AKTUEL

Xeberê peyênî

• Prof. Lemkow: Bi tecrîdê Îmraliyî Tirkîya de demokrasî çin beno 

  Prof. Louis Lemkowî ard ziwan ke dewleta tirke kena ke tecrîdê Îmraliyî normalîze bikera û vat: ''Ocalan aktorêko pîl o û seba çareserîya meseleya kurdan girîng o. Ganî o azad bibo.''
• Heskîf de operasyon: Dekewtiş û vejîyayîşê dewêke ameyî qedexekerdene 

  Dewleta tirke ya îşxalkere warê Mawa yê qezaya tarîxî Heskîfî de hêrişê îşxalî dayî destpêkerdene. Dekewtiş û vejîyayîşê dewêke ameyî qedexekerdene.
• Gulhatune Kara Fransa de bi waştişê Almanya tepişîyaye  

  Endama TJK-E Gulhatune Kara ke Fransa de bi waştişê Almanya ameye tepişene ewro do vejîya verê mehkeme.
• 'Qeyûman dezgehê cinîyan kerdê qewexane û kursê Quranî' 

  Endamanê Koma Cinîyan ê Femînîstan çimdarîyê xo yê serê zîyaretanê Amed û Êlihî pare kerdî û vat ke qeyûman dezgehê cinîyan vurnayê qewexane û kursanê Quranî.''
• Zîyaretê şaredarîyan di hetan ra dewam kenê 

  Hemserekanê Pêroyîyan ê DEM Partî vizêr roja hîrêyîne de Şaredarîyê Şirnex û Mûşî zîyaret kerdî. Hemserekan bale ante ser ke qeyûman nê şaristanî wêran kerdê la ê do bi pêro îmkanan şarî rê xizmet bikerê.
• Cinîyî seba Colemêrgî Îstanbul de nobete gênê 

  Cinîyê ke Îstanbul de vera destsernayîşê Şaredarîya Colemêrgî serkêşîyê çalakîya nobete kenê, nînan vat: ''Ma do rayîr nêdê qeyûman.''
• Nobetê vera destsernayîşî: Ma huqûqê dişmenîye nêşinasnenê 

  Vera destsernayîşê Şaredarîya Colemêrgî xeylêk şaristanan de çalakîyî dewam kenê. Vervatoxa Meclîsê Cinîyan ê DEM Partî Halîde Turkoglu Amed de vat: ''Ê kesanê ke îradeyê ma nêşinasnayo, ma zî huqûqê nînan ê dişmenîye nêşinasnenê.''
• Muracatê seba Xelatanê Rojnamegerîye yê Musa Anterî dest pêkenê 

  Muracatê seba Xelatanê Rojnamegerîye yê Musa Anterî û Şehîdanê Çapemenîya Azade yê 31inî dest pêkenê.
• Mamostayo tacîzker tepişîya 

  Qezaya Silopî ya Şirnexî de mamostayo ke hîrê wendekarî tacîz kerdê, tepişîya.
• 115 kesan ra vera destsernayîşê Şaredarîya Colemêrgî nêrazîbîyayîş 

  Nuştox, hunermend û rojnamevan zî tede 115 kesan vera destsernayîşê Şaredarîya Colemêrgî nêrazîbîyayîş mojna ra û vat: ''Darbe dîyena haştîye û refahê welatî ro.''
• Nobeta vera destsernayîşî de Denîze Poyraz ameye yadkerdene 

  Çalakîyanê nobete yê vera destsernayîşê Şaredarîya Colemêrgî de Denîze Poyraz ameye yadkerdene.
• Çalakîya nobete ya Îstanbulî de vera tecrîdî nêrazîbîyayîş 

  Îstanbul de çalakîya nobete ya vera destsernayîşê îradeyî de vera tecrîdê Îmraliyî nêrazîbîyayîş ame mojnayene û wina ame vatene: ''Ma polîtîkaya qeyûmî nêşinasnenê.''
• Azadî: Tepişteyanê sîyasîyan rê binusê! 

