KURDISTAN

Xeberê peyênî

• HPG: Fermandar Zerdeşt Garzan de şehîd bi 

  HPGyî da zanayene ke Fermandar Samet Îçyer (Zerdeşt Navdar) 14ê hezîrane de Garzan de şehîd bi û vat: ''O wayîrê tewirê Apogîrî bi, kerdişanê xo de eşkera bi, bawerîye dayêne pêro embazanê xo û ameyoxê ci zelal bi.''
• Dewleta tirke hêrişê Şêxan kerd 

  Dewleta tirke ya îşxalkere dewê Şêxan û Koyê Xêrî yê Nînowa dayî bombayan ver.
• Egît: Têkoşînê PKKyî têkoşînê Rojhelatê Mîyanênî yo 

  Gerîlayê HPGyî yê erebî Ferhat Egîtî derheqê tewrbîyayîşê xo de vat: ''Sebebo verên ê tewrbîyayîşê mi no bi ke welatê mi rê mesuldarîya mi estbîye.''
• Baroyê Çewlîgî: Pê şewatan şaristan yeno vengkerdene 

  Baroyê Çewlîgî derheqê şewatê Dara Hênî de vat: ''Pê şewatan herême yena vengkerdene.''
• Zîlane Vejîn: Eke şarê Îranî hewteyêk xo ver bidê rejîm vurîyeno 

  Hemsereka PJAKî Zîlane Vejîn: Wa her kes hewteyêk karî war verde, vejîye meydanan, rawurze, sere wedarne hîmî rejîm neçare maneno ke bivurîyo.
• Pêşmergeryê verênî: Wextê şerî nê wextê yewîye yo 

  Pêşmergeyanê verênan Lezgîn Yunden û Bedel Bîngolî semedê yewbîyayîşê kurdan veng da û vat:''Bi serran ma pêşmergeyîye kerde la nika PDKyî çekê xo dartî qicanê ma. Wina beno? ''
• Dara Hênî de şewat vila beno, dewî binê tehlukeyî de yê 

  Şewato ke qezaya Dara Hênî ya Çewlîgî de vejîya roja dîyine de dewam keno. Seba ke mudaxaleyo qîmkerde nêno kerdene dûyê şewatî resayo  merkezê bajarî.
• Nasnameyê şehîdanê Amedî ameyî eşkerakerdene 

  HPGyî nasnameyê çar gerîlayan ê cinîyan ê ke şehîd bîyî eşkera kerdî û vat: ''Fermandarê ma yê YJA Starî hemrayê ma Nûjîne, Berfîne, Ronahî û Avente do bibê sebebê serkewtiş û qesasê ma.''
• Çalakîyanê gerîlayan de 5 îşxalkerî ameyî kiştene 

  Çalakîyanê gerîlayanê HPG û YJA Starî yê ke çarçewa hemleyan de ameyî kerdene de 5 leşkerê tirkî yê îşxalkerî ameyî kiştene.
• Avaşîn de heta nefesê xo yê peyênî xover da 

  Şehîdê Avaşînî Devran Ekîno ke vera hêrişê îşxalî yê dewleta tirke heta nefesê xo yê peyênî xover da verê şehadetê xo wina vatbi: ''Ma do sey gerîlayanê HPGyî vera dişmenê heta peynî têkoşîn bikerê û ser bikewê.''
• Gerîla TVyî dîmenê çalakîyanê Kanî Masî weşanayî 

  Gerîla TVyî dîmenê çalakîyanê ke Kanî Masî de vera artêşa tirke ameyî kerdene weşanayî.
• Qoser de hûmara destbendkerdeyan bîye 2 

  Çarçewa cipêrsayîşê ke Riha de dîya destpêkerdene de Qoser de 2 kesî ameyî destbendkerdene.
• Heyva Sor a Kurdîstanî Kampanyaya Qurbanî daye destpêkerdene 

