AKTUEL

Xeberê peyênî

• Kurna multecîyan cum bîye 34 kesî merdî 

  Kurna ke Lubnanî ra multecîyî kiriştêne Ewropa cum bîye, 34 multecîyan dinyaya xo bedilnaye û bi desan kesî vînbîyaye yê.
• Îran û Rojhelat de bîlanço bena girane: 31 kesî ameyî qetilkerdene 

  Goreyê televîzyonê dewlete yê Îranî protestoyanê qetilkerdişê Jîna Emînî de tewr tay 17 kesî û goreyê dezgehanê komelê sîvîlî tewr tay 31 sîvîlî hetê hêzanê dewlete ra ameyî qetilkerdene.
• Koma Oldenbourg Nobeta Azadîye dewr girewte 

  Nobeta Azadîye ya ke semedê Rayberê Şarê Kurdî Abdullah Ocalanî Strasbourg de yena rayaberdene,no hewte hetê koma Oldenbourgî ra ameye dewrgirewtene.
• Keyeyê Şenyaşarî seba edaletî veng da 

  Keyeyê Şenyaşarî yo ke verê Edlîyeya Riha de nobeta edaletî rê dewam keno, seba caardişê edaletî veng da.
• HDP: Muxalefeto raştikên xoverdayoxê kuçeyan yê  

  Vervatoxa HDPyî Ebru Gunay ard ziwan ke muxalefeto raştikên vera faşîzmî kuçeyan de xo ver danê û vat: ''Serewedaritişê cinîyan o ke Tehranî ra heta Rojhelatî berz beno, serewedaritişê ma yo.''
• Avûkatanê Rayberê Şarê Kurdî seba pêvînayîşî muracat kerd 

  Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, reyna muracatê Serdozgerîya Komare ya Bursa û Mudirîya Zîndanê Îmraliyî kerd.
• Gever de dewijêk bi îşkenceyî tepişîya  

  Qezaya Geverî ya Colemêrgî de sereştişê dewan de kesêk verî maruzê îşkenceyî mend û dima zî tepişîya.
• Dîcle Anter: Pîyê mi reya dîyine ame kiştene 

  Dîcle Anterî badê betalkerdişê dewaya Musa Anterî hêrsê xo ard ziwan û vat: ‘’Edalet û huqûqî derbe girewte. Pîyê mi reya dîyine ame kiştene.’’
• Dewaya Musa Anterî wextvîyartişî ra ameye betalkerdene 

  Mehkemeya tirkan bire daye ke dewaya qetilkerdişê Musa Anterî wextvîyartişî ra bêra betalkerdene.
• Schmidt: Ganî CPT şoro Îmraliyî û venga YE bido 

  Sekreterê Pêroyî yê ELDHyî Thomas Schmidtî pare kerd ke seba başkerdişê şertanê tepişîyayîşî yê Rayberê Şarê Kurdî ganî Temsîlkaro Berz ê Polîtîkayanê Teberî yê Yewîya Ewropa (YE) Josep Borrell veng bido.
• Îtîfaqê Kede û Azadîye 'Xerîtaya Rayîrî' girseyan reyde do îlan bikero 

  Îtîfaqê Kede û Azadîye 24ê êlule de, bi beşdarîya 10 hezar kesan 'Xerîtaya Rayîrî' do eşkera bikero.
• ‘Mehkemeya Qanûnê Bingeyî dewaya HDPyî de bêteref nîya’ 

  Avûkat Serhat Erenî pare kerd ke Mehkemeya Qanûnê Bingeyî îtîrazê înan ê serê dokumantanê ke dima sey 'delîlî' îlaweyê dewa bîyê, red kerdo. Erenî ard ziwan ke dadgerê dewaya qefilnayîşê HDPyî bêteref nîyo.
• Seba ke deyîra kurdkî vate ame destbendkerdene 

  Kadîr Çato ke têhetameyîşê HDPyî de deyîra kurdkî vate, ame destbedkerdene.
• Şenyaşarî: Sebebê krîzî bêedaletî ya  

  Keyeyê Şenyaşarî 561 rojî yo têkoşînê edaletî keno. Keyeyî pare kerd ke sebebê pîlbîyayîşê krîzê Tirkîya bêedaletî ya.
• Sîyasetmedar Ayhan serê gorê xo de ame yadkerdene  

  Sîyasetmedaro kurd Îbrahîm Ayhan serrgêra 4. ya wefatê xo de serê gorê xo de ame yadkerdene.
• MQByî waştişê redîyeya dadgerî yê HDPyî qebul nêkerd  

  Mehkemeya Qanûnê Bingeyî (MQB) derheqê dewaya qefilnayîşî de waştişê redkerdişê dadgerî yê HDPyî qebul nêkerd.
• Av. Sezîne Uçar: Kenê ke ma nêeşkê îşkenceyî vejê werte 

  Avûkatanê Buroyê Huqûqî yê Bindestan ra Sezîne Uçara ke heqê ci yê pawitişî hetê mehkeme ra ameye astengkerdene, ard ziwan ke armanco raştikên ê mehkeme nimnayîşê îşkenceyî yo.
• 756 avûkatan semedê şîyayîşê Îmraliyî muracat kerd 

  Buroyê Huqûqî yê Asrinî da zanayene ke Rojhelatê Mîyanên û Afrîkaya Vakure ra 756 avûkatan semedê pêvînayîşê Rayberê Şarê Kurdî Abdullah Ocalanî muracat kerd.
• Seba Keveyo ke zîndan de ame qetilkerdene, ambulans nêdîya  

  Keyeyê Bariş Keveyo ke Zîndanê Meletî de hucreyê yewkesî de amebi qetilkerdene, seba girewtişê cenaza şi zîndanî la ambulans nêdîya înan.
• Rojnamegere Şahîne rê cezaya zîndanî ya 6 serran dîyaye  

  Rojnamegere Hatîce Şahîn rê cezaya zîndanî ya 6 serran û 3 mengan ameye dayene.
• CPT herinda vergirewtişî de çimdarîya îşkenceyî kena 

  CPTyo ke 1999 ra nata 8 reyî, mîyanê 10 serranê peyênan de zî têna hîrê reyî heyet şawit Îmraliyî, herinda ke verê îkence û tecrîdê serê Rayberê Şarê Kurdî Abdullah Ocalanî bigêro sey 'komîteya çimdarîye' têgêra.
• Tepişte Bariş Keve zîndan de ame qetilkerdene 

  Tepişteyo sîyasî Bariş Keve hucreyê yewkesî yê Zîndanê Meletî de ame qetilkerdene.
• Gever de 10 kesî ameyî destbendkerdene  

  Operasyonê îşxalî ra dima dewa Memkava ya qezaya Geverî ya Colemêrgî de 10 kesî ameyî destbendkerdene.
• Wayîrê Xelatanê Rojnamegerîye yê Musa Anterî eşkera bîyî 

  Wayîrê Xelatanê Rojnamegerîye yê Musa Anterî yê 29. eşkera bîyî. Xebera 'Mergê şikdarî yê Zîndanê Aydinî: Kişîyayîş yan zî Xokiştiş' a MA û fotografê cenazaya Hakan Arslanî ya ke esteyê ci tewreyêk de dîyabî, layîqê xelate ameyî dîyene.
• Polîsêkî Wan de hêrişê wayîrê keyeyî kerd: 3 kesî birîndar bîyî  

  Wan de polîsêkî wayîrê keyeyî de pêro da û dima keso ke xo sey çawişê pisporî dayo şinasnayene mudaxeleyê serebûtî kerd. Wayîrê keyeyî û merdimê ey ameyî derbkerdene.