KURDISTAN

Xeberê peyênî

• Riha de pêrodayîşê erazî de domanêk merd 

  Qezaya Curnê Reşî ya Riha de mabênê di keyeyan de rîyê pênêkerdişê erazî ra pêrodayîş vejîya. Pêrodayîşo bisîleh de  her di hetan ra xeylî kesî birîndar bîyî û domanêko bi nameyê Cizre Akbalik cuya xo vîndî kerde.
• Dewleta Tirkî Xakurkê de hêrişê dewijjan kerd 

  Teyareyanê şerî yê artêşa Tirkî saetanê rewe yê serê sibayî de Dola Şeyh Zade de da dewijan ro 4 dewijî birîndar bîyî.
• ‘Vîrakerdişê şehîdî xîyanet o’ 

  Ciwan Zaza yo ke herêma Çêrme de Temmuz a 2017’î de bi halê xo yo birîndarî heta saetanê sibayî pêkewtiş de xover da û şehîd kewt, embazê ci qalê ey kerd û va: ‘’Hetê ruhî ra ma şehîdan ra cîya nêbenê. Cîyabîyayîş û vîrakerdiş xîyanet o’’.
• Eren: Hemparê munafiqê zalimî mebê 

  Endamê Komîteya Şaran û Bawerîyan a KCK’yî Cîhan Erenî vat serokkomerê Tirkî Erdogan munafiqêko zalim o û ganî Muslumanî hemparê ey mebê.
• Xakûrkê de çalakîya sabotajî 

  Gerîlayanê HPG/YJA-Starî Girê Şehîd Derwêşî yê Xakûrkê de vera artêşa Tirkî ya îşxalkare çalakîya sabotajî viraşte. HPG’yî da zanayene, çalakîye de xeylî eskerê Tirkî ameyî kiştene û bî birîndar.
• Dêrsim de operasyon û pêkewtiş 

  Ame zanayene ke qezaya Pulurî ya Dêrsimî de  vizêr mabênê gerîlayanê HPG’yî û leşkeranê Tirkî de pêkewtiş vejîya. Pêkewtiş de 2 leşkerî birîndar bîyî.
• Amed de goristanî ameyî zîyaretkerdene 

  Parlamenter û îdarekarê HDP’yî bi şarî pîya bi wesîleya Roşanê Remezanî xeylî qezayanê Amedî de goristanî ziyaret kerdî.
• Xakurkê, Çelê û Qers de çalakîyê vera îşxalkaran 

  Gerîlayanê HPG û YJA Starî Xakurkê, Çelê û Qers de vera leşkeranê Tirkî çalakîyî viraştî. Netîceyê çalîkayan de tesbîtkerde 5 leşkerî ameyî kiştene.
• Xarpêt de erdlerz virazîya 

  Qezaya Sîvrîce ya Xarpêtî de bi girdîya 3.1 de erdlerz ame meydan.
• Licê de operasyon ame destpêkerdene 

  Ame zanayene ke artêşa Tirkî ya ke Licê ya Amedî de operasyon da destpêkerdene bi teyare û helîkopteran koyanê Licê ser o bombayî varnayî.
• Nê roşan de zî bi seyan cenazeyî goristanê bêkesan de yê 

  Kurdistan de cenazayê bi seyan kesan ê ke qedexeyê tebervejîyayîşî de hetê dewleta Tirkî ra ameyî qetilkerdene goristananê bêkesan de yê. Bi seyan cenaze yê ke dewlete nêdana merdimanê înan nê roşan de zî dûayan ra mehrûm ê.
• Dewleta Tirkî vîndîbîyayenê xo nimnena 

  Artêşa Tirkî ya îşxalkare û medyaya ci çend binimê zî ê gerîlayan ra derbeyanê girdan wenê.
• Dr. Erdal: Gerîla cewabê ci dano 

  Dr. Bahoz Erdal: Mabênê ma û dewleta Tirkî de şerêko gird esto. Operasyonê Xakurkê ne verên ne zî do peyên bo. Bêşik o ke gerîlayê Kurdistanî cewabo ke ê heq kenê dano înan.
• Gerîlayan Serhad û Xakurkê da piro: 37 îşxalkarî ameyî kiştene 

