KURDISTAN

Xeberê peyênî

• Îdareyê Xoserî semedê paştdayîşê Şingalî veng da 

  Îdareyê Xoserî yê Şingalî komelê êzidîyan ra waşt wa vera hêrişan bibo yew û dormeyê Şingalî de bêro têhet û veng da hukmatê Iraqî ke wa kayanê leyminan ê dewleta tirke û PDKyî ya mexapîyo.
• Karayilan: Zerrîya Kurdîstanî Zap de erzena 

  Fermandarê Qerargehê Merkezê Pawitişê Şarî Murat Karayilan: ''Ewro zerrîya hema kurdanê welatperweran Zap de erzena. Aye ro şarê ma her ca de çalakîyan keno. Xoverdayîşê Zapî xoverdayîşê heme şarê Kurdîstanî yo.''
• Şarê Şingalî verê dezgehanê xo de nobete girewte 

  Dezgeh û sazgehê Şingalî yê ke pê kedêka pîle awan bîyê, bi qerardarî yenê pawitene. Hemwelatîyê Şingalî wayîrê asayîş û dezgehanê xo vejîyenê.
• Dîmenê çalakîya YJA-starî ya Avaşînî weşanîyayî 

  Gerîla TVyî dîmenê çalakîyêka YJA-Starî weşanayî ke herêma Avaşînî de amebî kerdene û tede 3 îşxalkerî ameybî cezakerdene.
• Fermandar Dalaho: Ganî ciwanî dest bierzê çeke û tewrê xoverdayîşî bibê 

  Fermandaranê Hemleya Şorişgêre ya Bazanê Zagrosî ra Sîyabend Dalahoyî pare kerd ke dewleta tirke derbanê giranan wena. Dalahoyî venga şarê kurdî û ciwananê kurdan da ke wa çalakîyanê hîna pîlan bikerê.
• Licê de roja roşanî zîyaretê goristanî ame qedexekerdene 

  Dewleta tirke qezaya Licê ya Amedî de zîyaretê goristanî qedexe kerd. Roşan de destûr nêdîya ke şar şiro goranê merdimanê xo ser.
• Ereb: Ma heqê xo yê meşrûyî şuxilnenê 

  Fermandaranê YBŞyî ra Xebat Erebî pare kerd ke ê pêro hêrişan rê amade yê û vat: ''Ma pawitişê xo kenê. Ma xêrê şehîdan ra ameyî nê rojan û heqê xo yê pawitişî û xoîdarekerdişî est o.''
• HPG: 16 îşxalkerî ameyî cezakerdene 

  Gerîlayê Azadîye yê Kurdîstanî têdima derban danê artêşa tirke ya îşxalkere ro. Çalakîyan de 16 îşxalkerî ameyî cezakerdene. Îşxalkerê ke derbanê pîlan wenî, çeka kîmyewîye şuxulnenê û sûcê şerî kenê.
• Zîndanê Îslahîye de grevê vêşanîye roja 27. de dewam keno 

  Grevê vêşanîye yê tepişteyanê Zîndanê Îslahîye roja 27. de yo.
• Botan de hewt îşxalkerî ameyî kiştene 

  Botan de semedê yadkerdişê gerîlayanê ke hêrişê îşxalî yê vera Zap û Avaşînî de şehîd bîyî, çalakîyî ameyî kerdene. Çalakîyan de hewt leşkerê tirkî yê îşxalkerî ameyî kiştene.
• Heso Îbrahîm: Xoverdayîşê Şingalî ra ber rayîrêko bîn çin o 

  Hetkarê Hemserekanê MXDŞyî Heso Îbrahîmî pare kerd ke ê dişmenîya kesî nêkenê la kam hêrişê Şingalî bikero ê do xo ver bidê. Îbrahîmî ard ziwan ke seba înan wext wextê seferberîye yo û venga êzidîyan û pêro kurdan da.
• Tîmanê qesasî Bamernê de da piro: Şeş îşxalkerî ameyî kiştene 

  Bamernê de Tîmê Qesasî yê Şehîd Sîdarî da baregehê leşkerî yê artêşa tirke ro. Çalakîye de şeş îşxalkerî ameyî kiştene.
• Artêşa Iraqî hêrişê Şingalî kena  

