AKTUEL

Xeberê peyênî

• Cinîyî Wan de ameyî têhet: Ma nêqedîyayî, do meqedîyê 

  Mîtîngê Partîya Çep a Keske yê cinîyan ê Wanî de bi hezaran kesî ameyî têhet. Hemsereka Pêroyî ya HDPyî Pervîne Buldan vat: “Ma nêqedîyayî, do meqedîyê. Ma çîn nêbîyî, do mebê. Ma est ê, do tim bibê.”
• Îfadeyê 128 kesan yeno girewtene 

  Îfadeyê 128 kesan ê ke vizêr operasyonanê qirkerdişê sîyasîyî de ameyî destbendkerdene, yeno girewtene.
• ‘Mevajê pê raya mi çîyêk nêbeno, her çî pê raya to beno’ 

  Hemserekê Egîtîm Senî yê Colemêrgî Murat Balikesîrî vat: “Gerek her kes îradeyê xo ramojno û şiro sindoqan de raya xo bişuxulno. Mevajê pê raya mi çîyêk nêbeno, her çî pê raya to beno.”
• Ewropa de siba rayedayîş dest pêkeno 

  Koordînasyonê Partîya Çep a Keske yê Ewropa veng da ke wa vîjnayoxê ke Ewropa de yê 14ê gulane de semedê akerdişê berê demokrasîyî rayanê xo bişuxulnê.
• Namzeda Partîya Çep a Keske Aytene Donmez ameye destbendkerdene 

  Namzeda Partîya Çep a Keske ya Kocaeli Aytene Donmez saetanê serê sibayî de ameye destbendkerdene.
• 'Weçînayîşî seba dîyarkerdişê ameyoxî firsendêko tarîxî yo' 

  Şaredarê verênî yê Xinisî Hasan Basrî Firatî pare kerd ke weçînayîşê 14ê gulane seba dîyarkerdişê ameyoxê şarê kurdî firsendêko tarîxî yo.
• Tewr tay 126 kesî ameyî destbendkerdene, dosya ameye nimnayene 

  Roja 25ê nîsane de sere de Amed de 21 şaristanan de bi operasyonanê qirkerdişê sîyasîyî tewr tay 126 kesî ameyî destbendkerdene. Tehqîqat de dosya ser de bira nimnayîşî ameye dayene.
• Buldane: Ma do Wan de 8 de 8 bikerê 

  Hemsereka Pêroyî ya HDPyî Pervîne Buldan Wan de rêxistinanê komelê sivîlî de pêvînayîş kerd û pare kerd ke AKP verê rijîyayîşî de yo û ê eşkenê narey Wan de 8 wekîlîyan bigêrê.
• Amed de qirkerdişo sîyasî ame protestokerdene 

  Partîyanê sîyasîyan û rêxistinanê sîvîlan Amed de operasyonê qirkerdişê sîyasîyî protesto kerdî.
• Basel seba Partîya Çep a Keske seferber bi 

  Xebatê weçînayîşî yê 14ê gulane yê Tirkîya Ewropa de dewam kenê. Îtîfaqê Kede û Azadîye armanc keno ke teberê welatî de se ra 50ê rayan bigêro.
• Gergerlîoglu: Ma yenê û înan şawenê 

  Namzedê Partîya Çep a Keske yê Kocaelîyî Dr. Omer Faruk Gergerlîogluyî qezaya Darica ya Kocaelîyî de akerdişê buroyê weçînayîşî de vat: ''Ma hê yenê û înan şawenê.''
• Seba ameyoxê demokratîkî 'vengê' xo tewrê vengê ma bikere! 

