AKTUEL

Xeberê peyênî

• Aydin Tutkal kiştê cinîya xo de ame definkerdene 

  Aydin Tutkalo ke Dara Hênî de semedê xelisnayîşê yew kênaya qişkeke awe de fatisya û cenazaya ci badê şeş rojan ameye dîyene kiştê cinîyan ci de ame definkerdene.
• Sancar û Wezîra Karanê Teberî yê Almanya ameyî têhet 

  Hemserekê Pêroyî yê HDPyî Mîthat Sancar û Wezîra Karanê Teberî yê Almanya Annalena Baerbock ameyî têhet.
• YPSyî vera hêrişanê nîjadperestan semedê xopawitişî veng da 

  YPSyî bale ante ser ke hêrişê nîjadperestî yê vera kurdan tim zêdîyenî û semedê pîlkerdişê xopawitişî veng da.
• Mehkemeya Qanûnê Bigeyênî cezaya vera ziwanê dayîke heqdar dîye 

  Mehkemeya Qanûnê Bigeyênî cezaya ke semedê dersa ziwanê dayîke dîyaye mamosteyanê Egîtim Senî heqdar dîye û vat: '' Ziwanê perwerdeyî tirkî yo û qet yewna ziwan nêeşkeno dezgehanê perwerde û musnayîşî de sey ziwanê dayîke bêro musnayene.''
• Krefeld de semedê PKKyî îmzayî ameyî arêdayene 

  Krefeld de seba ke PKK lîsteya terorî ra bêro vetene her hewte standê îmzayan yeno akerdene. Aktîvîteya nê hewteyî de Şorişê Rojawanî ame selamkerdene.
• Qirkerdişê Meramî: Kiştoxî hetê dewlete ra yenê pawitene 

  Qirkerdişê Meramî yo ke Keyeyê Dedeogullariyî ra 7 kesî ameyî qetilkerdene, serrêke xo dima verdaye. Dewlete kiştoxan pawena û kena ke têna sey hêrişê kesêkî ramojno.
• FEDA: Vera qirkerdişê kulturî ma xoverdayîş bikerê  

  FEDA bi wesîleya menga Muharemî eşkerayîyêke daye û îfade kerd ke elewîyî raştê qirkerdişê kulturî yenê. FEDA vat: ''Vera qirkerdişê kulturî ganî ma mîyanê xoverdayîşî de bibê.''
• Kovare nêdîyaye rojnamegerê tepişteyî 

  Kovara DFGyî bi bahaneya ''lîsteya weşaneyanê ke fayde danê komelî de çin a'' nêdîyaye rojnamegerê tepişteyî Îbrahîm Karakaşî.
• Îstanbul de 7 HDPyijî ameyî destbendkerdene 

  Îstanbul de seereştişê vera adresanê endaman û îdarekeranê Meclîsê Ciwanan ê HDPyî de 7 kesî ameyî destbendkerdene.
• Vera Rêxistina HDPyî ya Amedî xîretê provakasyonî 

  Vera Rêxistina HDPyî ya Amedî bi paştdayîşê polîsanê tirkan xîretê provakasyonî ame kerdene.
• HDP: Qirkerdişê Zaxoyî sûcê vera merdimîye yo 

  Rêxistina HDPyî ya Îzmîrî bi dowîzanê 'Qirkerdişê Zaxoyî sûcê vera merdimîye yo' rêzila merdiman awan kerd û vera Qirkerdişê Zaxoyî nêrazîbîyayîşê xo mojna.
• Cenazaya Aydin Tutkalî ameye dîyene 

  Aydin Tutkalo ke dima ke qicêke fatisyayîşî ra xelisnaye awa Çemê Muratî de bibi vîn ewro serê sibayî ame dîyene.
• Qirkerdişê 33 Guleyan: Hende qirkerdişî tewirê dewlete zî hêrsê ma zêdîneno  

