KURDISTAN

Xeberê peyênî

• HPG: îşxalkerêk ame cezakerdene 

  HPGyî da zanayene ke gerîlayan cewab da hêrişanê artêşa tirke yê ke bêmabên dewam kenê, îşxalkerêk ame cezakerdene.
• Şingal: Ma ganê xo zî danê la ma herra xo nêdanê 

  Cinîyan ê Şingalî vat, ‘‘Oyo ke herra xo biterkno, dînê xo, şefer û namûsê xo zî terkneno.’’ Endamê Asayîşê Êzîdxanî zî vat, ‘‘Wa dinya alem bizano ke ma do heyfê şahîdanê xo bigîrê’’
• Artêşa îşxalker a ke Metîna de zor dîyayo ci hetê PDKyî ra yena pawitene 

  Hêzanê PDKyî Girê Hakarî yê Metîna de semedê pawitişê artêşa tirk a ke raştê çalakîyanê giranan ê Gerîlayanê Azadîye yê Kurdîstanî yena, hîrê nuqtayanê cîya cîyayan de baregehî nayî ro.
• Dêrsim de di kesî ameyî destbendkerdene 

  Dêrsimî de vizêr sereştişê keyeyan de di kesî ameyî destbendkerdene.
• Şingal: Hêrişê serkêşanê êzidîyan kenê 

  Qeymeqamê Şingalî Fehed Hemîdî dîyar kerd ke seba ke dişmenê komelê êzîdîyan nêwazenê êzîdîyî xo îdare bikerê, serkêşanê înan kenê hedef û vat, ‘‘Senî ke fermandarêkê ma vejîyeno vernî û komelê êzîdîyan bi hêzê xo bawer beno, o yeno hedefgirewtene.’’
• Asayîşê Êzidxanî: Şêrzad Şemo şehîd bi 

  Asayîşê Êzidxanî da zanayene ke hêrişê dewleta tirke yê vera Şingalî de Şêrzad Şemo Kasim şehîd bîyo.
• Îşxalkeran pê çekanê kîmyewîyan û bombayanê qedexeyan hêriş kerd 

  HPGyî da pêhesnayene ke îşxalkerî pê çekanê kîmyewîyan û bombayanê qedexeyan hêriş kenê.
• Şingal de wesayîtêk ame pirodayene 

  Şingal de vera wesayîtêkî hêrişê hewayî ame kerdene. Goreyê zanayîşanê verênan birîndarî est ê.
• HPGyî bîlançoya şerî ya aşma sibate eşkera kerde 

  Vera gerîlayanê ke seba erdlerzî qerarê vindarnayîşê çekan girewtbî, aşma sibate de hewa û erdî ra bêmabên hêrîşî ameyê kerdene. 142 rey bi topanê fosforî, bombayanê qedexeyan û çekanê kîmyasalan bombarduman ame kerdene.
• Fermandarê YBŞyî Pîr Çeko ame definkerdene 

  Fermandarê YBŞyî Pîr Çekoyo ke netîceya hêrişê droneyanê çekdaran ê dewleta tirke de şehîd bibi, bi merasîmêkê xurtî ame definkerdene.
• ‘Gere Dewleta Iraqî newe ra Şingalî awan bikera’ 

  Skendere ard ziwan ke gere dewleta Iraqî newe ra Şingalî awan bikera û vat, ‘‘Eke nêeşkena Şingalî newe ra awan bikera, wa koçberan bierşewa warê înan, yan zî wa qederê kêna û lajanê êzîdîyanê ke destê DAÎŞî de yê, bivîna û înan bîyara keyeyê înan.’’
• AKPyî Agirî de dest na hetkarîya erdlerzî ser 

  Hukmat û ÎHHyî hetkarîyê kurdanê Agirî asteng kerdî. Qeymeqamtîya Panosî dest na hetkarîyanê Şaredarîya Panosî ser.
• HPGyî Şehîd Ferhat Xizginos yad kerd 

  HPGyî gerîla Ferhat Xizginos – Mehmet Yanar yad kerd ke serra 2021î de bi qezayêkî şehîd bibi û vat, ‘‘Bi beşdarbîyayîşê xo yê kedkarî û fedakarîye, seba heme embazan nimûneyêk bi.’’
• HPG: Pê xebaranê medyaya şerê taybetî yê tirkî mexapîyê 

