AKTUEL

Xeberê peyênî

• Nobeta Şenyaşaran ewro verê Zîndanê Xarpêtî de ya  

  Keyeyê Şenyaşarî ewro verê Zîndanê Xarpêtî de ke Fadil Şenyaşar tede tepişîyeno, nobeta edaletî bikero.
• Amed de her di testanê Korona ra yew pozîtîf o 

  Sereka Odaya Tabîban a Amedî Elîfe Turan da zanayene ke hûmara waqayanê Korona şaristan de zêdîyena û her di testan ra yewê ci pozîtîf vejîyeno.
• Polîsan yadkerdişê Alî Çîçekî asteng kerd 

  Alî Çîçeko ke şehîdanê Rojeyê Mergî yê Pîlî ra yew bi, polîsan nêverda ke seba ey aktîvîteya yadkerdişî bêra kerdene.
• Dest nîya mektubanê rojnamegeranê tepişteyan ser 

  Bi bahaneya 'beno ke dokumentê rêxistine yê' dest nîya mektubanê rojnamegeranê tepişteyan Serdar Altan, Mehmet Alî Ertaş û Zeynel Abîdîn Bulutî ser.
• Festîvala Evvel Temmuze de 24 kesî ameyî destbendkerdene 

  Festîvala Evvel Temmuze de seba ke stand de posterê Îbrahîm Kaypakkayayî est ê 24 kesî ameyî destbendkerdene.
• Semedê PKKyî îmzayî yenê arêdayene 

  Paris û Kiel de kurdîstanijan û dostanê înan semedê PKKyî îmzayî arê dayê ke wa lîsteya terorî ra bêro vetene.
• Dewanê Xîzanî de qedexeyê tewervejîyayîşî 

  Walîtîya Bedlîsî rîyê operasyonê leşkerîyî ra 3 dewe û mezrayanê qezaya Xîzanî de qedexeyê tebervejîyayîşî yê di rojan îlan kerd.
• PDK rojnamegere Frederike Geerdink tebersînor keno 

  Hêzê PDKyî wazenê rojnamegera hollandayije Frederike Geerdinka ke waşt Hewlêrî ra ravêro Rojawanî tebersînor bikerê.
• Keyeyê tepişteyan: Ma zulmê dewlete qebul nêkenê 

  Keyeyanê tepişteyan Nobeta Edaletî ya Amedî de vat: ''Ma zulmê dewlete qebul nêkenê.''
• Îşkenceyê zîndanan: Ya poşmanîye yan zî hucre 

  Hemsereka TUHAY-DERî Edîbe Babur ard ziwan ke tepişteyan rê poşmanîye yena ferzkerdene, êyê ke poşmanîye qebul nêkenê vera nêdîyenê û hucreyê yewkesî de tepişîyenê.
• Reyna dest nîya mektubanê Ertaşî ser 

  Mektubo ke Mudirê Karanê Nuşteyî yê Rojnameyê Xwebûnî Mehmet Alî Ertaşî rojnameyê Yenî Yaşamî rê şawito, reyna 'bitehluke' ame dîyene.
• Serrgêra Şorişê Rojawanî de kombîyayîşê Putin-Erdogan-Reîsîyî  

  Qesra Kremlinî eşkera kerd ke 19ê temmuze serrgêra Şorişê Rojawanî de Vlademir Putin, Erdogan û Îbrahîm Reîsî Sûrîye ser o bêrê pêser.
• KCD: Têkoşînê azadîye ganî seba şiknayîşê tecrîdî bibo 

  Meclîsê Weşîye yê KCDyî pare kerd ke tecrîd hêrişêkê vera weşîya merdiman o, qirkerdişo komelkî yo û vat: ''Têkoşîno ke vera şer û qirkerdişî, seba heq û azadîye yeno kerdene, ganî seba şiknayîşê tecrîdî zî bêro kerdene.''
• Nobeta Edaletî ya Amedî roja 239. de ya  

  Merdimê tepişteyan 239 rojî yo verê Zîndanê Tîpê Dyî yê Amedî de nobeta edaletî de yê.
• 'Ruhê 14ê Temmuze koyanê Kurdîstanî de yeno ciwîyayene' 

  Sîyasetmedar û nuştoxê kurdî Fuat Kavî vat: ''Ruho fedayî yo ke nika Zap, Avaşîn û koyanê Kurdîstanî de yo, ruhê Hayrî, Kemal û Mazlûman o. No ruh 40 serrî yo dewam keno û têkoşînê ma xurtêr keno.''
• Mehmet Ocalan: Na dewlete ra pawitişê mi çîn o 

  Birayê Abdullah Ocalanî Mehmet Ocalanî bale ante ser ke roşan de zî berê Îmraliyî anêbîyî û vat: ''Na dewlete û nê huqûqî ra pawitişê mi çîn o.''
• Îdarekarê HDPyî yê Pirsûsî ame tepiştene 

  Îdarekarê HDPyî yê Pirsûsî Kadri Devir seba ke derheqê ci de cezaya hepsî ya qetîbîyaye est a, ame tepiştene.
• Bern: Wa Yaser Ornek serbest bêro veradayene 

  Kurd û enternasyonalîstê ke bajarê Bernî yê Swîsre de verê konsolosxaneyê Almanya de ameyî têhet tepiştişê ciwanê kurdî Yaser Ornekî protesto kerd û waşt wa cade serbest bêro veradayene.
• Kibris de yew roje de semedê PKKyî 3500 îmzayî  

  Kibris de seba ke PKK lîsteya terorî ra bêro vetene yew roje de 3500 îmzayî ameyî arêdayene.
• Keyeyê Şenyaşarî rê zîyaretê roşanî  

  Xeylêk rêxistinanê komelê sivîlî û huqûqî bi wesîleya Roşanê Qurbanî Nobeta Edaletî ya Keyeyê Şenyaşarî zîyaret kerd û paştî daye keyeyî.
• Dara Hênî de polîsan pê gazî hêrişê veyveyî kerd 

  Qezaya Dara Hênî ya Çewlîgî de nêzdîye heyata veyvejî de pêrodayîş vejîya, polîsan gazê îsotî şuxulna. Xeylêk kesê ke tewrê heneyî bîyî, birîndar bîyî.
• Şîrketanê Pîya û Arî de badê 32 rojan cigêrayîş qedîya 

  Şîrketanê Pîya û Arî de cigêrayîşo ke 32 rojî yo yeno kerdene qedîya. Polîsan dest na xeylêk malzemeyê teknîkî ser.
• Solothurn de xoverdayoxê 14ê Temmuze ameyî yadkerdene 

  Solothurn de xoverdayoxê 14ê Temmuze ameyî yadkerdene. Qiseykerdişan de soz ama dayene ke do xeta şehîdanê de têkoşîn bêro xurtkerdene.
• Îtîrazê rojnamgeranê tepişteyan ame redkerdene 

  Dagerîya Amedî rewşa 16 rojmangeranê ke 16ê hezîrane de ameye tepiştene ercna û qerarê dewamê rehînetîye da.
• 'Wezîrê Karanê Zereyî do sey rontgenwanî bikewo tarîxî' 

  Wekîla HDPyî Tulaye Hatîmogullari seba ke Komeleya Kultur û Hunerî ya Binevşe de kameraya nimite ronîyaya nêrazîbîyayîşê xo mojna û vat: ''Na dosya do tarîx de sey rontgenwanîyêka Wezîrê Karanê Zereyî bêra nuştene.''