CINÎ

Xeberê peyênî

• Cinîyî semedê Pêkerdişê Îstanbulî vejîyayî kuçeyan 

  Seba ke bi qerarê Erdoganî dewleta tirke binê Pêkerdişê Îstanbulî ra morê xo peyser ant Fransa û Swîsre de cinîyî vejîyayî kuçeyan û no qerar şermezar kerd.
• Buldane: HDP do îqtîdarê camêrdê faşîstî miheqeq bibedilno 

  Hemsereka Pêroyî ya HDPyî Pervîne Buldan vat: ''Ma do bi HDPyî qanûnê bingeyî yê demokratîkî yê cinîyan ronê, îdareyê demokratîkî yê cinîyan ronê. Ma do nê îqtîdarê camêrdê faşîstî miheqeq bibedilnê.''
• Cinîyê Şirnexî: Waştişê Emîne Şenyaşar waştişê ma yo 

  Emîne Şenyaşar semedê mêrde û di domanê ci yê ke ameyî qetilkerdene û lajê ci yo ke rehîn yeno tepiştene xoverdayîşê xo 19 rojî yo domnena. Cinîyan ê Şirnexî Emîne Şenyaşar zîyaret kerd û paştî daye ci.
• 'Her hela cuye bena tecrubeyêko zaf pîl' 

  Gerîla Roza Nûjîna serdeştije derheqê cuya gerîlayan de vat: ''Gerîlayê azadîye her hele de pê hîsanê heskerdişî û pawitişê cografya ciwîyenê. Eke wina nêbîyêne senî hende cinî û camêrdê ciwanî biwazê xo ver bidê.''
• Cinîyî wayîrê Peymana Îstanbulî vejîyenê 

  Cinîyî Bruksel û Frankfurt pê çalakîyan wayîrê Peymana Îstanbulî vejîyayî. û Basel de zî cinîyan paştî daye Mayanê Şemeyî.
• Maya Haştîye Kumru Akgul qala îşkenceyê cigêrayîşê rûtî kerde 

  Mayanê Haştîye ra Kumru Akgula ke verê Zîndanê Bakirkoyî de ameye destbendkerdene vat: ''7 polîsanê ke hetê serre ra qasê tornanê mi bîyî rixmê feryadê mi zî pê zorî kincê mi mi ra kerdî. Înan şerm zî nêkerd ez kerda kamera.''
• KJK: Heta ke Rayber Apo azad bibo ganî têkoşîn pê ruhê Newroze dewam bikero 

  KJK: Heta ke Rayber Apoyî ra agahî bêra girewtene û sîstemê îşkenceyê Îmraliyî bêro rijnayene ganî têkoşîn pê ruhê xoverdayîşî yê Newroze bêmabên dewam bikero û kes/e xo teberê têkoşînî de nêverdo.
• Başarane: Cinîyan xo Pêkerdişê Îstanbulî ra peyser nêant!  

  Vervatoxa Meclîsê Cinîyan ê HDPyî Ayşe Acar Başaran vat: ''Îqtîdarê AKP û MHPyî xo Pêkerdişê Îstanbulî ra ant la cinîyî peyser nêancîyayî.''
• Mayê Şemeyî: Wa qetilkarê merdimanê ma bêrê muhakemekerdene 

  Roniştişê dewaya Mayanê Şemeyî yo verên ewro ameye kerdene. Mayanê Şemeyî vat: ''Ganî herinda ma de Înanê ke merdimê ma vînî kerdî ê bêrê muhakemekerdene.''
• Gulîstane Doku tim 21 serre ya! 

  Gulîstane Dokuya ke 5ê çeleyê 2020î ra nata tira xeberêke nêna girewtene seba ci bi wesîleya rojbîyayîşê aye medyaya komelkî de çalakîyêke ameye kerdene.
• Wedaritişê Peymana Îstanbulî Hamburg de ame protestokerdene 

  Bajarê Hamburgî yê Almanya de wedaritişê Peymana Îstanbulî ame şermezarkerdene.
• ''Wa Qirkerdişê Parisî sey 'sirê dewlete' memano'' 

  CDK-Fyî seba roşnîkerdişê Qirkerdişê Parisî yo ke îdarekaranê dewlete sey 'sirê dewlete' îfade kerd, verê Wezaretê Edaletî yê Fransa de çalakîyêke kerde.
• TJA keyeyê Şenyaşarî zîyaret kerd 

