AKTUEL

Xeberê peyênî

• Televîzyon û dolaba cemedî nêdîyenê rojnamegeran  

  Omer Çelîk zî tede 12 rojnamegerê kurdî Zîndanê Tipê Dyî yê Amedî ra sewqê Zîndanê Tipê Fyî bîyî. Waya Omer Çelîkî Ebru Gorken vat mengêke vîyarta la hema zî televîzyon û dolaba cemedî nêdîyayê tepişteyan.
• Fermandarîya Tugayî ya Şirnexî de teqayîş 

  Fermandarîya Tugayî ya Cendirmeyanê Komandoyî yê Çakirsogutî yê Şirnexî de hîrê teqayîşî qewimîyayî. Badê teqayîşî şewat vejîya di leşkerê tirkî birîndar bîyî.
• Rijîyayîşo ekonomîk dewam keno: Enflasyon se ra 176 o  

  ENAGî eşkera kerd ke enflasyonê menga temmuze se ra 176,04 o. TUÎKî zî reyna hûmarê neraştî mojnayî.
• HDP: Ganî Tirkîya hînî Şingalî tehdît nêkera 

  HDPyî şehîdê Fermanê Şingalî yad kerdî û dîyar kerd ke hêrişê qirkerdişî dewam kenê. HDPyî vat: ''Ma paştî danê têkoşînê estbîyayîşî yê êzidîyan. Ganî Tirkîya hînî Şingalî tehdît nêkera.''
• Malayî tecawuz kerd, lajê ci yê dozgerî nimna 

  Norşîn de mala Îhsan Perteklîyî tecawuzê domanêkê 13 serrî kerd la dosyaya ci hetê sîyasî û mehkeme ra ameye qefilnayene. Malayê tecawuzkerî waştişê teqawutbîyayîşî kerdî û Norşîn ra rema.
• Polîsan 11 karkerê xoverdayoxî destbend kerdî  

  Îstanbul de polîsan hêrişê karkeranê înşaatî kerd û 11 karkerî destbend kerdî.
• Qisleya Dêrsimî de gorê qedîmî ameyî texrîbkerdene  

  Qezaya Qisle ya Dêrsimî de rîyê xebata viraştişê rayîran ra gorê 200 serrî ameyî texrîbkerdene.
• Tîma Qesasî ya YPSyî Îstanbul de çalakîya sabotajî kerde  

  Tîma Qesasî ya Îskender Qendîlî ya YPSyî Îstanbul de vera trafoyêkî çalakîya sabotajî kerde.
• HDP: Tewrê mîtîngan bibê û vera şerî vengê xo berz bikerê 

  HDPyijan semedê tewrbîyayîşê mîtîngê Amedî yo ke do 6ê tebaxe de Meydanê Îstanyonî de bêro kerdene veng da.
• Makbule Ozer nêweşxane ra hêna şawîyaye zîndan 

  Makbule Ozera extîyare û nêweşe ya ke bîlasebeb ameybî tepiştene hêna wedarîyaye nêweşxane û peyser şawîyaye zîndan. Ozera ke nêeşkena miqatê xo bo zîndan de rewşa ci xirabêre bena.
• DFG: Hêrişê 13 rojnamegeran ame kerdene, 77 rojnamegerî tepişte yê 

  Komeleya Rojnamegeran a Dîcle-Firatî (DFG) dîyar kerd ke menga temmuze de hêrişê 13 rojnamegeranê bînan ame kerdene, 16 keyepelî ameyî qedexekerdene. Goreyê raporî 77 rojnamegerî hema tepişte yê.
• Merdimê tepişteyan: Domanê ma ne sûcdar ê ne zî poşman ê 

  Merdimanê tepişteyan Zîndanê Amedî de nobeta edaletî de vat: ''Domanê ma ne sûcdar ê ne zî poşman ê.''
• Yildirim: Wextê birayê mi zaf nêmendo 

  Erkan Yildirimî birayê xo Gokhan Yildirimo ke bi waştişê muhakemekerdişê edîlî rojeyê mergî de yo, zîyaret kerd û da zanayene ke birayê ci hînî nêeşkeno rayîr a şoro û wextê ci zaf nêmendo.
• Wextê AKPyî de 978 tepişteyan dinyaya xo bedilnaye 

