AKTUEL

Xeberê peyênî

• Qerarê wedaritişê destnêpanayîşê Guzele ame girewtene 

  Komîsyonê Têmîyankerdeyî de qerar ame girewtene ke wa destnêpanîyşê Semra Guzel bêro wedaritene.
• CÎK: AKP-MHP zulmê alîmanê kurdan keno 

  CÎKî waşt ke alîmê DÎAY-DERî wa vera bidîyê û vat: ''Kesê ke nê zulmî qebul jenê şirîkê nê sûcî yê.''
• Cezaya wekîlê HDPyî Bulbulî ameye tesdîqkerdene 

  Cezaya şeş serran û hîrê mengan a ke dîyayebî Wekîlê HDPyî Kemal Bulbulî, ameye tesdîqkerdene.
• 'Swêd ganî tewirêkê wuşkî bimojno dewleta tirke' 

  Wekîlê Swêdî Hakan Svenneligî bale ante hêrişanê dewleta tirke ser û îfade kerd ke ganî hukmatê Swêdî tewirêkê xurtî bimojno dewleta tirke.
• Gunaye: Ma wazenê îtîfaqêkê tarîxî awan bikerê 

  Vervatoxa HDPyî Ebru Gunay vat: ''Ma wazenê îtîfaqêkê tarîxî ronê ke muxalîfê wayîrwijdanî do teberê nê îtîfaqî de nêmanê.''
• Avûkatanê Rayberê Şarê Kurdî ra muracato newe 

  Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, reyna muracatê Serdozgerîya Komare ya Bursa û Mudirîya Zîndanê Îmraliyî kerd.
• Zeydanoglu: Eke Ocalan tewrê ci bibo demokratîkbîyayîş yeno ca 

  Endamê Meclîsê Partîye yê HDPyî Ozgur Zeydanogluyî îfae kerd ke 'rejîmê yew merdimî' pê tecrîdê Îmraliyî dest pêkerd û vat: ''Eke Ocalan tewrê sîyasetî bibo demokratîkbîyayîş yeno ca.''
• Vera bînaya HDPyî ya Yuregîrî hêriş ame kerdene 

  Kes yan zî tay kesanê nenasan hêrişê bînaya HDPyî ya qezaya Yuregî ya Adana kerd. Hêriş verî bi çeke dima zî bi madeyanê teqaberan ame kerdene.
• 'Kurdî do wayîrê Rayberê xo vejîyê' 

  Kurdanê herêma Saratovî yê Rûsya vat: ''Ma do wayîrê Rayberê xo vejîyê'' û Komployo Mîyanneteweyî şermezar kerd.
• HDPyî ra raporê Şingalî: DAÎŞ tewr zaf Tirkîya ra paştî gêno  

  HDPyî raporê xo yê Şingalî de vat: ''Têkoşînê Tirkîya yê bi DAÎŞî zûrêka pîl a. DAÎŞ tewr zaf Tirkîya ra paştî gêno. Tirkîya wazena pê destê DAÎŞî destkewteyanê kurdan çin bikera.''
• Agirî de 6 kesê bînî ameyî destbendkerdene  

  Agirî de sereştişê keyeyan de 6 kesê bînî ameyî destbendkerdene.
• Dêrsim: Destê xo fîrazîyanê ma ra biancê 

  Hêzanê Demokrasî û Kede yê Dêrsimî vera gefanê Qeymeqamê Qisle Ugur Tutkanî yê serê Cemxaneyê Duzgun Babayî nêrazîbîyayîşê xo mojna û vat: ''Hişmendîya ke pê hêzê dewlete huqûq çin kerd, tim bi xo çin bîye.''
• ATKyî raporê serê Aysele Tugluk eşkera kerd 

  ATKyî raporê xo yo newe yê serê Aysele Tugluk eşkera kerd û reyna vat ke ''Eşkena zîndan de bimana.''
• Ewropa de çalakîyê protestokerdişê komployî 

  Seranserê welatanê Ewropa de kurdî û dostê înanê ke vejîyayî kuçeyan Komployê 15ê Sibate protesto kerd û azadîya Ocalanî waşte.
• Îstanbul: Bijî Serok Apo! 

