AKTUEL

Xeberê peyênî

• Amed de bi desan ciwanî bîlasebeb ameyî destbendkerdene 

  Amed de 40 ciwanî rîyê hîrê gerreyanê cîya cîyayan ra bîlasebeb ameyî destbendkerdene.
• Îbrahîm Yildirim Dêrsim de ame definkerdene 

  Tepişteyo nêweş Îbrahîm Yildirimo ke tehlîyeyê ci rê 10 rojî mendbî Zîndanê Xarpêtî de ame qetilkerdene, Dêrsim de ame definkerdene.
• Nobeta Edaletî yê Şenyaşaran: Rehme nê edalet!  

  Platformê Kede û Demokrasî yê Riha tewrê nobeta edaletî ya keyeyê Şenyaşaran bi û mesajê ''Keye rehme nê edaletî wazeno'' da.
• Wan de hêrişê vera HDPyî ameyî şermezarkerdene 

  Wan de operasyonê sîyasîyî yê vera îdarekar û endamanê HDPyî ameyî şermezakerdene.
• Hem heqaratê cinîyan kerd hem zî dewa akerde 

  Dêrsim de îmam Adem Yilmazo ke cinîyan rê heqaret kerbdi gerreyê 89 kesanê ke vera ey nêrazîbîyayîşê xo mojnabi, kerd. Îmamî seba ke gerreyê xo apey bigêro 4 hezar lîra waşt û 22 kesanê no qebul nêkerdo, înan rê dewa akerde.
• Bedlîs de madeyêka leşkerîye teqaye: Ciwanêk bi giranî birîndar bi 

  Bedlîs de ciwano 18 serre Yusuf Ulug wexto ke pêsê xo çêranayêne madeyêka leşkerîye teqaye. Netîceya serebûtî de ciwan Ulug bi giranî birîndar bi.
• Tepişteyo nêweş û dadîya ci xoverdayîş de yê!  

  Dadîya tepişteyê nêweşî Songule Îlker 3 rojî yo verê zîndanî de çalakîye kena. Îlkere venga rayaumûmîye da ke seba tepişteyanê nêweşan bi hîsgerî têbigêra.
• Kiştoxê domanan sey şêwirmendê huqûqî ame tayînkerdene 

  Qeymaqemê Gercewsî Server Sînanogluyo ke Bismil de bi wesayîtêkê fermîyî domanêk eciqna û bi sebebê mergê ci, sey şêwirmendê huqûqî yê Walîtîya Çorumî ame tayînkerdene.
• Wuppertal de loqmayê germîya îmaman ameyî vilakerdene 

  Wuppertal de loqmayê germîya îmaman ameyî vilakerdene. Aktîvîte de vera zalîman mesajê xoverdayîşî ame dayene.
• Roşanê Ganîbîyayîşî yê 15ê Tebaxe ame pîrozkerdene 

  Xeylêk welatanê Ewropa de pê aktîvîteyanê cîya cîyayan Roşanê Ganîbîyayîşî yê 15ê Tebaxe ame pîrozkerdene.
• Mêrdîn de seba tepişteyanê nêweşan Nobeta Edaletî  

  Merdimanê tepişteyan û Komîsyonê Teqîbkerdişê Zîndanê Mêrdînî, seba azadîya tepişteyanê nêweşan Nobeta Edaletî kerde.
• Fransa û Almanya de 15ê Tebaxe ame fîrazkerdene  

  Paris, Hildesheim û Duisburg de bi şayîyan Roşanê Gandarbîyayîşî ame fîrazkerdene. Şayîyan de mesajê geşkerdişê têkoşînî ameyî dayene.
• Sancar: Vera şerî yewîtîyêka hêzdare hewce kena 

  Mîthat Sancarî têhetameyîşê Antakya de bale ante poltîkaya şerî ya îqtîdarî ser û vat: ''Bi alternatîfêkê raştî ma eşkenê nê îqtîdarî bişawê. No alternatîf zî bi yewîtîya hîraye û îtîfaqî beno.''
• Koln û Vîyana de 15ê Tebaxe ame selamkerdene 

