KURDISTAN

Xeberê peyênî

• Mamlê: Eke nêrazîbîyayîş nêro mojnayene hêrişê îşxalî do bizêdîyê 

  Çimdarê sîyasîyî Ezîz Mamlêyî pare kerd ke eke vera hêrişanê dewleta tirke nêrazîbîyayîş nêro mojnayene hêrişî do bizêdîyê û vat: ''Başûr, Vakur, Rojawan yan zî Rojhelat ferq nêkeno. Kamyew parçe qels bibo zerar do bireso pêro parçeyan.''
• Cîloyê Qijî de 'teqaberê' artêşa tirke  

  Artêşa tirke 19ê gulane de pê helîkopteranê Skorskyî warê Cîloyê Qijî ser o teqaberê gazê jehrinî varnabi. Nê teqaberî herêmanê gerîlayan de sûcanê şerî yê dewleta tirke eşkera kenê.
• Colemêrg de 15 rojan qedexe ame îlankerdene 

  Walîtîya Colemêrgî pêro şaristanî de qasê 15 rojan pêro aktîvîte û çalakîyî qedexe kerdî.
• KCK: Ma do waştişê Kurdîstanê azadî yê Şêx Seîd û embazanê ci bîyarê ca 

  Hemserekîya Konseya Rayberdişî ya KCKyî: Şêx Seîd û 47 risîpîyanê kurdan serê sehpaya dardekerdişî de tewirêko rûmetên mojna. Înan serê sehpaya qirayî ke de doman û tornê înan do alaya têkoşînî bigêrê û ser bivisnê.
• TAJÊ hêrişê dewleta tirke yê vera Şingalî protesto kerd 

  TAJÊ hêrişê dewleta tirke yê vera Şingalî protesto kerd û vera PDK û hukmatê Iraqî nêrazîbîyayîşê xo da ke Erdoganî rê hemkarîye kenê.
• Hunermendanê kurdan Hewlêrî ra semedê yewîya kurdan veng da 

  Hunermandanê kurdanê ke Hewlêr de vera hêrişê îşxalî yê dewleta tirke û şerê mabênê kurdan eşkerayîye daye vat: ''Şerê mabênê kurdan xançero gonîn o ke dişmen wazeno  bido ma ro.''
• Dewleta tirke pê SÎHAyan hêrişê Şingalî kerd - Newe Bîye 

  Dewleta tirke ya îşxalkere pê wesayîtanê hewayî yê bêmerdiman (SÎHA) hêrişê Şingalî kerd.
• Erdlerzê Gêxî û Depe: Zîyaretê selahîyetdaranê dewlete reklam o 

  Gêxî û Depe de mexdûrê erdlerzî şewe teber de manenê. Mexdûranê erdlerzî ard ziwan ke zîyaretê selahîyetdaranê dewlete reklam o.
• YJA Star Heftanîn de  da piro: 3 îşxalkerî ameyî kiştene 

  Gerîlayanê YJA Starî 27ê hezîrane de Heftanînî de da îşxalkeran ro. Çalakîye de 3 îşxalkerî ameyî kiştene û mewzîyêke ameye îmhakerdene. Çalakîye semedê yadkerdişê Şehîde Zîlane ameye kerdene.
• Cenazaya gerîla Erenî 22 mengan ra dima dîyaye 

  Gerîlayê HPGyî Hîkmet Ereno ke qezaya Dêrikî ya Mêrdînî de 2019 de şehîd bi cenazaya ci 22 mengan ra dima dîyaye keyeyê ci.
• 'Azadîye pê felsefeya Rayber Apoyî bena' 

  Gerîlayê YRKyî Rûbar Efrînî îfade kerd ke seba cuyêka rûmetêne hewceyê kurdan pê şerê şarî yê şorişgêrî esto û vat: ''Tek rayîrê demokrasî û azadîye fikr û felsefeya Rayber Apoyî ya.''
• Dîmenê çalakîya hewayî ya vera Qereqolê Girê ameyî weşanayene 

  Gerîla TVyî dîmenê çalakîya Hêzanê Pawitişê Hewayî yê Şehîde Delale ya vera Qereqolê Girê ya ke bi wesayatînê hewayî yê bombabarkerdeyan ameye kerdene weşanayî.
• Wekîlê YNKyî Zêbarî: Ganî Tirkîya cade Başûrî ra vejîya 

