CINÎ

Xeberê peyênî

• PAJKî Bêrîtane û şehîdê menga teşrîna verêne yad kerdî 

  Koordînasyonê PAJKî serrgêra ci ya şehadetî de Bêrîtane (Gulnaze Karataş) û pêro şehîdê menga teşrîna verêne yad kerdî.
• Îstanbul de semedê Ayşe Gokkan çalakîya paştdayîşî 

  Îstanbul de cinîyan seba ke cezaya 30 serran dîyaye Ayşe Gokkan çalakîye kerde. Cinîyan vat ê nê qerarî nas nêkene û do çirey verê zextan de milê xo çewt mekerê.
• Dayîkanê Roboskî ra Kadrîye Encu dinyaya xo bedilnaye 

  Dayîka Hamza Encuyî yo ke Qirkerdişê Roboskî de dinyaya xo bedinayebî Kadrîye Encu netîceya krîzê qelbî de dinyaya xo bedilnaye.
• Gerîlaya YJA Starî: Ma do dişmenî Avaşînî ra vejê 

  Endamanê tîmanê gerîlayan ê Avaşînî ra Hebûne Kato îfade kerd ke cinîyî rayberîya xoverdayîşê Avaşînî kenê û vat: ''Ma do Avaşînî ra dişmenî vejê. Cinîyî do peynîya operasyonê îşxalî bîyarê.''
• Cinîyan OPCWyî rê mektube şawite: Tirkîya ra hesab bipersê! 

  Xeylêk cinîyan semedo ke dewleta tirke çeka kîmyewîye xebitnena OPCWyî rê mektubêke şawite û vat: ''Semedê nê sûcê ci Tirkîya ra hesab bipersê.''
• Hemedan de cinîyêka kurde ameye qetilkerdene 

  Cinîya kurde Leyla Şekîbaya ke şaristanê Hemedanî yê Rojhelatê Kurdîstanî ra bîye hetê mêrdeyê xo ra ameye qetilkerdene.
• Cinîyan Koln de bale ante şuxilnayîşê çekanê kîyewîyan ser 

  Delegasyonê Meclîsê Cinîyan ê Vîyane derheqê şuxilnayîşê gazê kîmyewî yê dewleta tirke de Partîya CDU û Partîya Keskan zîyaret kerde, dosyayêke daye înan.
• Amed: Cinîyî do rêxistinkerdişê xo pîlêr bikerê 

  Seba ke polîsan mîtîngê cinîyan ê Amedî de hêrişê cinîyan kerd ewro çalakîya protestoyî ameye kerdene. Cinîyan mesajê xurtkerdişê têkoşînî dayî.
• Meclîsê Cinîyan ê HDPyî komxebata 'cuyêka newîye ya bêastengîye' kerde 

  Meclîsê Cinîyan ê HDPyî çarçewa têkoşînê vera xizanîya cinîyan de Anqara de bi nameyê 'Cinîyî cuyêka newîye ya bêastengîye awan kenê' komxebatêke kerde.
• Salîha Aydenîz: Mûxatabê çareserîye Abdullah Ocalan o 

  Hemserekê DBPyî Salîha Aydenîz nawnayîşê cinîyan de qisey kerd û pare kerd ke ê do tecrîdê vera Rayberê Şarê Kurdî Abdullah Ocalanî bişiknê û tek muxatabê çareserîye yê meseleya kurdan zî Abdullah Ocalan o.
• Amed de mîtîngê cinîyan pê tîlîlîyan dest pêkerd 

  Amed de mîtîngê TJA û Meclîsê Cinîyan ê DBPyî bi tewrbîyayîşê cinîyan dest pêkerd. Tîlîlîyanê cinîyan erd û asmên zilzilnayî.
• Cinîya gêrayoxe Tuba Can: Kurdîstan zaf rind o 

  Tuba Cana ke pê bîsîklete dest pê gêrayîşê dinya kerd bale ante rindîya Kurdîstanî ser û vat: ''Na herre û merdimanê ci mi ser o zaf tesîr kerd. Ez nêwazenê tîya ra şire''
• Dewaya Gulîstane Doku: Derheqê Yucelî de bira tepiştişî dîyaye 

