AKTUEL

Xeberê peyênî

• Leşkerê afganî yê multecîyî seba şerî erşawîyenê Rojawanî 

  Tay leşkerê afganê ke Talîbanî ra remayê Tirkîya û cergê DAÎŞî kontrolê destpêkî ra dima erşawîyenê Erziromî û tîya ra zî Baregehê Serdar Mete Yildirimî de serê sînorê Rojawanî de yenê cakerdene.
• Serra Bucak bîye namzeta Hemşaredarîya Şaristanê Pîlî ya Amedî 

  Serra Bucak bîye namzeta Hemşaredarîya Şaristanê Pîlî ya Amedî ya DEM Partî. Seba dîyarkerdişê namzetê camêrdî zî ewro turo diyîn do bêro kerdene.
• 300 avûkatan waşt Abdullah Ocalanî reyde pêvînayîş bikerê 

  35 baroyan ra 300 avûkatan bale ante tecrîdê serê Rayberê Şarê Kurdî Abdullah Ocalanî ser û semedê pêvînayîşê Îmraliyî muracatê Wezîrîya Edaletî kerd.
• Temellî: Heta ke şima hêrişê Kurdîstanî bikerê, ekonomî hol nêbena 

  Serekwekîlê Grûba DEM Partî Sezaî Temellîyî bale ante hêrişanê îşxalî ser û vat: ''Heta ke şima binê nameyê operasyonî de nê şerî rê dewam bikerê, komel do neçare bimano ke feqîr bibo.''
• Verweçînayîşê Şaredarîya Amedî turê diyînî rê mend 

  DEM Partî seba ke namzetanê Şaredarîya Amedî dîyar bikera vizêr verweçînayîşî kerdbî. La seba ke raydayîşê şarî de çewî se ra 50ê rayan nêgirewtî verweçînayîş turê diyînî rê mend.
• Rêxistina ESPyî ya Îstanbulî dest pê grevê vêşanîye yê 3 rojan kena 

  Grevê vêşanîye yê tepişteyan di mengî xo pey de verdayî. Rêxistina ESPyî ya Îstanbulî seba paştdayîşê grevê vêşanîye siba do dest pê grevê vêşanîye yê hîrê rojan bikera.
• Endamê Parlamentoyê Ewropa: Çareserîye bi azadîya Abdullah Ocalanî mumkîn a 

  Endamanê Parlamentoyê Ewropa (PE) Lydie Massard û Chris Macmanusî azadîya Rayberê Şarê Kurdî Abdullah Ocalanî waşte.
• Wesayîtê faşîstêkî MHPyî ame vêşnayene 

  Yewina Qesasî ya Şehîd Nûrî Yektayî ya YPSyî 2yê çeleyî de, qezaya Arnavutkoyî ya Îstanbulî de wesayîtê faşîstêkê MHPyî vêşana.
• Namzedê DEM Partî yê qezayanê Amedî zelal bîyî 

  Raydayîşê şarî yê diyînî yê DEM Partî de namzedê 14 qezayanê Amedî zelal bîyî. Netîceyê qetî do badê erjnayîşê îtîrazan berê eşkerakerdene.
• Kampanyaya 'Hezar kartan bişawê Îmraliyî' vila bena 

  Xeylêk şaristananê Ewropa de kurdîstanijan û dostanê înan çarçewa kampanyaya ''Ma Zîndanê Îmraliyî rê 100 hezar kartpostalan bişawê'' de kartî nuştî.
• Wan de erd lerza 

  Wan de bi girdîya 4.0î erd lerza. Erdlerz şaristananê bînan de zî ame hîskerdene.
• Aras: Bi tecrîdî verê çareserîya meseleya kurdan gêrîyeno 

  Îdarekaranê ÎHDyî yê Wanî ra Heval Sînan Arasî dîyar kerd ke bi tecrîdkerdişê Rayberê Şarê Kurdî Abdullah Ocalanî verê çareserîya demokratîke, haştîyane û aqilane ya meseleya kurdan yeno girewtene.
• Hem kênaya ci tira gêrîyaye, hem zî raşta gefê tebersînorî yena 

