AKTUEL

Xeberê peyênî

• Bi seyan kesî şîyî serweşîya Bubo Taşî ke vera tecrîdî xo vêşnabi 

  Bi seyan kesî şîyî serweşîya Bubo Taşî ke vera tecrîdî bedenê xo dabi adirî ver. Zîyaretan de mesajê xoverdayîşê vera tecrîdî û pîlkerdişê îtîfaqî ame dayene.
• Seba ke îmtîhan de HDPyî ser o persêk persa zanîngehî ra ame dûrvistene 

  Doç. Dr. Bulent Yucelo ke Zanîngehê Anadoluyî de akademîsyen o seba ke îmtîhan de derheqê dewaya qefilnayîşê HDPyî de persêk pers kerdo qasê 3 mengan zanîngehî ra ame dûrvistene.
• Zanîngehê Zurihî de 'Lozan' ame nîqaşkerdene 

  Zanîngehê Zurihî de bi beşdarîya Vervatoxa Têkilîyanê Teberî ya KNKyî Nîlufere Koç panelê bi sernameyê 'Peymana Lozanî ya 100 serre û Kurdî' ame kerdene.
• Rojnameger Kartal rîyê fotografo ke pisporî tesdîq nêkerdo ra tepişîya 

  Rojnameger Sezgîn Kartalo ke 10ê Çeleyî Roja Rojnamegerê ke Xebitîyenê de amebi destbendkerdene çar rojan ra dima seba fotografo ke pisporî tesdîq nêkerdo tepişîya.
• Derheqê Qirkerdişê Parisî de tepişteyan Sersefîrîya Fransa rê mektub şawit 

  Tepişteyanê Zîndanê Kurkçulerî yê Adana derheqê Qirkerdişê Parisî de Sersefîrîya Fransa rê mektubêk şawit.
• Ciwananê kurdan ra çalakîya bêîteatîya sîvîle 

  Ciwananê kurdan kanalê xeberan ê Yunanistanî de çalakîya bêîteatîya sîvîle kerde û qala sûcanê şerî yê dewleta tirke kerde.
• Polîsan hêrişê aktîvîteya Serê Salê kerd 

  Unîversîteya Yuzuncu Yilî ya Wanî de ciwananê ke waşt Serê Salê pîroz bikerî raştê hêrişê polîsan ameyî.
• Dadîya tepişteyê nêweşî: Lajê mi terkê mergî bîyo 

  Songule Îlkera ke lajê ci Ekîm Polat tepişteyêko nêweş o, ard ziwan ke zîndan de tedawîya lajê ci yena astengkerdene û vat: ''Lajê mi terkê mergî bîyo.''
• Veysî Taşî vera tecrîdê Îmraliyî bedenê xo da adirî ver 

  Veysî (Bubo) Taşê ke bedenê xo da adirî ver, vat: ''Na çalakîya mi semedê serekê Kurdîstanî Abdullah Ocalanî ya. Ez tecrîdî lanet kena. Ma kurdî ganî wayîrê Rayberê xo vejîyê. Nêbo ma yew bi yew yenê çînkerdene.''
• Wekîlê HDPyî: Ganî her kes vera tecrîdî têbigêro 

  Wekîlanê HDPyî Nobeta Edaletî yê vera tecrîdî de vat: '' Ganî her kes vera tecrîdî vengê xo berz bikero, têbigêro.
• Parlamentoyê Fransa de derheqê Qirkerdişê Parisî de konferans  

  Xeylêk sîyasetmedar, huqûqnas, heqpawitoxan konferans de waşt ke seba edalet û raştîye 'sirê dewlete' yê serê Qirkerdişê Parisî wedarna û pêro belge û agahîyanê destê xo bi dosya pare bikera.
• Buldane: Ma raywanê rayîrê hîrêyînî yê 

  Hemsereka Pêroyî ya HDPyî Pervîne Buldan Îstanbul de kombîyayîşê komeleyan de vat: ''HDP terefgîrê yew masa nîyo, seba ke namzedê/a ma bimano/a turê diyînî destê ma ra çi bêro ma do bikerê.''
• Dezgehê ziwanê kurdkî: Wa kurdkî bibo ziwanê perwerdeyî 