  Rixmê heme astengîyan Komployê 15ê Sibate Îstanbul de ame protestokerdene. Kuçeyê Îstanbulî bi slogana ''Bijî Serok Apo''yî zimayî.
• Amed: Wa berê Îmraliyî bêrê akerdene 

  Vervatoxa HDPyî Ebru Gunaya ka  çalakîya Amedî de qisey kerd vat: ''Wa berê Îmraliyî bêrê akerdene. Haştîye bêro qiseykerdene. Wedaritişê tecrîdî demokrasî û azadîye ano.''
• Bîlmez: Tecrîd asta tewr xirabe de yo 

  Avûkatanê Rayberê Şarê Kurdî Abdullah Ocalanî ra Îbrahîm Bîlmezî pare kerd ke adara 2021î ra nata ê Ocalanî ra qet yew xebere nêgênê û vat ke tecrîd asta tewr xirabe de yo.
• Wan de komplo ame protestokerdene 

  Wan de Komployo Mîyanneteweyî ame protestokerdene û veng ame dayene ke têkoşînê vera tecrîdî bêro pîlkerdene. Çalakîye de wina ame vatene: ''Key Birêz Ocalan qisey bikero îmkanê çareserîya demokratîke zêdîyenê.''
• Avûkatanê Rayberê Şarê Kurdî reyna muracat kerd 

  Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, semedê pêvînayîşî reyna muracatê Serdozgerîya Komare ya Bursa kerd.
• Tepişteyê PKK û PAJKî: Serra 24. ya esaretî do biba serra azadîya Rayberîye 

  Tepişteyanê PKK û PAJKî pare kerd ke wextê hemleyan ameyo û vat: ''Ma bi nê ruhî xo ver da, ma do xoverdayîşê xo geşêr bikerê, şarê xo reyde tecrîdî bişiknê, azadîya Rayberîye bîyarê ca.''
• Îstanbul de tewr tay 10 kesî ameyî destbendkerdene 

  Îstanbul û qezayanê ci de, rojnameger, sendîkawan û endamê rêxistinanê komelê sivîlî zî tede tewr tay 10 kesî ameyî destbendkerdene.
• Erbaş: Ganî her kes raştîya Ocalanî bivîno 

  Endamê Meclîsê Partîye yê HDPyî Dogan Erbaşî ard ziwan ke dergkerdişê tecrîdî tesîrê pêro şaranê Tirkîya keno û vat: ''Ganî hem muxalafeto sîyasî hem zî muxalefeto komelkî azadîya Ocalanî bivisnê rojdem.''
• Wan de çar kesî ameyî tepiştene 

  Qezayanê Payîzava û Şaxî yê Wanî de hewt kesê ke bi îdîaya ''endamîya rêxistine' ameyî destbendkerdene ra çar kesî ameyî tepiştene.
• Kênaya vînîbîyaye ya Dêrsimî Fatma Îçîn şîye heqîya xo 

  Kênayanê vînîbîyayeyan ê Dêrsimî ra  Fatma Îçîna ke wextê Terteleyê Dêrsimî de hema ke 10 serrî bî ameye remnayene, şîye heqîya xo.
• Îstanbul de komplo ame protestokerdene 

  Rêxistinanê  HDPyî yê qezayanê Îstanbulî semedê protestokerdişê komployê mîyanneteweyî yê vera Rayberê Şarê Kurdî Abdullah Ocalanî bananê partîya xo de pankarta ''Tecrîd wa bêro wedaritene, berî bêrê akerdene, haştîye bêro qiseykerdene.'' daliqnaye.