AKTUEL

Xeberê peyênî

• 'Ganî Ocalan bieşko şarî reyde qisey bikero' 

  Avûkat Serbay Kokluyî vera tecrîdê Rayberê Şarê Kurdî Abdullah Ocalanî nêrazîbîyayîşê xo mojna û vat: ''Derheqê rewşa janî ya Îmraliyî û tedbîran de ke ameyî girewtene ganî Birêz Ocalan bi xo şarê kurdî û rayaumûmîye reyde qisey bikero.''
• Korona: Tirkîya de 87 nêweşê bînî merdî 

  Goreyê selahîyetdaranê Tirkîya 24 saetanê peyênan de 87 kesê bînî rîyê janê Korona ra merdî û hûmare bîye 812.
• Beştaşe: Îqtîdar wazeno qirkerdiş bikero 

  Serekwekîla Grûba HDPyî Merale Daniş Beştaş bale ante ser ke merganê zîndanan dest pêkerdo û vat: ''Îqtîdar wazeno ke qirkerdiş bikero.''
• Waştişê avûkatan ê derheqê Îmralîyî de ameyî redkerdene 

  Avûkatanê Rayberê Şarê Kurdî Abdullah Ocalanî muracat kerdbi ke derheqê tedbîranê vera Korona yê semedê Îmaliyî de zanayîş bîgêrê û telefon bikerê. Waştîşê avûkatan ameyî redkerdene.
• Kose: Îqtîdar peyê firsendî de yo, felaket fekê berî de yo! 

  Hetkara Hemserekan ê Pêroyînan a HDPyî Şazîye Kose da zanayene ke îqtîdar peyê firsendî de gêreno û vat: ''Beno ke rewşa Tirkîya sey Îtalya û Îspanya û heta înan ra wetêr bena.''
• Mexdûrî bîyî verguman 

  Derheqê di wendekaranê kurdan de ke gerreyê hêrişêkê nîjadperestî kerd, bi îdîaya ''gef û birîndarkerdişî'' dewa ameye akerdene.
• Samsun de tepişteyêk vîrusê Korona ra merd 

  Ame vatene ke tepişte Mehmet Yeter (70) Zîndanê Bafra yê Samsunî de hewteyêkî verê cû merd û bê hayîya keyeyê ci ame definkerdene.
• Heyva Sore semedê Kampanyaya Keyeyê Wayeûbirayî veng da 

  Heyva Sor a Kurdîstanî eşkerayîyêke daye û vat: ''Ma seba derbazkerişê nê rojan ê zoran û paştdayîşê şarê xo Kampanyaya Keyeyê Wayeûbirayî daye destpêkerdene.''
• 'Karantîna do merdiman rê tesîrêkê negatîfî bikera' 

  Pisporê Xizmetê Komelkî Mustafa Altintopî pare kerd ke komelo ke vîrusê Korona ra neçare ra keye de maneno beno ke ameyox de travmaya psîko-komelkî biciwîyo.
• HDPyî sereraştkerdişê înfazî Meclîs de protesto kerd 

  Sereraştkerdişê înfazî yo ke Meclîs de yeno munaqeşekerdene hetê Heyetê Pêroyî yê HDPyî ra ame protestokerdene.
• Tirkîya de hûmara fermîye ya merdeyan bîye 725 

  Goreyê zanayîşanê peyênanê ke Wezîrîya Weşîye ya Tirkîya eşkera kerdî 24 saetanê peyînan de rîyê vîrusê Korona ra 76 kesanê bînan dinyaya xo bedilnaye û hûmare bîye 725.
• 15 rojnamegerî ameyî destbendkerdene, 8 zî ameyî tepiştene 

  Goreyê raporê DFGyî adare de 15 rojnamegerî ameyî destbendkerdene û 8 rojnamegerî ameyî tepiştene. DFGyî pare kerd ke semedê vîrusê Korona ra teda bîye zêdêr.
• Dêrsim de Kampanyaya Keyeyê Wayeûbirayî dest pêkerde 

