KURDISTAN

Xeberê peyênî

• Şingal de xîreto tehlukeyîn pê tewrê şarê Şingalî şikîya 

  Şingal de otobusê ke seba teslîmkerdişê keyeyanê cerganê DAÎŞî yê Kampa Holî şîyêne Sinûn, pê nêrazîbîyayîşê şarê Şingalî agêrayî.
• HPG: Ma embazan Derîne û Mazlûmî bi rêzdarî yad kenê 

  HPGyî 2 gerîlayê şehîdî yad kerdî û vat: ''Ma reyna soz danê ke pêro wezîfe û mesuldarîyanê ke şehîdan dewrê ma kerdê do bi serkewtişî bîyarê ca.''
• PDK goş nêdano, Mayê Haştîye qerardar ê 

  Mayanê Haştîye yê ke reyna şîyî Berê Sînorî yê Sêmalka û waşt selahîyetdaran de qisey bikerê, îfade kerd ke heta ke cenazayanê şehîdan bigêrê ê do çalakîye bikerê. Mayan venga pêro kurdan da ke wa bêveng nêmanê.
• Tepişteyo nêweş 73 rojî yo karantîna de yo  

  Tepişteyo nêweş Azîz Tufano ke nêweşîyanê xo ra tim yeno berdene bi nêweşxaneyî, bi bahaneya tedbîrê vera janî 73 rojî yo binê karantîna de tepişîyeno.
• HPG: Ma amade yê ke vera DAÎŞî şarê xo bi fedayîtî bipawê!  

  Vervatoxê HPG-BÎMî Serdar Yektaş: ''Dormeyê Kerkûkî de zêdîyayîşê têgêrayîşê DAÎşî netîceya planêkî ya û na rewşe dewleta tirke ra azade nîya. Ma amade yê ke şarê xo yê Başûrî bipawê.''
• Mayê Haştîye: Heta girewtişê cenazayan ma do mevinderê 

  Mayanê Haştîye yê ke çalakîya nobete ya Berê Sêmalka de ca gênê, ard ziwan ke îxanetê PDKyî tarîx de tim estbi û vat: ''Heta ke PDK cenazayanê şehîdan teslîm bikero ma do çalakîya xo rê dewam bikerê.''
• Ciwanê ke tewrê gerîlayan bîyî: Beşdarê 'şerê serkewtişî' bibê 

  Komêka ciwanan a ke serrgêra 43. ya ronayîşê PKKyî de verê xo da koyanê Kurdîstanî vat: ''No şer şerê serkewtişî yo.''
• KCK: Ma xoverdayîşê wendekaran selam kenê 

  Konseya Perwerdeyî ya KCKyî îfade kerd ke waştişê wendekaranê Başûrê Kurdîstanî meşrû yê û vat ganî waştişê wendekaran bêrê caardene.
• Mexmûrijan tecrîd şermezar kerd 

  Mexmûrijan bi rayraşîyayîşêkî tecrîdê vera Rayberê Şarê Kurdî Abdullah Ocalanî şermezar kerd û pare kerd ke ê do seba azadîya Ocalanî têkoşînê xo rê bêmabên dewam bikerê.
• Çetayanê DAÎŞî hêrişê pêşmergeyan kerd 

  Çeteyanê DAÎŞî Kerkûk de hêrişê pêşmergeyan kerd, di pêşmergeyan dinyaya xo bedilnaye. Hetê bînî ra ame îdîakerdene ke dewa Lihêbanî hetê çeteyan ra ameye destsernayene.
• Şirnex de operasyono leşkerî dîya destpêkerdene 

  Herêmanê Delavê Herbê û Gelîya Şewê yê qezaya Basanî ya Şirnexî de bi tewrbîyayîşê qoricîyan operasyono leşkerî dîya destpêkerdene.
• KCK: Têkoşînê azadîya Rayber Apoyî ganî zafhetin bo 