  Hemserekê ÎHDyî yê Anqara Fatîn Kanatî ard ziwan ke wextê îqtîdarê AKPyî de 978 kesî zîndan de merdî û vat: ''Na bîlançoyêka zaf tehlukeyîn a. Bîlançoya şermî ya. Na bîlanço pratîkê dewlete eşkera kena.''
• 5 ciwanê HDPyî ameyî tepiştene 

  5 endamê Meclîsê Ciwanan ê HDPyî seba ke tewrê çalakîyan û eşkerayîyanê çapemenîye bîyî ameyî tepiştene û 7 kesê bînî vera dîyayî.
• Egîtîm-Sen: Ziwanê dayîke nasnameyê şaran o 

  Şubeyê Egîtîm-Senî yê Amedî vera qerarê Mehkemeya Qanûnê Bigeyênî yê derheqê ziwanê dayîke de nêrazîbîyayîş mojna û vat: ''Nê welatî de têna tirkî nê, kurdkî û xeylêk ziwanî bînî yenê qiseykerdene. Ganî nê ziwanan de perwerde bêro dayene.''
• 'Dest nîyeno heqê cuye yê Tugluke ser' 

  Cinîyan roniştişê Dewaya Kobanê ra dima eşkerayîyêke daye û vat: ''Dest nîyeno heqê cuye yê Aysele Tugluk û tepişteyanê nêweşan ser.'' Cinîyan seba hîsgerîye veng da.
• Berlin de hêrişê vera dezgehanê elewîyan ameyî protestokerdene 

  Verê Sersefîrîya Tirkîya ya Berlinî de hêrişê vera dezgehanê elewîyan û cemxaneyan ameyî protestokerdene.
• Qibris de vera qedexeyê PKKyî îmzayî ameyî arêdayene 

  Qibris de semedê wedaritişê qedexeyê serê PKKyî hetê Meclîsê Şarê Kurdî ra vizêr nizdê hîrê hezar îmzayî ameyî arêdayene.
• Wextê ci yo: Abdullah Ocalanî rê azadîye 

  Bi desan sîyasetmedar, nuştox , hunermend û roşnvîranê kurdistanij û iranijan bi mektûbê hemparî azadîya Rayberê Şarê Kurdî Abdullah Ocalanî waşt.
• Hêrişê vera dezgehanê elewîyan ameyî şermezarkerdene 

  Amed, Dêrsim û xeylêk bajaranê bînan de hêrişê vera dezgehanê elewîyan ameyî şermezarkerdene. Merale Daniş Beştaş vat: ''Îqtîdaro ke cemxaneyan sey îbadetxaneyî qebul nêkeno, berpirsîyarê nê hêrişan o.''
• HDPyî seba tewrbîyayîşê mîtîngê Amedî veng da 

  Hemserekanê HDPyî yê Amedî venga her kesî da ke 6ê tebaxe de bi şîarê 'Çareserî ma yê' tewrê mîtîngê Amedî bibo.
• Rewşa weşîye ya tepişteyê nêweşî Alkanî beno giranêr 

  Zîndanê Wanî de rewşa weşîye ya Îbrahîm Alkanî (67) bena xirabêr. Veyveya Alkanî Pinare Alkan vat: ''Her roje ke ma bêveng manenê, zîndan de merdimî mirenê.''
• Ciwanê kurdî Marsilya de vejîyayî waran  

  Serkêşîya Têgêrayîşê Ciwanan ê Şorişgêran de ciwanan seba azadîya Rayberê Şarê Kurdî Abdullah Ocalanî Marsilya de çalakîya rayraşîyayîşî kerde.
• Anqara de vera 4 dezgehanê elewîyan hêrişê hemwextî 

  Anqara de bi hawayêkê hemwextî çar dezgehê elewîyan roja yewine ya menga Muharemî de raştê hêrişî ameyî. Elewîyan vat: '' Îqtîdaro ke tim elewîyan keno hedef, mesuldarê nê hêrişan o.''