  HPGyî veng da ke wa şar pê xeberanê zûran ê medyaya şerê taybetî yê tirkî û MÎTî mexapîyo û vat: ''Ramazan Guneşo ke qala ci yena kerdene hîrê serrî verî rema, Başûrê Kurdîstanî de ca da xo û di aşmî verî teslîmê dewleta tirke bi.''
• Cenazaya fermandarê YBŞyî Agir Cefrîyî ameye wedaritene 

  Cenazaya fermandarê YBŞyî Agir Cafrîyî bi beşdarbîyayîşê bi seyan kesan Goristanê Şexşimsî de, kişta birayê ci Şehîd Hecî Xelefî de ameye definkerdene.
• YBŞ: Fermandar Pîr Çeko û Agir Cefrî şehîd bîyî 

  YBŞyî da pêhesnayene ke hêrişê dewleta tirke yo ke ewro pê droneyanê çekdaran ame kerdene de fermandarê YBŞyî Pîr Çeko û Agir Cefrî şehîd bîyî.
• Mewzîyê xoverdayîşî pê topanê fosforî dîyayî bombayan ver 

  HPGyî da zanayene ke dewleta tirke ya îşxalkere mewzîyê xoverdayîşî pê topanê fosforî dayî bombayan ver û gerîlayan di waran de semedê xo pawitişî cewab da hêrişan.
• HPG: Hemrayanê ma, xo dima mîrasê xoverdayîşî verda 

  HPGyî nasnamayê gerîlayan ke Herêmanê Pawitişî yê Medya de serra 2017î de şehîd bîyê, eşkera kerdî û vat, ‘‘Nê hemrayanê ma, xo dima mîrasê xoverdayîşî verda’’
• Şingal de hêrişê hewayî: 3 kesî birîndar bîyî 

  Şingal de vera wesayîtêkê hêrişê hewayî ame kerdene, hîrê kesî bi giranî birîndar bîyî.
• Licê: Ma nêwazenê herra xo ca verdê 

  Erdlerzê Mereşî de xesarêko giran resabi 18 bananê mezraya Şurtêmevn a dewa Çemê Êlika ya Licê. Dewijanê ke koçkerdiş înan rê yeno ferzkerdene, dîyar kerd ke nêwazenê herra xo ca verdê û wazenê seba înan çareserîyêke bêra peydakerdene.
• HPG: Mewzîyê xoverdayîşî pê topanê fosforî dîyayî bombayan ver 

  HPGyî da zanayene ke dewleta tirke ya îşxalkere mewzîyê xoverdayîşî pê topanê fosforî dayî bombayan ver.
• Gerîlaya YJA Starî Cûdî: Ma do qetîye fek koyanê xo nêverdê 

  Gerîlaya YJA Starî Cûdî Çekdar dîyar kerd ke dewleta tirke hêrîşanê xo yê bi çekanê kîmyewîyan dewam kena û vat, ‘‘Wa dost û dişmen bizanê ke wayîrê nê koyan gerîla yê. Ma do qetîye fek koyanê xo ra nêverdê.’’
• Şingal de Komxebeta Netewa Demokratîke 

  Îdareyê Xoserî yê Şingalî Komxebata Netewa Demokratîke ra dima eşkerayîye daye û mêmananê xo rê sipas kerd.
• Îşxalkeran bi desan rey hêrişê waranê gerîlaya kerd 

  Artêşa tirke ya îşxalkere hêrişê hêzanê gerîlayan kena ke rîyê erdlerzî ra çalakîyê xo yê leşkerî vindarnayî. Îşxalkeran bi desan rey pê têyarayanê şerî, helîkopteranê hêrişî, tanq, obus, çekanê giranan û bi çekanê qedexeyan û fosforî hêriş kerd.
• Şehîd Ferman: Gere merdim nêverdo îşxalkerî Kurdîstan de biciwîyê 

  Ferman Kerîm ke Şehîd Xursî de şehîd bi, wina venga kiştoxanê kurdan da: ‘‘Heqê îşxalkeran çin o ke Kurdîstan de hilmê xo bigîrê.’’