  Aktîvîstanê TJA keyeyê Şenyaşaro ke verê Edlîyeyê Riha de nobeta edaletî rê dewam keno, zîyaret kerd.
• Mannheim de wedaritişê Peymana Îstanbulî ame protestokerdene 

  Şaristanê Mannheimî yê Almanya de pê çalakîyêke wedaritişê Peymana Îstanbulî ame protestokerdene.
• Berlin û Stuttgartî paştî daye Mayanê Şemeyî 

  Şaristananê Stuttgart û Berlinî yê Almanya de kurdîstanijan dewaya vera Mayanê Şemeyî protesto kerde û paştî daye mayan.
• Mayanê Haştîye paştî daye xoverdayîşê keyeyê Şenyaşarî 

  Mayanê Haştîye Emîne Şenyaşar û lajê ci Ferît Şenyaşar ê ke 15 rojî yo semedê caardişê edaletî verê Edlîyeya Riha de çalakîye de yê zîyaret kerdî. Mayan veng da ke wa waştişê maye Şenyaşare bêro ca.
• 'Ma bira betalkerdişê Peymana Îstanbulî nêşinasnenê' 

  Îstanbul û şaristananê Ewropa de cinîyî ameyî pêser û înan vera betalkerdişê Peymana Îstanbulî nêrazîbîyayîşê xo mojna.
• 'Erkê Serekkomarî nîyo ke Peymana Îstanbulî betal bikero' 

  Hemsereka OHDyî Ayşe Acînîklî pare kerd ke erkê Serekkomarî nîyo ke bi hawayêkê tekterefî peynîya Peymana Îstanbulî bîyaro û vat: ''Hetê huqûqî ra derbazdar nîyo ke pê îmzayêke, pê qerarnameyêkî hetê şexsêkî ra betal biba.''
• Nuştoxa femînîste Nawale El Saadawî şîye rehm 

  Nuştoxa femînîste Nawale El Saadawîya ke welatanê ereban de rayberîya têkoşînê azadîye yê cinîyan kerde, 90 serrîya xo de şîye rehm.
• Ronahî û Bêrîvane ameyî yadkerdene 

  Şaristanê Mannheimî yê Almanya de Bêrîvane (Nîlgune Yildirim) û Ronahî (Bedrîye Taş) ameyî yedkerdene ke 1994 de vera qedexeyê Newroze yê Almanya bedenê xo dabi adirî ver.
• 'Pê adirê Newroze ma do zerrîya îşxalkeran bivêşnê' 

  Newroza tewr manadare koyanê Kurdîstanî de yena fîrazkerdene. Adirê Kawayê Asînkarî koyanê Kurdîstanî de geş beno û zerrîya faşîzmî vêşneno. Gerîlayanê YJA-Starî mesajê Newroze dayî.
• Şerwanê YPJyî: Ma pê ruhê Newroze ser bikewê 

  Şerwananê YPJ û YPGyî şaristanê Hesekê de Newroze fîraz kerde. Şerwanan vat ke estbîyayîşê Rayberê Şarê Kurdî Abdullah Ocalanî estbîyayîşê înan o coka înan zî bi taybetî Newroza Rayberê Şarê Kurdî fîraz kerde.
• Cinîyan wedaritişê Peymana Îstanbulî protesto kerd 

  Cinîyan Dêrsim û Îstanbul de wedaritişê Peymana Îstanbulî protesto kerd.
• Gerîlayê YJA-Starî: Ma do ser bikewê 

  Gerîlayanê YJA-Starî derheqê Newroze de qisey kerd û pare kerd ke ê do wayîrê mîrasê xoverdayîşî yê Mazlûm Doganan vejîyê.
• HDP: Ma do Newroze de wayîrê Pêkerdişê Îstanbulî bivejîyê 

  Pê Qarernameyê Serekkomarîye yo ke Rojnameyê Fermî yê Tirkîya de ame weşanayene Tirkîya 19ê adare de Pêkerdişê Îstanbulî ra xo peyser ante. Meclîsê Cinîyan ê HDPyî ard ziwan ke îqtîdarî pê nê qerarî reyna dişmenîya xo ya vera cinîyan ramojna.