  Heyva Sor a Kurdîstanî Kampanyaya Qurbanî daye destpêkerdene û îfade kerd ke hetkarîyî do bierşawîyê mexdûranê şerî, mexdûranê Korona û mexdûranê bînan ê herêmanê Kurdîstanî.
• Roniştoxê Wanî: Kerdişê PDKyî kurdan rê xêr nîyê 

  Roniştoxanê Wanî pare kerd ke kerdişê PDKyî kurdan rê xêr nêkenê û îfade kerd ke şerê zereyî do bibo peynîya kurdan. Roniştoxan vat: ''Ma Wanî ra venga PDKyî danê ke wa pê kayanê dişmenî mexapîyo.''
• Dewanê Depî de banan erdlerzî ra zirar dî 

  Bîn şewe qezaya Depî ya Xarpêtî de bi girdîya 5,3 de erdlerz qewimîya. Dîya zanayene ke dewanê Depî de xesar esto.
• Çewlîg û Xaprêt de erdlerz qewimîya 

  Çewlîg û Xaprêt de bi girdîya 5,3 de erdlerz qewimîya. AFADî merkezê erdlerzî sey Çewlîg eşkera kerd la goreyê Rasatxaneyê Kandîllî merkezê erdlerzî Xarpêt o.
• Dara Hênî de şewat dewam keno 

  Qezaya Dara Hênî ya Çewlîgî de şewato ke mabênê dewanê Gaz, Xodan û Derebagî de vejîya dewam keno.
• Gerîlayan Avaşîn de da piro: 3 îşxalkerî ameyî kiştene 

  Gerîlayanê HPG û YJA Starî Avaşîn de da îşxalkeran ro. Çalakîyan de  3 îşxalkerî ameyî kiştene.
• Sancar: Heta ke azadîye û têdûştîye çinbê haştîye zî nêbena 

  Hemserekê HDPyî Mîthat Sancarî Dêrsim de venga şarî da û vat: ''Rayîrê ma şima do dîyar bikerê.'' Sancarî ard ziwan ke bê azadîye û têdûştîye haştîye nêbena.
• Xarpêt de qeza: 3 kesî merdî, 12 kesî birîndar bîyî 

  Xarpêt de mînîbusa ke raywanê ci şîyêne veyve û kamyonêke ginayî pê. Qezayê trafîkî de 3 kesî merdî, 12 kesî birîndar bîyî.
• Qoser de polîsan kesêk remna 

  Qezaya Qoserî ya Mêrdînî de şanê pancşemeyî polîsan eşt keyeyêkî ser û kesêk destbend kerd. Nêzanîyeno ke keso destbendkerde ameyo berdene kamca.
• Gerîla TVyî dîmenê çalakîya Avaşînî weşanayî 

  Gerîla TVyî dîmenê çalakîya gerîlayan weşanayî ke warê Kîlîse yê Avaşînî de amebî kerdene û netîceya ci de 3 îşxalkerî ameyî cezakerdene.
• Silemanî: Eke şar û gerîlayî bibê yew kes pê nêeşkeno! 

  Fermandaranê HPGyî ra Botan Silêmanîyî vat: ''Wexto ke şar û gerîlayî bibê yew, wexto ke paştîya xo bidê pê çew nêeşkeno verê înan de vindero.''
• Pelşîne Koçgîrî: Ma prosesê fînalî de yê 

  Fermandara YJA-Starî Pelşîbe Koçgirî pare kerd ke şero ke Herêmanê Pawitişî yê Medya de 2 mengî yo dewam keno prosesê fînalî yê Şerê Dinya yê 3. o ke merkezê ci Kurdîstan o.
• Sancarî Dêrsim de qisey kerd: Ma do HDPyî bidê ciwîyayene 

  Hemserekê Pêroyî yê HDPyî Mîthat Sancarî ke Dêrsim de qisey kerd vat: ''Ma do verê zaliman de qet milê xo çewt nêkerê, çok nêdê. Ma do miheqeq HDPyî bidê ciwîyayene.''