AKTUEL

Xeberê peyênî

• Polîsan hêrişê Dayîkanê Şemeyî kerd, xeylêk kesî destbend kerdî 

  Dayîkanê Şemeyî ke waşt vejîyê Meydanê Galatasarayî reyna raştê hêrişê polîsan ameyî û xeylêk kesî ameyî destbendkerdene.
• Hunermendan semedê şuxulnayîşê rayan veng da 

  Hunermendanê kurdan Hemîd Urmîye û Hozan Kawayî veng da ke semedê şîyayîşê Erdoganî wa her kes raya xo bişuxulno.
• Tekirdag de 21 endamê HDKyî ameyî rehîngirewtene 

  Tekirdag de 24 endamê HDKyî ke ameybî destbendkerdene înan ra 21 kesî ameyî tepiştene. Hemvervatoxê HDKyî Cengîz Çîçekî vat, “Nê kesî semedê kurdkî û endamîya HDPyî ameyî sûcdarkerdene. Ma sond wanenê ke ma do nê sîstemî bibedilnê.”
• Kaçmaze: 28ê gulane de hêvî û hêz ma de yo 

  Wekîla Partîya Çep a Keske ya Wanî Gulcane Sayyigit Kaçmaz: Hêvî ma de ya. Ma gerek hayîyê hêzê xo bê. Gerek ma pêro şirê sindoqan ser, wezîfeyê xo yê tarîxî bîyarê ca, raya xo bişuxulnê û wayîrê rayan û sindiqan bivejîyê.
• Erçe: Karê ma yo verên binvistişê Erdoganî yo 

  Serekê Komeleya Kulturî ya Pîr Sultan Abdalî Cuma Erçeyî îfade kerd ke turo diyîn vurîyayo referandumî û vat: ''Karê ma yo verên binvistişê Erdoganî û rijnayîşê rejîmê şexsî yo.''
• 'Dek û dolabî nêqewimîyê Kiliçdaroglu do ser bikewo' 

  Nuştox û Îlahîyatnas Îhsan Elîaçikî pare kerd ke eke muxalefet turê diyînî de vejîyo merdan û verê dek û dolaban bigêro Kemal Kiliçdaroglu do ser bikewo.
• Buldane: Vera Erdoganî şorê sindoqan, raya xo bidê 

  Hemsereka Pêroyî ya HDPyî Pervîne Buldan û sîyasetmedarê kurdî Ahmet Turkî venga pêro şarê kurdî da ke 28ê gulane de şoro sindoqan ser û raya xo bido.
• Keyeyan semedê şîyayîşê Îmraliyî muracat kerd 

  Keyeyê Rayberê Şarê Kurdî Abdullah Ocalanî û merdimanê tepişteyanê bînan ke Îmrali de yê, semedê pêvînayîşî muracatê Mudirîya Zîndanî ya Îmraliyî kerd.
• Çewlîg û Agirî de xeylêk kesî ameyî destbendkerdene  

  Qezaya Kanîreşî ya Çewlîgî de û qezaya Dutakî ya Agirî de zî zafê ci ciwanî 35 kesî ameyî destbendkerdene.
• Cinîyê Amedî: 28ê gulane de ma rejîmê tekcamêrdî bin bivisnê! 

  Torra Têkoşînê Vera Şîdetî ya Amedî venga pêro cinîyan, rêxistinanê cinîyan, ciwanan, raya demokratîke û pêro muxalîfan da ke 28ê gulane de rejîmê tekcamêrdî bin bivisnê û têkoşînî geş bikerê.
• Wekîlê Partîya Çep a Keske yê Îstanbulî şarî reyde ameyî têhet 

  Wekîlê Partîya Çep a Keske yê Îstanbulî seba turê diyînî yê weçînayîşê serekkomarîye xeylêk qezayan de şarî reyde ameyî têhet û înan komeleyî zîyaret kerdî.
• 'Morêk eşkeno her çî bivurno' 