  Wekîlê YNKyî Zikrî Zêbarîyî pare kerd ke ganî verê hêrişanê îşxalî yê dewleta tirke yê serê Başûrî bêro girewtene û vat: ''Kurdîstan pê gonîya hezaran şehîdan ame xelisnayene. Ganî Tirkîya tira vejîya.''
• Tarîxnas û şaîrê rojawanijî Mistefa Reşîdî semedê yewîye veng da 

  Tarîxnas û şaîrê rojawanijî Mistefa Reşîdî ard ziwan ke dewleta tirka ke Efrîn îşxal kerdo, heman planê xo Başûrî rê zî vixt dewre û vat tehluke esto ke sey Efrînî Başûr zî destî ra şoro.
• Şewatê Mehsertî nêno kontrolkerdene 

  Herêma Mehsertî  ya Mêrdînî de şewato ke vejîya sînorê di dewan de dewam keno.  Şewat bi tesîrê vayî nêno hewnakerdene.
• Hemşaredar Sari: Geverî apey gamêke nêeşte 

  Hemşaredarê Geverî Îrfan Sariyî ard ziwan ke polîtîkaya qeyûmî reyde ameyoxê şarê Geveerî dizîyeno labelê şar qet tawîz nêdano.
• Ulaş Dêrsimî ra pey 

  Ulaş Dêrsim û 6 embazê ci 1997 de eyaletê Dêrsimî de tewrê gerîlayan bîyî. Înan bara xo vila kerde, têkişt şîyî. Ulaş Dêrsim mîyanê înan de oyo tewr înat û isrardar bi. Seba ke vernî ra şoro tim şer kerd.
• Dewleta tirke Besta de dest pê birnayîşê daran kerd 

  Dewleta tirke ya îşxalkere narey zî herêma Besta de dest pê birnayîşê daran kerd. Herême de kalekolê neweyî virazîyenê.
• YJA Starî semedê yadkerdişê Şehîde Zîlane çalakîyî kerdî 

  Gerîlayanê YJA Starî semedê yadkerdişê  Şehîde Zîlane (Zeynepe Kinaci) çalakîyî kerdî. Çalakîyan de 3 îşxalkerî ameyî kiştene.
• HPG: Ma embaza xo Çirave Avesta bi rêzdarî yad kenê 

  HPGyî gerîla Betule Yildiz (Çirave Avesta) yad kerde ke 2016 de Amed de şehîd bîye. HPGyî vat: ''Sere de keyeyê ercîyayeyî yê embaza ma ya şehîde rê, ma pêro şarê welatperwerî yê Êrsê û Kurdîstanî rê serweşîye wazenê.''
• Hunermendan Wezîrê Pêşmergeyan reyde pêvînayîş kerd 

  Komêka hunermendanê kurdan ê Ewropa seba ke verê hêrişanê dewleta tirke û şerê zereyî yê kurdan bigêrê Wezîrê Pêşmergeyan reyde pêvînayîş kerd.
• Vengdayîşo peyên ê gerîlayê HPGyî Kobanêyî seba ciwananê Başûrî bi 

  Gerîlayê HPGyî Demhat Kobanêyo ke 15ê hezîrana 2021î de Metîna de şehîd bibi, şehadetê xo ra verî ciwananê Başûrê Kurdîstanî ra waştbi ke wa bizanê ke hêriş têna vera PKKyî nîyo.
• CÎK: Şêx Seîd û embazê ci do nêrê vîrakerdene 

  Komelê Îslamî yê Kurdîstanî Şêx Seîd û embazê ci yad kerdî û tornanê înanê ke seba yewîye û serkewtişê kurdan têkoşîn kenê rê serkewtiş waşt.
• Cenazaya şehîdê xoîdarekerdişî Onerî ameye definkerdene 

  Abdullah Onero ke wextê xoverdayîşê xoîdarekerdişî de Şirnex de şehîd bi  badê 5 serran cenazaya ci dîyaye keyeyê ci.
• Şewatê Dara Hênî de warêko pîl ê daristanî vêşa bi wele 

  Qezaya Dara Hênî ya Çewlîgî de  şewatê çar rojan de warêko pîl ê daristanî vêşa bi wele û xeylêk ganîyî merdî.