  16 dezgehanê ziwanê kurdkî eşkerayîya hempare daye û vat: ''Wa kurdkî dersa vîjnayîye nê, wa bibo ziwanê perwerdeyî.''
• Keyeyê Şenyaşarî: Ma do 17ê çeleyî de Meletî de bibê 

  Keyeyê Şenyaşarî vat: ''Ma do 17ê çeleyî de bi hezaran pawitoxanê heqanê merdiman reyde Meletî de bibê. Ma do bawerîya xo meşiknê.''
• Gunaye: Şima do nêeşkê verê pîlbîyayîşê HDPyî bigêrê!  

  Vervatoxa HDPyî Ebruye Gunay vat: ''HDP do sey vewresî pîl bibo. Şima nêeşkenê nê şarî vindarnê.'' Gunaye venga şaran da ke 15ê çeleyî de tewrê mîtîngê Kartalî bibê.
• Rayberê Şarê Kurdî rê qedexê pêvînayîşê keyeyî yê 3 mengan 

  Rayberê Şarê Kurdî Abdullah Ocalanî rê reyna pêvînayîşê keyeyî yê 3 mengan ame qedexekerdene.
• Wekîlê HDPyî: Ca de wa vengê Abdullah Ocalanî bêro eşnawitene  

  Wekîlanê HDPyî Nobeta Edaletî yê vera tecrîdî de vat: ''Ganî cade vengê Abdullah Ocalanî bêro eşnawitene. Heta ke no veng nêro her kuçe û warî de çalakîyê ma do dewam bikerê.''
• Avûkatanê Rayberê Şarê Kurdî seba pêvînayîşî muracat kerd 

  Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, reyna muracatê Serdozgerîya Komare ya Bursa û Mudirîya Zîndanê Îmraliyî kerd.
• 'Heta pêvînayîşî bêrê kerdene ma çalakîya xo bikerê'  

  Wekîlê HDPyî Nobeta Edaletî ya vera tecrîdî rê dewam kenê. Wekîla HDPyî Nurane Îmîr ard ziwan ke heta ke Rayberê Şarê Kurdî Abdullah Ocalanî reyde pêvînayîş bêro kerdene ê do çalakîya xo rê dewam bikerê.
• Almanya reyna paştî daye dewleta tirke 

  Hukmatê Almanya derheqê îşxalê Efrînî de vat: ''Agahîyê qîmî çin ê ke ma vajê huqûqo mîyanneteweyî ameyo binpaykerdene.'' Bi nê hawayî Almanya reyna paştî daye dewleta tirke.
• Verê Sersefîrîya Fransa ya Stuttgartî de çelengo reş ronîya 

  Kurdan û dostanê înan bi wesîleya serrgêra 10. ya Qirkerdişê Parisî yê 9ê Çeleyê 2013î û Qirkerdişê 23yê Kanûne çelengo reş verê Sersefîrîya Fransa ya Stuttgartî de na ro.
• Marsilya de ciwanan tecrîd protesto kerd 

  Marsilya de ciwanan semedê azadîya Rayberê Şarê Kurdî Abdullah Ocalanî çalakîye kerde.
• Emekçî: Îmrali teberê huqûqî de yo 

  Avûkat Emran Emekçîyî pare kerd ke bi ferasetê tecrîdî Îmrali ameyo awankerdene, yew têkilîya ci ya bi dinyaya bîne çin a û yeno manaya dardekerdişî.
• Fîncanci: No têkoşîn do meqedîyo 

  Şebneme Korur Fîncanciya ke ameye tehlîyekerdene vat: ''Seba ke her qeydê çekî bêrê qedexekerdene û binate ra bêrê wedaritene çîyo ke destê ma ra yeno ma do bikerê.''
• Îran û Rojhelatê Kurdîstanî de teda zî çalakîyî zî berdewam ê  

  Dewleta Îranî tedaya xo ya vera cinîyan, çalakîkeran û rojnamegeran zêdînena. Hûmara ê kesanê ke cezaya îdamî dîyaya ci zî zêdîyenê.