  Koln û Vîyana de kurdî vera hêrişanê dewleta tirke yê vera Rojawanî vejîyayî kuçeyan û Hemleya 15ê Tebaxe selam kerde. Çalakwanan vat: ''Kurdî Rojawan de vera DAÎŞî şer kenê, dewleta tirke zî kurdan ser bombayan varnena.''
• Amed û Adana de 15 kesî ameyî destbendkerdene 

  Amed û Adana de operasyonê qirkerdişê sîyasîyî de 15 kesî ameyî destbendkerdene.
• 'Mehkeme bi xo îtaraf kerd ke rewşa Tugluke giran a' 

  Mehkemeya Qanûnê Bingeyênî waştişê tehlîyekerdişê Aysele Tugluka ke nêweşa demansî ya red kerd. Avakatanê Tugluke vera qerarî hersê xo ard ziwan û vat: ''Mehkeme bi xo îtaraf kerd ke rewşa Tugluke giran a la rixmê naye înfazê ci peyde nêeşt.''
• Keyeyan semedê şîyayîşî Îmraliyî muracat kerd 

  Keyeyê Rayberê Şarê Kurdî Abdullah Ocalanî û keyeyanê tepişteyanê bînan ê Îmraliyî semedê pêvînayîşî muracat kerd.
• Alaattîn Tugluk: Hînî bes o, waya mi Aysele vera bidê! 

  Kekê Aysele Tugluk Alaattîn Tuglukî waşt ke waya ci cade bêra veradayene û bêra tedawîkerdene.
• Yusuf Şahîno 75 serre tepişîya 

  Hemserekê HDPyî ya Kanîyahenî Sezgîn Yavuz û Yusuf Şahîno 75 serre bi îdîaya 'hetkarîya rêxistine' tepişîyayî.
• Nobeta Azadîye: Tecrîd ganî miheqeq bêro şiknayene 

  Nobeta Azadîye no hewte hetê grûba Kielî ra ameye dewrgirewtene. Çalakwanan vat ganî semedê şiknayîşê tecrîdê serê Rayberê Şarê Kurdî Abdullah Ocalanî têkoşîn bêro pîlkerdene.
• Taşdemîre: Zîndanan de huqûq bi temamî wedarîyayo 

  Wekîla HDPyî ya Agirî Dîlane Dîrayet Taşdemîr ard ziwan ke her zîndanêk ameyo kerdene bi warêkê xoserî û vat: ''Huqûq zîndanan de bi temamî wedarîyayo û îşkence bi hawayêkê sîstematîkî yeno kerdene.''
• FEDA: Ganî ma layîqê tewirê Huseynîyî bibê 

  FEDA dîyar kerd ke vera îqtîdarê AKP-MHPyî ganî tewirêko Huseynîyî bêro mojnayene û vat: ''Ma venga pêro kesan danê ke wa mîyanê têkoşînê demokrasî de ca bigêrê.''
• Îmamo tecawuzker rema, tecawuzê vera domanan nimîya 

  Îmamê dewleta tirke Îhsan Perteklîyo ke qezaya Norşînî ya Bedlîsî de Kursa Quranî de tecawuzê 13 domanan kerdbi, dewa Uzumculerî terikna û rema Îstanbulî.
• Hemseraka HDPyî ya Şirnexî Akdage ameye destbendkerdene 

  Hemseraka HDPyî ya Şirnexî Sabuha Akdag gama ke semedê îfadeyî şîye mudirîya asayîşî ameye destbendkerdene.
• Kadifekale de pankartê Aysele Tugluk ame daliqnayene 

  Aktîvîstanê TJA û Meclîsê Cinîyan ê HDPyî yê Îzmîrî semedê baleantişê serê rewşa tepişteyanê nêweşan Kadifekale de pankart daliqna.