  HDPyî çarçewa têkoşînê vera janê vîrusê Korona de dest pê Kampanyaya Keyeyê Wayeûbirayî kerdbi. Rêxistina HDPyî ya Dêrsimî seba na kampanya Heyetê Koordînasyonê Paştdayîşê Keyeyê Wayûbirayî awan kerd.
• Gulume: Îqtîdar merg ferz keno 

  Wekîla HDPyî Zeleyha Gulum vat îqtîdar bi vurnayîşê qanûnî yê tepişteyan mergê merdiman ferz keno.
• Medyaya sosyale de Kampanyaya Edalet Cade Nika 

  Înîsîyatîfê Hayîya To Pê Esta seba ke bale binace qanûnê îfazî yo ke ewro do meclîs de bêro destgirewtene ser medyaya sosyale de Kampanyaya Edalat Cade Nika (#AdaletHemenŞimdi) daye destpêkerdene.
• Tirkîya de hûmara fermîye ya merdeyan bîye 649 

  Goreyê zanayîşanê peyênanê ke Wezîrîya Weşîye ya Tirkîya eşkera kerdî 24 saetanê peyînan de rîyê vîrusê Korona ra 75 kesanê bînan dinyaya xo bedilnaye û hûmare bîye 649.
• Neteweyanê Yewbîyayeyan seba pawitişê cinîyan veng da 

  Sekreterê Pêroyî yê Neteweyanê Yewbîyayeyan (NY) Antonio Guterresî seba pawitişê cinîyan û domananê kênayan ê ke keye de manenê vengdayîşo global kerd.
• KCDK-E: Ganî koordînasyonê hemparî awan bibê 

  KCDK-E ya ke xebatê ci yê vera vîrusê Korona dewam kenê pare kerd ke ganî koordînasyonê hemparî bêrê awankerdene.
• HDPyî dest pê Kampanyaya Paştdayîşê Keyeyan kerde 

  HDPyî seba ke tesîrê ekonomîkî yê vîrusê Korona kêm bikero dest pê Kampanyaya Paştdayîşê Keyeyan kerde.
• HDPyî paştî daye avûkatanê ÇHDyî 

  HDPyî paştî daye 20 avûkatanê ÇHDyî û vat ke waştişê înan meşrû yê û ganî bêrê caardene.
• ''Wextê janî de zî goreyê huqûqê dişmenîye têgêrenê'' 

  Hemserekê Pêroyî yê ÎHDyî Erene Keskîn û Ozturk Turkdoganî bale ante vernîyazê qanûnê caardişê ceza ser ke tepişteyanê sîyasîyan teber de verdeno û vat no mojneno ke wextê janî de zî goreyê huqûqê dişmenîye yeno têgêrayene.
• Goreyê hukmatê tirkî hûmara merdeyan bîye 574 

  Wezîrê Weşîye yê Tirkîya Fahrettin Kocayî da zanayene ke hûmara kesanê ke rîyê vîrusê Covid-19î  ra dinyaya xo bedilnaye bîye 574.
• Zîndanê Şakranî de gardîyanan tepişteyî rê îşkence kerd 

  Burhan Ozmuşo ke Zîndanê Şakranî de tepişte yo bi bahaneya ke wexto ke keyeyê xo reyde telefon de qisey kerdêne vengê xo berz kerd hetê gardîyanan ra ame derbkerdene.
• NCDKyê Swedî seba paştdayîşî masayê krîzî awan kerdî 

  NCDKyê Swedî seba ke paştî bido merdimanê ke binê tesîrê vîrusê Korona de yê herêmanê cîyayan ê Swêdî de masayê krîzî awan kerdî.
• Tirkîya de hûmara fermîye ya merdeyan bîye 501 

  Wezîrê Weşîye yê Tirkîya Fahrettin Kocayî da zanayene ke rîyê vîrusê Covid-19î ra heta ewro  501 kesan dinyaya xo bedilnaye û hûmara kesanê ke pê nê janî kewtî bîye 23 hezar û 934.