AKTUEL

Xeberê peyênî

• Kartal: Heta 9ê gulane ma seferber bibê 

  Hemserekê KONGRA-GELî Remzî Kartalî seba qedînayîşê îqtîdarê AKP-MHPyî venga pêro weçînitoxanê Ewropa da ke raya xo bidê Partîya Çep a Keske. Kartalî vat: ''Heta 9ê gulane ma seferber bibê.''
• Buldane: Morê xo bidê binê dare ro! 

  Hemsereka Pêroyî ya HDPyî Pervîne Buldan pare kerd ke weçînayîşê Serekkomarîye de ê do raya xo seba binvistişê faşîzmî bidê û vat: ''Goş medê çîyo ke Erdogan vano. Morê xo bidê binê dare ro!''
• Rojnamegerî Dîcle û Yilmaz rehîn ameyî girewtene 

  Rojnamegerî Sedat Yilmaz û Dîcle Muftuoglu yê ke operasyonanê qirkerdişê sîyasîyî de ameybî destbendkerdene, tepişîyayî. Yilmazî vat: ''Sîstemê çeteyan 10 rojan ra dima qedîyeno. No sîstem do birijîyo.''
• Edîrne de vera standê Partîya Çep a Keske hêriş 

  Rayîrê Saraçlarî de hêrişê standê Partîya Çep a Keske ame kerdene. Namzedê wekîlîye Serdal Zimba zî tede 3 kesî birîndar bîyî.
• Ahmet Turk: Nê weçînayîşî firsendê tarîxî yê 

  Sîyasetmedar Ahmet Turkî pare kerd ke nê weçînayîşî firsendê tarîxî yê û vat: ''Şarê ma do nê weçînayîşan de seba wedaritişê sîyaseto ke heta nika ameyo kerdene, polîtîkayanê teda û înkarî cewabê hewceyî bido.''
• Avûkatê Abdullah Ocalanî: Wa cade pêvînayîş bêro kerdene 

  Buroryê Huqûqî yê Asrini vîst vîrî ke prosesê weçînitişî de muwekîlê înan ser o propaganda yena kerdene û vat: “Gerek no tecrîdo giran cade bêro wedaritene û Abullah Ocalan avûkatanê xo dir pêvînayîş bikero."
• Uçare: Rayanê xo bidê Çep a Keske 

  Vervatoxa Partîya Çep a Keske Çigdeme Kiliçgun Uçar vat: "Seba ke têkoşîno ke ma heta ewro kerdo wa ser bikewo, rayanê xo bidê Çep a Keske."
• Hûmara nîsane ya Serxwebûnî weşanîyaye 

  Hûmara 496. ya rojnameyê Serxwebûnî bi manşetê ''Bi merdimanê azadan, wextê afernayîşê cuya azade yo'' weşanîyaye.
• 'Seba wedaritişê tecrîdî û şawitişê îqtîdarê faşîstî her kes raya xo bide!' 

  Namzedanê Partîya Çep a Keske yê Colemêrgî ra Vezîr Parlakî vat: ''Ganî no îqtîdaro faşîst şoro. Eke ma wazenê tecrîd û ablûqa biqedê ganî raya xo bidê.''
• YSKyî qedexeyê roja weçînayîşî eşkera kerdî 

  Heyetê Weçînayîşî yê Berzî (YSK) eşkera kerd ke roja weçînayîşan 14ê gulane de qedexeyî do key dest pêbikerê û biqedê.
• Avûkatan semedê şîyayîşê Îmraliyî muracat kerd 

  Avûkatanê Rayberê Şarê Kurdî Abdullah Ocalanî reyna semedê pêvînayîşî muracat kerd.
• Partîya Çep a Keske Xarpêt de qerardar a 

  Tradîsyonê HEPî ra nata Xarpêt de têgêrayîşê kurdan wekîlîyêke zî nêviste destî. Partîya Çep a Keske wazena gamêka newîye bierza û tewr tay yew wekîlîye bivisna destî.
• Îstanbul de vera HDK, HDP û Partîya Çep a Keske operasyon 