  Dadîya fasije Asmaa Hachema ke kênaya ci hetê dewlete ra bi zorî tira ameye girewtene nika ameye berdene bi Merkezê Apeyşawitişî yê Selîmpaşayî. Hemsereka ÎHDyî Erene Keskîn seba Asmaa Hachem têgêrena.
• Avûkat Erdogan: Heqê cuye yê tepişteyanê nêweşan binpay benê 

  Komîsyonê Zîndanan ê ÎHDyî ra Avûkat Yusuf Erdoganî îfade kerd ke raporanê 'nêeşkenê zîndan de bimanê' yê Dezgehê Tipê Edlîyî ra xeylêk tepişteyê nêweşî zîndanan de dinyaya xo bedilnenê.
• Ahmet Turk û Devrîme Demîr bîyî namzedê DEM Partî yê Mêrdînî  

  DEM Partî eşkera kerd ke namzedê înan ê Şaredarîya Bajarê Pîlî ya Mêrdînî Ahmet Turk û Devrîme Demîr ê.
• 'Seba azadîya Abdullah Ocalanî ganî têkoşîn bêmabên bêro domnayene' 

  Hemserekê MAF-DADî Mahmut Şakarî vat seba şiknayîşê tecrîdê vera Rayberê Şarê Kurdî Abdullah Ocalanî ganî têkoşîno komelkî bêmabên bêro domnayene.
• TAJÊ: Qetilkerdişê cinîyan ê serkêşan hêrsê ma zêdîneno 

  TAJÊ seba Firyale Silêman Xalida ke Kerkûk de netîceya suîkastî de şehîd bîya eşkerayîya çapemenîye daye û pare kerd ke qetilkerdişê cinîyan ê serkêşan do hêrsê înan bizêdîno.
• ''Abdullah Ocalanî rê azadîye, kurdan rê edalet''  

  Dezgehanê kurdan ê Fransa semedê tewrbîyayîşê rayraşîyayîşê seba azadîya Rayberê Şarê Kurdî Abdullah Ocalanî yo ke do 22ê çeleyî yê Paris de bêro destpêkerdene, veng da.
• Franco Danieli: Ganî her kes semedê azadîya Ocalanî bibo seferber 

  Avûkat Franco Danieliyî vat,"Tewirê Ewropa yê vera tecrîdê serê Abdullah Ocalanî sey wextê komployî yo. ganî vera tewir û bêvengîya dewletan heme komelî semedê azadîya Ocalanî bibê seferber."
• Avûkatê Ocalanî: Nêwazenê wa Îmraliyî ra xebere bêro girewtene 

  Avûkatanê Rayberê Şarê Kurdî Abdullah Ocalanî ra Îbrahîm Bîlmezî vat, ''Ma qeraran nêvînenê, sebebê cezayanê dîsîplînî yeno nimitene. Nêwazenê wa Îmraliyî ra xebere bêro girewtene.''
• Seda Zengîn: Waştişê tepişteyan qanûnî û meşrû yê 

  Îdarekara MED TUHAD-FEDî û avûkate Seda Zengîn ard ziwan ke waştişê tepişteyanê grevê vêşanîye qanûnî, meşrû û wijdanî yê ke ganî bêrê caardene.
• Berlin û Marsilya de kampanyaya 'Îmraliyî rê 100 hezar kartî' 

  Berlin û Marsilya de kampanyaya 'Îmraliyî rê 100 hezar kartî' dîyaye destpêkerdene.
• Hêrişê dewleta tirke yê vera Rojawanî ameyî protestokerdene 

  Xeylêk welatanê Ewropa de kurdan û dostanê înan hêrişê îşxalî yê dewleta tirke yê vera Rojawanî û bêvengîya Ewropa protesto kerdî.
• Hrant Dînk ame vîrardene: Ti wîjdanê ma yê Ahparig 

  Hrant Dînk serrgêra qetilkerdişê ci de verê banê rojnameyî de ame vîrardene. Vîrardiş de mesajê vera faşîzmî ameyî dayene,xoverdayoxê zîndanan ameyî selamkerdene.
• Şirnex de 3 kesî ameyî tepiştene 

  Şirnex de 10 kesê ke rîyê parekerdişê medyaya sanale ra ameybî destbendkerdene, nînan ra 3 kesî ameyî tepiştene.