  Gerîlayanê HPG, YJA Star, HBDH’yî Sarhad û Xakurkê de da artêşa Tirkî ro. Netîceyê çalakîyan de xeylî wesayîtê zirxînî ameyî imhakerdene û 37 îşxalkarî ameyî kiştene.
• Îdir de xeylî wesayîtê zirxinî ameyî çinkerdene 

  Gerîlayanê HPG û YJA Starî 1'ê Hezîrane Îdir de çalakîye viraşte û xeylî wesayîtê zirxinî çin kerdî. Çalakîye de xeylî eskerî ameyî kiştene.
• Şarê Xakurkê: Ma dewleta Tirkî erdê xo de nêwazenê 

  Şarê Başûrê Kurdistanî vera hêrişanê artêşa Tirkî yê serê Xakurkê û bêvengîya hukmatê Başûrê Kurdistanî reaksîyon da û va, “Merdimê ma yenê kiştene, wazenê erdê ma îşxal bikerê. Ma bi gerîlayam bawer ê.”
• Hunermendê Dêrsimijî: Dêrsim Dêrsim o! 

  Qerarê Meclîsê Şaredarîya Dêrsimî yê bedilnayîşê tabelaya şardîye rê paştdayîşêk zî hunermendanê Dêrsimîjan ra ame. Hunermendan vat: ‘’Dêrsim Dêrsim o. Heqîqet o. Ma destûr nêdanê ke no nêvînayîşî ra bêro.’’
• Şarê Başûrî vera îşxalkaran bihêrs o 

  Gerîlayî vera cehdkerdişê îşxalkerdişî yê artêşa Tirkî yê Xakurkê bi xurtî xo ver ro danê. Şarê Başûrê Kurdistanî zî vera hêrişanê îşxalkerdişî yê dewleta Tirkî û hemkaran ci bihêrs o.
• Şehîdê Gabarî ameyî yadkerdene 

  HPG’yî nasnameyê 3 gerîlayanê ke 17’ê Gulane de herêma Çiravî ya Gabarî de şehîd bîyî eşkera kerdî.
• Gerîlayan Şehîd Dervîş de tewr tay 10 leşkerî kiştî 

  Gerîlayan Qilê Şehîd Dervîşî yê pabesteyê Xakurkê de vera leşkeranê Tirkî çalakîyêk viraşte. Çalakîye de tewr tay 10 leşkerî ameyî kiştene.
• ‘Wa vîndîbîyayî bêrê dîyayene, kiştoxî bêrê muhakemekerdene’ 

  Amed û Êlîh de merdimê vîndîbîyayîyan no hewte zî ameyî têhet. Çalakîye de ame vatene, “Wa vîndîbîyayî bêrê dîyane, kiştoxî bêrê muhakemekerdene.”
• Xakurkê de xoverdayîşêko tarîxkî  

  HPG’yî da zanayene ke dewleta Tirkî ya ke bi heme hêzê xo semedê îşxalkerdişê Xakurkê hêriş kena hetê gerîlayan ra bi xoverdayîşêkê tarîxkîyî yena pêşwazîkerdene.
• Dimenê çalakîya Avaşînî ame weşanayene 

  Gerîla TV’yî dimenê çalakîya 24’ê Gulane yê Avaşînî weşana. Dîmenan de yeno dîyayene ke artêşa Tirkî eskeran û mewzîyanê xo zî bombardûman kena.
• HPG’yî nasnameyê şehîdanê Oremarî eşkera kerdî 

  HPG’yî 4 gerîlayê ke Oremar de şehîd bîyî nasnameyê înan eşkera kerdî. HPG’yî vat, ’’Embazê ma Çîyager Erîş, Devrîm Firat, Devrîm Roj û Erîş Andok yê ke vera îşxalkaran heta mermîya xo ya peyêne şer kerd, tewrê kerwanê şehîdan bîyî.
• Hêrişê îşxalkarîya Tirkî: PDK’yî hêzê xo şawitî Sîdekan 

  Başûrê Kurdistanî de PDK’yî hêzê xo şawitî neqebê Berbîzîna û serê Sîdekanî. No cehdkerdişê PDK’yî dimayê hêrişanê îşxalkerdişî yê dewleta Tirkî yê vera herême ame kerdene.