  Koordînasyonê Weçînayîşî yê Teberê Welatî yê Partîya Çep a Keske û Temsîlkarîya HDPyî ya Ewropa destpêkerdişê raydayîşê teberê welatî yê 27ê nîsane ra verî kampanyaya 'Deng-Oy' daye destpêkerdene.
• Selma Gurkan: Weçînayîşî sey referandumî yê 

  Namzetanê Partîya Çep a Keske ya Anqara ra Selma Gurkan ard ziwan ke weçînayîşê 14ê gulane sey referandumî do bibê. Gurkane bale ante ser ke seba zemînê têkoşînî yê rejîmê neweyî weçînayîşî girîng ê.
• Çewlîg: Eke Îmrali bibo azad, şarî benê azad 

  Partîya Çep a Keske Çewlîg de bi şîarê “Ma do bi îradeyê zixmî yê şaran cuye bibedilnê ” mîtîng viraşt. Hemsereka Pêroyî ya DBPyî Salîha Aydenize vat: “Eke Îmrali bibo azad, Tirkîya, şarî, kurdî benê azad. ”
• Xeylêk hunermendî ameyî destbendkerdene 

  Mêrdîn, Amed û Êlih de polîsan eşt merkezanê kulturî ser û xeylêk hunermendî destbend kerdî.
• Ozdemîr: Ma do sindoqan cameverdê 

  Hemserekê HDPyî yê Colemêrgî Lokman Ozdemîrî ard ziwan ke semedê asayîşê sindoqan çîyo ke destê înan ra yeno do zafêrê ci bikerê û vat: “Ma do badê şuxulnayîşê rayanê xo sindoqan cameverdê.”
• 11 rojnamegerî ameyî destbendkerdene 

  Operasyonanê qirkerdişê sîyasîyî yê bi merkezê Amedî de 11 rojnamegerî ameyî destbendkerdene.
• HDP: Prosesêkê darbe yo newe dîya destpêkerdene 

  HDPyî da zanayene ke operasyonanê qirkerdişê sîyasî Amedî ra dîyayê destpêkerdene û 21 şaristanan de dewam kerd, nînan de tewr tay 100 kesî ameyê destbendkerdene. HDPyî vat: ''Nê seba xespkerdişê îradeyê şarî û sindoqan ê.''
• Avûkatan semedê şîyayişê Îmraliyî muracat kerd 

  Avûkatanê Buroyê Huqûqî yê Asrinî semedê pêvînayîşê Rayberê Şarê Kurdî Abdullah Ocalanî reyna muracat kerd.
• Tewr tay 150 kesî ameyî destbendkerdene 

  Polîsanê tirkan eşt xeylêk adres û keyeyan ser û sere de rojnamegerê kurdî, sîyasetmedar û hunermendî tewr tay 150 kesî destbend kerdî.
• Şenyaşar: Ma xurt ê û pê îradeyê xo bawer ê 

  Namzedê Partîya Çep a Keske yê Riha Ferît Şenyaşarî akerdişê buroyê weçînayîşî yê Karakopruyî de vat: ''Ma zaf xurt ê û pê îradeyê xo bawer ê.''
• Partîya Çep a Keske Colemêrg de startê mîtînganê xo da 

  Partîya Çep a Keske mîtîngê xo yo verên ê weçînitişê 14ê gulane Colemêrg de kerd. Rixmê varayîşî bi hezaran kesî tewrê mîtîngî bîyî.
• Erçe: Ganî cewab bêro dayene waştişanê elewîyan 

  Serekê Komeleya Pîr Sultan Abdalî Cuma Erçeyî ard ziwan ke partîyê sîyasîyî ganî cewab bidê 5 waştişanê bingeyînan ê elewîyan û îfade kerd ke ê do seba hemwelatîya têdûşte têkoşînê xo rê dewam bikerê.
• HDPyî qurbanê Qirkerdişê Armenîyan yad kerdî 

  HDPyî bi mesajêkî qurbanê Qirkerdişê Armenîyan ê 24ê Nîsana 1915î yad kerdî.
• Partîya Çep a Keske teberê welatî de xebatanê weçînayîşî rê dewam kena 

  Teberê welatî de raydayîşê seba weçînayîşanê Tirkîya 27ê nîsane de dest pêkeno û 9ê gulane de qedîyeno. 14ê gulane de do nêzdîyê 3,5 weçînitoxî teberê welatî de raya xo bidê.