlê HDPyî yê Agirî Ozgurî de tehqîqat 

  Hukmkerdişê tirkî derheqê Wekîlê HDPyî yê Agirî Berdan Ozturkî de tehqîqatêk da destpêkerdene.
• HDP nuştox û rojnamegeranê kurdan reyde ronişt 

  HDP vera hêrişanê serê kurdkî nuştox û rojnamegeranê kurdan reyde ronişt. Hetkarê Hemserekê HDPyî Tayyîp Temelî vat estbîyayîşê kurdan bîyo hedef û veng da ke wa têkoşîn bêro geşkerdene.
• Tepişteyo nêweş Hayrettîn Yilmaz şî rehm 

  Tepişteyo nêweş Hayrettîn Yilmaz Zîndanê Afyonî de bi û nêameyêne dermankerdene. Yilmazî dinyaya xo bedilnaye.
• Adirê Newroze Îstanbul de ame tavistene 

  Îstanbul de adirê Newroze yo verên hetê Mayanê Laçiksipîyan ra ame tavistene.
• HDKyî semedê tewrbîyayîşê Newroze veng da 

  HDKyî semedê tewrbîyayîşê Newroze veng da ke do 30ê înan bajarî 61 merkezan de bêro fîrazkerdene. HDKyî vat: ''Peynîya zordaranê faşîtan nêzdî ya. Mijdan û vengdayîşê Newroza 2021î nê yê.''
• ''Ganî semedê kurdkî berê her keyeyî bêro cinayene'' 

  Nuştoxanê kurdanê ke bale ante muhîmîya kampanyaya ke seba ke kurdkî bibo ziwanê fermî û perwerdeyî dîyaya destpêkerdene ser vat: ''Ganî semedê kurdkî berê her keyeyî bêro cinayene.''
• Amed: Ma adirî gir bikerê tecrîdî bişiknê 

  Amed de adiro verên ê Newroze ame tafînayene û dormeyê ci de govende ameye girewtene.
• 'Aramî û asayîşê kurdan û Kurdîstanî Şingalî ra derbaz beno' 

  Dezgeh û rêxistinanê kurdîstanijan ê Ewropa pê eşkerayîyêka hempare pare kerde ke gefê vera Şingalî alozîye keno pîlêr û vat: ''Wayîrvejîyayîşê Şingalî hîs û tewirêko neteweyî yo. Ganî  ma wayîrê Şingalî vejîyê.''
• Yewîya Ewropa: Tirkîya dewleta îşxalker a 

  Parlametoyê Ewropa de bi wesîleya serrgêra destpêkerdişê şerê Sûrîye persnameyêk ame hazikerdene. Vernîyaz de Tirkîya sey hêzê îşxalkerî ameye namekerdene û ame waştene ke wa cade herra ke îşxal kerde ra vejîyo.
• Forouhare: Babîyê mi verî ke kişîya Abdullah Ocalanî reyde qisey kerd 

  Kênaya wezîrê verênî yê Îranî Daryûş Forouharî Parastou Forouhar vat babîyê ci verî ke kişîya Abdullah Ocalanî reyde telefon de qisey kerd. Forouhar û cinîya ci wexto ke Rayberê Şarê Kurdî Roma de bi kişîyayî.
• Çuhadare: Nasname û keda cinîyan nêvînayîşî ra yenê 

  Endama MYKî ya KESKî Elîfe Cuhadar vat: ''Eke yew derdê îqtîdarî sey vindarnayîşê qirkerdişê cinîyan bibîyêne verî qanûnê 6284î û Pêkerdişê Îstanbulî ardêne ca û verê bêhuqûqîye girewtene.''
• Şahîdî qetilkar Yildizo AKPyîj zureker vet 

  Şahîdê ke roniştişê dewaya keyeyê Şenyaşarî de qisey kerd ard ziwan ke Wekîlê AKPyî Îbrahîm Halîl Yildiz zure keno.
• Qirkerdişê Gazî ame şermezarkerdene 

  Îstanbul de bi hezaran kesan bi wesîleya serrgêra ci Qirkerdişê Gazî şermezar kerd. Çalakîye de mesajê hesabpersayîşî ameyî dayene û xoverdayîşê zîndanan zî ame selamkerdene.