  79 serrî Qirkerdişê 33 Guleyan xo pey de verdayî la dewlete hema zî Muglaliyî sey qehremanêkî vînena. Avûkate Jîyane Ozkaplan vat: ''Têrîameyîş nêbi û şerm zî nêkenê.''
• 4 endamê Meclîsê Ciwanan ê HDPyî ameyî destbendkerdene 

  Îstanbul de sereştişê keyeyan de 4 endamê Meclîsê Ciwanan ê HDPyî ameyî destbendkerdene.
• Başarane: Ma mîtînganê Amed û Îstanbulî de bêrê têhet 

  Vervatoxa Meclîsê Cinîyan ê HDPyî Ayşe Acar Başaran pare kerd ke cinîyî do hesabê Qirkerdişê Zaxoyî bipersê û seba mîtîngê Amedî yê 6ê tebaxe û mîtîngê Îstanbulî yê 7ê tebaxe veng da.
• Vera karkerê serrewextî hêrişo nîjadperest 

  Karkerê serrewextî Esat Atabayo ke Sakarya de findiqî arê dayêne, seba ke pereyê xo waşto raştê hêrişê nîjadperestî ame. Qereqol de muxtarî waşt ke mabênê hêrişker û Atabayî bikero.
• Merdimê tepişteyan: Seba ke kurd ê zîndanan de yê 

  Merdimanê tepişteyan Nobeta Edaletî de vat: ''Ewro dardekerdiş çin o la verê çimanê her kesî de tepişteyî yew bi yew yenê dardekerdene. Domanê ma seba ke kurd ê zîndan de yê.''
• Avûkatanê Rayberê Şarê Kurdî seba pêvînayîşî muracat kerd 

  Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, reyna muracatê Serdozgerîya Komare ya Bursa û Mudirîya Zîndanê Îmraliyî kerd.
• Dêrsim: Ganî zafêr paştî bidîyo xoverdayoxanê zîndanan 

  Endamê Komîteya Zîndanan a PKKyî Pîro Dêrsimî vat: ''Eke ma serê esasê raştî de vera barbarîya zîndanan de bêrê yewca û mesuldarîyanê xo bîyarê ca, no bi xo eşkeno serewedaritişan aver bero.''
• Antalya de 6 ciwanî ameyî destbendkerdene  

  Antalya de serê sibayî polîsan eşt xeylêk keyeyan ser û 6 ciwanî destbend kerdî.
• Zêvkan de destbendkerdiş û ablûqa ra dima nika zî operasyon  

  Dewleta tirke dewa Zêvkanî ya qezaya Geverî ya Colemêrgî de dima ke 6 kesî destbend kerdî û dewe girewte binê ablûqa operasyono leşkerî da destpêkerdene.
• Paris de do rayraşîyayîşo derg ê di rojan bêro kerdene 

  TCŞ û TÊKO-JIN pare kerd ke ê do bi şîarê 'Vera îşxal û îxanetî bêrê cengê azadîye' Paris de rayraşîyayîşê dergî yê 2 rojan bikerê.
• Endamê Meclîsê Şaredarîya Mersînî yê HDPyî ameyî destbendkerdene 

  Kombîyayîşê îstîsnayî yê Şaredarîya Akdenîzê Mersînî ra verî endamê Meclîsê Şaredarîye yê HDPyî ameyî destbendkerdene.
• Nobeta Azadîye: Vera kurdan sîyaseto leymin yeno rayraberdene 

  Grûba ke Nobeta Azadîye dewr girewte bale ante polîtîkaya leymine ya dewleta tirke ya vera kurdan ser û vat têkoşîn do bi hewayêkê qerardarî dewam bikero.
• Çewlîg: Aydin Tutkalo ke qicêke xelisnaye awe de vînî bi 

  Çewlîg de Aydin Tutkalo ke yew qica kêna fatisyayîşî ra xelisnaye awa Çemê Muratî de vînî bi. Tutkal çar rojî yo hema zî nêame vînayene. Çewlîgijî seba ke bajar de awbazî çîn ê, hêrsbîyaye yê.