  Dewaya Gulîstane Doku de derheqê babîyê verguman Zainal Abarakovî Engîn Yucelî de bira tepiştişî dîyaye.
• Dêrsim de wendekarê ke teber de mendî raştê tacîzî yenê 

  Dêrsim de Komeleya Paştdayîşê Cinîyan a Roja Newîye bale ante ser ke meseleya cayê mendişî ya wendekaran vurîyaye meseleya asayîşî û pare kerd ke wendekarî raştê tacîzî yenê.
• PDKyî 70 rojan ra dima Endama RJAKî vera daye 

  Endama RJAKî Ciwana Ebdulbaqîya ke tebaxe de hetê asayîşê PDKyî amebî remnayene û 70 rojî yo ci ra xebere nêamayêne girewtene vera dîyaye.
• Dewanê Semsûrî de amadekarîyê zimistanî 

  Dewanê herêma Xisorî de cinîya erzaq û zexîreyê zimistanî nika ra amade kerdî û lihêf û doşekê xo dekerdî.
• Mayanê Haştîye cenazayê xo waştî, PDKyî verê înan girewt 

  Mayanê Haştîye semedê girewtişê cenazayanê gerîlayan ê ke dama PDKyî de şehîd bîyî verê xo da Berê Sînorî yê Pêşxabûrî yê Başûrê Kurdîstanî. PDKyî sînor de verê mayan girewt.
• Delîla Yûsûf qala çalakîyanê suîkastî kerde 

  Gerîlayê cinîyî 6 mengan ra zêdêr o bi çekanê giranan çalakîyanê  xoverdayîşî û sûîkastî yê vera artêşa tirke ya îşxalkere de ca gênê. Nînan ra Delîla Yusuf qala çalakîyanê sûîkastî kerde.
• Unîversîteya Viyane de çalakîya ciwanan 

  Atkvîstanê TekoJIN û JXKyî seba ke bale biancê tecrîdê giranî yê serê Rayberê Şarê Kurdî Abdullah Ocalanî Unîversîteya Viyane de vilawekî vila kerdî.
• RAJIN: Heqîqetê Gurbetellî Ersozan do tim rayîrê ma roşn bikero 

  RAJIN serrgêra 24. ya şehadetê Gurbetellî Ersoz de a yad kerde û vat: ''Heta caardişê cuya azade ya bi rayberîya cinîyan ma do serê rêçê heqîqatî de bi qerardarî şorê.''
• TJK-E semedê çalakîyanê 9ê Teşrîna Verêne veng da 

  TJK-E pare kerd ke 9-10ê teşrîna verêne de welatanê Ewropa de pê şîarê 'Azadîya Rayber Apoyî azadîya ma ya' çalakîyî do bêrê kerdene û venga her kesî da ke tewrê çalakîyan bibo.
• Dayîka ke waşt domananê xo yê tepişteyan bivîna, qeza de şîye rehme 

  Dayîke Rahîme Înal semedo ke lajanê xo yê tepişteyan bivîna kewtbî rayîr ke qezayê trafîkî de şîye rehm.
• Erzîncane: Artêşbîyayîşê cinîyan resa astêka newîye 

  Endama Koordînasyonê KJKyî Erzîncane îfade kerd ke gerîlayê cinîyî her wextî ra zêdêr çalakîyan kenê û vat no çi semedê artêşbîyayîşê cinîyan astêka newîye ya, hetê tarîxê cinîyan ra rewşêka newîye ya.
• YJK-E kombîyayîşê xo yê dewrê mabênî kerd 

  YJK-E kombîyayîşê xo yê dewrê mabênî kerd. Kombîyayîş de plansazîya 3 mengan ameye kerdene û performano serrane ame ercnayene.
• Cinîyî têna têkoşînê cînsî nêkenê 

  Ronayoxanê Platformê Cinîyan ê Şahmerane yê Mêrdînî ra Eyleme Amak îfade kerd ke cinîyî têkoşînê cînsî reyde rayberîya têkoşînê vera faşîzmî û sîstemê serdestîya camêrdan kenê.