  KCKyî ard ziwan ke rixmo ke qerarê Konseya Ewropa zaf kewt erey û kêm o ganî serê ci de bêro vindertene û vat ganî semedê azadîya Rayber Apoyî têkoşîno zafhetin bêro kerdene.
• Başûrê Kurdîstanî de wendekarî reyna vejîyayî kuçeyan 

  Başûrê Kurdîstanî de çalakîyê protestoyî yê wendekaranê ke nêeşekenê bursanê xo bîgirê dewam kenê.
• Sabri Ok: Îqtîdaro faşîst pê têkoşînê hemparî gineno war 

  Endamê Konseya Rayberdişî ya KCKyî Sabrî Okî ard ziwan ke têgêrayîşê azadîye peynîya faşîzmê AKP-MHPyî arde û vat ganî nika cepheyêko xurt ê demokrasî û muxalefetî rolê xo kay bikero.
• Îranî yewna kolber qetil kerd 

  Dewleta îranî xeta sînorî ya Qesrî Şîrînî de kolber Hebîb Rûstemo ke babîyê di domanan o qetil kerd.
• 'Têkoşînê ma do vera îşxalkeran ser bikewo' 

  Gerîlayê HPGyî ke vera hêrişanê dewleta tirke têkoşînê xurtî domnenê vat wa her kes bizano ke ê eşkenê bi metodanê cîyayan têkoşîn bikerê û îşxalkeran bin bifînê.
• Dêrsim de leşkerêk ame kiştene 

  Koyanê Mercanî yê Dêrsimî de gerîlayanê HPGyî cewabê hêrişê dewleta tirke da, leşkerêk ame kiştene.
• PDKyî dadîyê ke ver bi sînorî şîyêne asteng kerdî 

  Hêzanê PDKyî Mayê Haştîye yê ke şîbî Berê Sînorî yê Pêşxabûrî û cenazayê gerîlayan waştî asteng kerdî.
• Sêmalka: Heta ke ma cenazayan nêgêrê nêşinê 

  Xoverdayîşê seba gerîlayanê ke hetê hêzanê PDKyî ra Xelîfan de ameyî şehîdkerdene dewam kena. Keyeyan pare kerd ke heta ke ê cenazayan nêgêrê çalakîya xo rê do dewam bikerê.
• HPGyî nasnameyê 3 şehîdanê Metîna eşkera kerdî  

  HPGyî nasnameyê 3 gerîlayanê ke warê Metîna yê Başûrê Kurdîstanî de şehîd bîyê eşkera kerdî.
• Pê razî yo ke Sûr de xeyme de biciwîyo 

  Muxtarê taxa Savaşî ya qezaya Sûrê Amedî ya ke hetê dewleta tirke ra ameye talankerdene, Lokman Bakirî vat o pê razî yo ke Sûr de xeyme de biciwîyo.
• HPG: Qet yew zûre nêeşkena binkewtişê artêşa tirke binimna 

  Merkezê Îrtîbatî û Çapemenîye yê HPGyî pare kerd ke xeberê ke vanê ''artêşa tirke xeylêk şikefteyî fînayî destî û îmha kerdî'' raşt nîyê û vat: ''Qet yew zûre nêeşkena binkewtişê artêşa tirke binimna.''
• Gerîla TVyî dîmenê çalakîya Heftanînî weşanayî  

  Gerîla TVyî dîmenê çalakîya Heftanînî pare kerde ke tede wesayîtêko leşkerî yê dewleta tirke ya îşxalkere amebi pirodayene.
• Mamostayê Îran û Rojhelatê Kurdîstanî ancî vejîyayî meydanan 

  Xeylêk şaristananê Îran û Rojhelatê Kurdîstanî de mamostayan pê nawnayîş û çalakîyan vera binpaykerdişê heqan û qanûnan nêrazîbîyayîşê xo mojna.
• DAÎŞî hêrişê Mexmûrî kerd: 10 kesan dinyaya xo bedilnaye 

  Hêrişê DAÎŞî yê vera Mexmûrî de 7 pêşmergeyan û 3 sivîlan dinyaya xo bedilnaye.