  Wekîla Partîya Çep a Keske ya Adana Tulaye Hatîmogullari venga weçînitoxan da: ''Rayê şima zaf girîng ê, her raye eşkena çarenusê welatî eşkera bikera. Morêk eşkeno her çî bivurno.''
• Koçyîgîte: Armancê ma binvistişê Erdoganî yo 

  Wekîla Partîya Çep a Keske ya Qersî Gulistane Kiliç Koçyîgît îfade kerd ke armancê înan o bingeyî binvistişê Erdoganî û rejîmê şexsî yo.
• Swîsre de bi tewrbîyayîşêkê asta rekorî raydayîş qedîya 

  Seba turê diyînî yê weçînayîşê serekkomarîye yê Tirkîya Swîsre de vizêr raydayîş qedîya. Swîsre de asta rekorî de weçînitoxî tewrê raydayîşî bîyî.
• HDP-Partîya Çep a Keske: Ma do şirê sindoqan ser û nê rejîmî bibedilnê 

  HDP-Partîya Çep a Keske vat, "Ma do tûrê diyînî yê weçînitişî de şirê sindoqan ser, rejîmê yewmerdimî bibedilnê"
• Xelfetî de 2 kesî ameyî destbendkerdene 

  Qezaya Riha ya Xelfetî de serê sibayî sereştişê keyeyan de 2 kesî ameyî destbendkerdene.
• Avûkatan semedê şîyayîşê Îmraliyî muracat kerd 

  Avûkatanê Rayberê Şarê Kurdî Abdullah Ocalanî reyna semedê pêvînayîşî muracat kerd.
• Colemêrg de bi desan kesî ameyî destbendkerdene 

  Colemêrg de operasyonanê qirkerdişê sîyasîyî de bi desan kesî ameyî destbendkerdene.
• Esengule Demîr: Ma bi tewrbîyayîşê xurtî verê înan bigêrê 

  Hemvervatoxa HDKyî Esengule Demîr vist vîrî ke tewr tay 8 mîlyon weçînitoxan raye nêdaya û vat ke komelo ke verê faşîzmî de bendî nayî ro, seba ke bêro vindarnayene ganî tewrê raydayîşî bibo.
• 'Ma raya xo seba binvistişê dişmenanê kurdan bidê' 

  Hemserekê KCDyî Berdan Ozturkî ard ziwan ke manîpulasyonê dişmenanê kurdan ê serê medyaya dîjîtale seba turê diyînî yê û vat: ''Ganî şarê ma seba binvistişê dişmenanê kurdan raya xo bido.''
• Tezîyeya Leyla Sorxwîn de mesajê yewbîyayîşî 

  Partî û dezgehanê kurdan tezîyeya gerîlaya YJA Starî Hamîyet Yalçinkaya (Leyla Sorxwîn) ya ke Besta de şehîde bîye, zîyaret kerd û mesajê xoverdayîş û yewbîyayîşî dayî.
• Şenyaşarî: Heta edalet bêro têkoşînê ma do dewam bikero 

  Keyeyê Şenyaşarî ard ziwan ke muhakemekerdişê dewleta tirke hende faîlan sûcdar o û vat: ''Heta edalet bêro têkoşînê ma do dewam bikero.''
• Nalbant: Ma hêvîya newîye kenê 

  Partîya Çep a Keske ra Kerem Nalbantî vat: ''Seba newekerdişê motîvasyonê cuye û hêvîya ameyoxî ma xebitîyenê.''
• 'Cinîyî do peynîya îdareyê şexsî yê Erdoganî bîyarê' 

  Wekîla Partîya Çep a Keske ya Dîlokî Sevda Karaca Demîr ard ziwan ke turo diyîn ê weçînayîşê serekkomarîye do sey referandumî bibo û vat: ''Cinîyî do bi weçînayîşê Kiliçdarogluyî peynîya îdareyê şexsî yê Erdoganî bîyarê.''
• Riha de seba ke eşkerayîye daye 33 kesan rê tehqîqat 

  Riha de seba ke 25ê nîsane de tewrê eşkerayîye bîyê derheqê 33 kesan de tehqîqat ame akerdene.