  Îstanbul de 32 endamê HDP, HDK û Partîya Çep a Keske sereştişan de ameyî destbendkerdene.
• Munzur: CPT erkê xo nêano ca 

  Endamê Înîsîyatîfê 'Abdullah Ocalanî rê Azadîye' yê Sûrîye Ferzende Munzurî pare kerd ke CPT erkê xo nêano ca û xizmetê polîtîkayanê dewleta tirke keno.
• Çelenke: Şar wazeno ke wekîlê cinîyî Meclîs de xurt bibê 

  Namzedanê Partîya Çep a Keske yê Amedî ra Sevîlaye Çelenk derheqê xebatanê xo de vat: ''Şarê ma wazeno ke wekîlê cinîyî Meclîs de xurt bibê.''
• Duisburg û Hamburg de şewa paştdayîşê bi Partîya Çep a Keske 

  Şaristananê Duisburg û Hamburgî yê Almanya de seba paştdayîşê bi Partîya Çep a Keske şayîyî ameyî kerdene.
• Amed de 1ê Gulane: Ma do ser bikewê 

  Pîrozkerdişê 1ê Gulane yê Amedî de mesajê 14ê gulane ame dayene û ame vatene ke: "Ma do nê îqtîdarî bişawê, serkewtiş do yê ma bo."
• Hatîce Goz: Hêvîya cinîyan do raydayîş de dîyar biba! 

  Namzedanê Partîya Çep a Keske yê Anqara ra Hatîce Goz îfade kerd ke hêvî û têkoşînê cinîyan do raydayîş de eşkera bibê. Goze venga pêro cinîyan da ke seba têdûştîye raya xo bidê Partîya Çep a Keske.
• Îtîfaqê Kurdan: Raya xo bidê Partîya Çep a Keske û Kiliçdarogluyî 

  Îtîfaqê Demokrasî û Azadîye yê Kurdan o ke weçînayîşanê wekîlîye de paştî dano Partîya Çep a Keske, pare kerd ke weçînayîşanê serekkomarîye de paştî bido Kemal Kiliçdarogluyî.
• Rojnameger Yilmazî gerreyê îşkenceyî kerd 

  Rojnameger Sedat Yilmazo ke 29ê nîsane de Amed de amebi destbendkerdene, raştê îşkenceyî ame. Yilmazî gerreyê îşkenceyê polîsan kerd.
• Dêrsim de 1ê Gulane ame fîrazkerdene 

  Dêrsim de bi hezaran kesan Meydanê Seyîd Rizayî de 1ê Gulane Roja Karkeran fîraz kerde û seba binvistişê şer û kolonyalîzmî veng da.
• Cemîle Turhalli: Şarê Çewlîgî cewabê îqtîdarî do bido 

  KAYY-DERî seba namzedanê çewlîgijan ê Partîya Çep a Keske aktîvîteya daşinasnayîşî kerde. Cemîle Turhalli Balsak daşinasnayîş de pare kerd ke şarê Çewlîgî nê weçînayîşan de do reya verêne wekîlêka cinîye vejo.
• Taksîm de rojnamegere Kuraye pê îşkenceyî ameye destbendkerdene 

  38 kesê ke şîyê Meydanê Taksîmî ameyî destbendkerdene. Rojnamegere Zeynepe Kuray zî bi îşkenceyî ameye destbendkerdene.
• Bayik: No firsendo tarîxî ganî hol bêro ercnayene 

  Hemserekê Konseya Rayberdişî ya KCKyî Cemîl Bayikî ard ziwan ke nê weçînayîşî firsendêko tarîxî yo û vat: ''Ez venga pêro şaran û ê kesanê ke vera faşîzmî yê dana ke nê firsendî hol bişuxilnê.''
• Semra Uzunok: Seba heqanê cinî û karkeran raya xo bidê Partîya Çep a Keske 

  Vervatoxanê Înîsîyatîfê Komunê Demokratîkî yê Şorişgêrî yê Ewropa ra Semra Uzunok derheqê weçînayîşanê 14ê gulane de vat: ''Seba heqanê cinî, karker û kedkaran Ewropa û Tirkîya de raya xo bidê Partîya Çep a Keske.''