  Artêşa Iraqî bi xeylêk tank, top, wesayîtanê zirxînan û çekanê giranan hêrişê Şingalî kerd. Pêkewtişî dewam kenê.
• Şingal de têgêrayîşê helîkopteran dewam keno  

  Şingalî ser o bi hawayêkê zêdeyî têgêrayîşê helîkopteran dewam keno.
• PKKyî şehîdê menga gulane yad kerdî 

  PKKyî şehîdê menga gulane yad kerdî û vat: ''Gerîlayî û şarê kurdî xo serê xeta şehîdan de perwerde kenê, serkêşîya xoverdayîşanê Zap û Avaşînî de her roje kenê rojêka nusîyayîşê destananê çêrîye û do faşîzmê AKP-MHPyî birijnê.''
• Şingalijî herra xo de hêzê Iraqî nêwazenî 

  Şingal de seba ke rayîrî gerîyayî û dormeyê ci hetê artêşa Iraqî ra gerîyeno binê ablûqa şar qesawet keno û vera nê hêrişan nêrazîbîyayîş mojneno.
• CPTyî dîmenê îşxalê dewleta tirke weşanayî 

  Rêxistina Christian Peacemaker Teams (Tîma Haştîgîre ya Xirîstîyanan-CPT) derheqê binpaykerdiş û îşxalê dewleta tirke yê vera Başûrî de dîmenêk weşana.
• Şingal de pêkewtişan newe ra dest pêkerd 

  Şingal de bado ke hêzanê Iraqî hêrişê nuqtayanê asayîş û YBŞyî kerd, pêkewtişan newe ra dest pêkerd.
• Cizîre de Nobeta Cuye do dest pêbikera 

  Wekîla HDPyî Nurane Îmîr zîyaretê goran ê qezaya Cizîre ya Şirnexî de pare kerd ke ê do vera şerî çalakîya 'Nobeta Cuye' bidê destpêkerdene.
• Artêşa Iraqî amadekarîya hêrişê vera Şingalî kena 

  Dîya zanayene ke artêşa Iraqî xo seba abluqa û hêrişê vera bendanê Asayîşê Êzidxanî yê Digur, Sinun û Xanesorî yê Şingalî amade kena.
• KCKyî Roşanê Remezanî bimbarek kerd 

  Komîteya Şaran û Bawerîyan a KCKyî: ''Vera Îslamî xirabîya tewr pîlêre na ya ke seba înkar, zulm û bêedaletîye şuxilîyayîşê ci rê bêvengmendiş o. Ma roşanê terefgîranê yewîya şaran û terefgîranê wayûbiratîya şaran bimbarek kenê.''
• Karkerê înşaatî nêeşkenê debara xo bikerê  

  Karkeranê înşaatî yê ke bi serran o nê sektorî de xebitîyenê vat: ''Ma pê zorî nanî benê keyeyê xo. Derheqê ameyoxî de qet yew hêvîya ma çin a.''
• 1ê Gulane: Karker û kedkaran meydanî kerdî de 

  1ê Gulane Roşanê Karkeran şaristananê Vakurê Kurdîstanî û Tirkîya de ame fîrazkerdene. Bi hezaran karker û kedkaran meydanî kerdî de û polîtîkayê şerî protesto kerdî.
• HPG: Başûrî ra heta Vakurî derbê giranî dîyayî îşxalkeran ro  

  Merkezê Îrtîbatî û Çapemenîye yê HPGyî pare kerd kehêzanê gerîlayan Başûrî ra heta Vakurî her parçeyê Kurdîstanî vurna warê xoverdayîşî, derbê giranî dayî dişmeno ro û 9 îşxalkerî ceza kerdî.
• Bayik: Wazenê qirkerdişê kurdan temam bikerê 

  Hemserekê Konseya Rayberdişî ya KCKyî Cemîl Bayikî pare kerd ke hêrişê îşxalî yê peyênî parçeyê konseptê qirkerdişî yê vera kurdan ê û vat: ''Nê konseptî de mîsyonêk dîyayo PDK û dewleta tirke. Ê zî ney anê ca.''