  Almanya de rîyê qedexeyê PKKyî ra 13 aktîvîstê kurdî zîndan de yê. Azadî e. V. yo ke paştî dano tepişteyanê sîyasîyan, veng da ke wa tepişteyî têna merê verdayene û vat înan rê mektub binusê.
• Hamserekanê DEMî şaredarîyî zîyaret kerdî 

  Hemserekê Pêroyî yê DEM Partî Tulaye Hatimogullari û Tuncer Bakirhan bi wesîleya Roşanê Qurbanî şaredarîyan zîyaret kenê. Zîyaretan de vera destsernayîşê îradeyê şarî bale ameye antene muhîmîya yewîye û têkoşînî ser.
• Rojnameger Karakoçî ra mesajê sipaskerdişî 

  Rojnameger Karakoço ke waştişê Almanya ser o amebi destbendkerdene û dima bi şertî vera dîya, seba paştdayîşî her kesî rê sipas kerd û bale ante girîngîya têkoşînê vera teda ser.
• Nobeta vera destsernayîşê îradeyî roşan de zî dewam kerd 

  Çalakîya nobete ya vera destsernayîşê îradeyî verê Şaredarîya Amedî de roşan de dewam kerd. Merale Daniş Beştaş vat: ''No şar 100 serrî yo vera nê polîtîkayan sereyê xo nêano war û xo ver dano.''
• Rewşa tepişteyê nêweşî Ayikî bena giran 

  Rewşa tepişteyê nêweşî Devrîm Ayikî her roje bena giranêr. Dadîya ey Hulya Ayik waşt ke wa lajê ci seba tedawî sewqê Zîndanê Antalya bêro kerdene.
• Polîsanê TEMî eşt Zîndanê Karabukî ser: Înfazî yenê vêşnayene 

  Zîndanê Tîpê Tyî yê Karabukî de Heyetê Îdareyî û Çimdarîye bi ferzkerdişê ''poşmanîye'' înfazê 15 kesan vêşnayî.
• Kanar: Qeyûm kolonyalîzm o, zorbazîya vera îradeyê kurdan o 

  Huqûqnas Ercan Kanarî ard ziwan ke tayînkerdişê karmendêkî sey qeyûmî teyna rejîmanê kolonyalîzmî de est o û vat: ''No yew metodêkê îdareyî yê rejîmê neteweya serdeste yo. No vera îradeyê şarê kurdî despotîzm o.''
• Gorî ameyî zîyaretkerdene: Ma do peyê şehîdan de bibê 

  Vakurê Kurdîstanî de girseyan gorê şehîdanê têkoşînê azadîye zîyaret kerdî û sozê berzkerdişê têkoşînî da.
• Nobetê vera destsernayîşê îradeyî dewam kenê 

  Êlih û Amed de vizêr zî verê şaredarîyan de vera destsernayîşê îradeyî çalakîyanê nobete dewam kerd.
• KCKyî ra mesajê Roşanê Qurbanan 

  Komîteya Şar û Bawerîyan a KCKyî Roşanê Qurbanan fîraz kerd û venga her kesî da ke vera dewleta tirke ya îşxalkere têkoşînêkê rêxistinkerdeyî û xurtêrî bikero.
• Qirkerdişê Şenyaşaran: Axê dayîkan do îqtîdarî bido war 

  Şenyaşarê ke hetê merdimanê wekîlê AKPyî ra ameyî qetilkerdene serê mezelanê xo de ameyî yadkerdene. Ferit Şenyaşarî vat: ''Qet hêzêk Erdoganî medo war zî do tewr peynî de axê dayîkan ey bido war.''
• Amed de mezelê şehîdanê Kurdîstanî ameyî zîyaretkerdene 

  Licêya Amedî de mezelê şehîdanê Kurdîstanî yê ke cuwa ver hetê leşkeran ra raştê hêrişî ameybî bi wesîleya roşanî ameyî zîyaretkerdene. Pîran de zîyaretê mezelan ame astengkerdene.
• DEM Partî: Halil Îbrahim Karabulutî îxanetê şarî kerd 

  DEM Partî: Halil Îbrahim Karabulutî îxanetê îradeyê şarî kerd. Wa no bêro zanayene kesê ke îxanetê şarî kenê çirey nînê efûkerdene.