KURDISTAN

Xeberê peyênî

• Heyetê Vakurî kombîyayîşê diyînî Silêmanî de viraşt 

  Heyetê Vakurê Kurdîstanî Silêmanî de semedê yewîya neteweyîye bi roşnvîran ame têhet. Qiseykerdişan de ame vatene ke semedê kurdan teberê yewîye de yewna rayîr çîn o û hêzanê sîyasîyî yê kurdan ra ame waştene ke wa berpirsîyarîya xo bîyarê ca.
• Kanîreş û Çêrme binê vewre de mendî  

  Çewlîg de vewre tesîrê xo yo tewr zaf qezayanê Kanîreşî û Çêrme ramojna, qezayî binê vewre de mendî. Tayî cayan de vewre resaye yew metreyî. Hemwelatijî rîyê vewre ra tengayî ancenê.
• Licê de keyayêk ame tepiştene 

  Keyayê Taxa Kalî ya Licê Çetin Dirino ke sereştişê kekeyê ci de ame destbendkerdene bi îdîya ''endamîya rêxistene'' ame tepiştene.
• KCK: Ma do heta azadîya Rayber Apoyî têkoşîn bikerê 

  KCK:  Sere de gerîlayî, heme hêzê Têgêrayîşê Azadîye yê ma  nobeta Strarsbourgî û her ca de heta azadkerdişê Rayber Apo û şarê kurdî do bi qerardarîya girde têkoşîn bikerê.
• Seba şikdaranê mergê Eroglûyî heta 25 serran ceza yena waştene 

  Engîn Eroglû wexto ke heywanî xo çerênayêne otobuse dabi piro û kewtibi Çemê Munzurî û cuya xo vînî kerdebî. Tehqîqatê dewaya Erogûlûyî qedîya. Derheqê ramitox û muawînê otobuse de dewa ameye akerdene ke heta 25 serran ceza yena waştene.
• Konya ra  raywanîyêka ver bi koyanê azadan 

  Serdem Qamişlo yo ke badê hêrişanê DAÎŞî Konya rê bar kerd, ûca PKKyî nas keno û verê xo dano koyanê Kurdîstanî. Qamişloyî vat: ''Pawitişanê Rayberîye de mi raya verêne mefhûmo sey 'azadîye' yo biheybet nas kerd.''
• Şeradaro verên ê Şirnexî Ahmet Ertak ame tepiştene 

  Şeradaro verên ê Şirnexî Ahmet Ertak çarçeweya Dawaya Bingeyên ê KCKyî de bi îdîaya 'endamîya rêxistine' ame tepiştene
• Jîyargeyanê Dêrsimî de loqmayê Xizirî ameyî vilakerdene 

  Dêrsim de loqmeyê ke manga Xizirî de yenê viraştene zaf jîyergeyan de ameyî vilakerdene.
• Gerîlayê HPGyî Muradpur Mexmûr de bi merasîmêk ame definkerdene 

  Gerîlayê HPGyî Ahmed Muradpur (Bêkes Ûrmîye) yo ke şerê vera cerganê DAÎŞî de şehîd bi Mexmûr de bi merasîmêke ame definkerdene.
• Şehîdê Cizîrî serrgêra 4. de ameyî yadkerdene 

  Rêxistina HDPyî ya Cizîrî serrgêra 4. de şehîdê Cizîrî yad kerdî.
• Partî û dezgehê kurdî vera ambargoyî Mexmûr de yê 

  Temsîlkaranê KCD, HDP, PDK-T, PÎA û Partîya Azadî Kampa Mexmûrî zîyaret kerde ke binê ambargoyî de ya.
• Polîsan xîret kerd ke kekê Daga HDPyîje biremnê! 

  Polîsan xîret kerd ke Azad Dago ke kekê Wekîla HDPyî Dersime Dag biremnê.
• Cinîyê Dêrsimijî: Serebûtê Gulîstane Doku wa bêro roşnkerdene 

  Xebatanê cigêrayîşî yê Gulîstane Doku de ke 34 rojan ra nata vîndîbîyaye ya hema zî netîceyêke çin a. Cinîyan ê dêrsimijan vat  ganî cigêrayîşî û tehqîqatî bêrê hîrakerdene.
• KJKyî seba Dayîka Guzele mesajê serweşîye weşana 

  KJKyî seba Emutullahe Guzel mesajê serweşîye weşana û vat: ''Sere de şarê Amedî ma venga pêro kurdîstanijan kenê ke bi hawayêkê xurtî wayîrê şexsê xoverdayîş û serewedaritişî yî Dayîka Guzele bivejîyê.''
• HPGyî gerîla Bêkeso ke Mexmûr de şehîd bi yad kerd 

  Merkezê Îrtîbatî û Çapemenîye yê HPGyî gerîla Bêkeso ke Mexmûr de hêrişê cerganê DAÎŞî de 2ê sibate de şehîd bi yad kerd.
• Bîlgîne: Tecrîd pêro cuye de ame vilakerdene 

  Aktîvîsta TJA Zelale Bîlgîn vist vîrî ke Rayberê Şarê Kurdî Abdullah Ocalan 21 serrî yo  ke tecrîdkerde yo û vat: ''Tecrîd têna Îmrali de nîyo, tecrîd hînî mîyanê cuye de vila bîyo.''
• KNK: Vewrêsê Wanî netîceya polîtîkayanê îşxalkeran o 

  ''Miks herêmêka hîra ya. Ganî îdarekaran goreyê rewşa herême tebdîrî bigirewtêne. Na polîtîkaya îşxalkeran a. Nê herême rê xizmet nêkenê, wazenê şar tim binê gefan de bibo û bi nê hawayî herême bêra vengkerdene.''
• KCDyî seba felaketê vewrêsî yê Wanî şîn îlan kerd 

  Kongreya Komelî ya Demokratîke qurbanê felaketê vewrêsî yê Wanî yad kerdî û qasê di rojan şîn îlan kerd. Kongre heman wextî de vengdayîşê paştdayîşî kerd.
• Cenayaza Olçenî 96 rojî yo nêdîyena keyeyê ci 

  Cenazaya Erhan Olçeno ke Licê de şehîd kewt 96 rojî yo nêdîyena keyeyê ci.
• HDP-Amed: Tîya de îdareyo herêmî çin o! 

  Hemserekanê HDPyî yê Amedî îfade kerd ke Amed de îdareyo herêmî çin o û AKP kaosî ra ber çîyêk bernêano.
• Hûmara merdeyanê felaketê vewrêsî yena nimitene 

  Ame parekerdene ke felaketê vewrêsî de ke 38 kesî tede merdî hûmara rastikêne ya merdeyan rayaumûmîye ra ameye nimnayene.
• 'Ma fermandarê xo yê çêr û rayberî Alî Pîlîngî bi hurmet yad kenî' 

  Fermandarîya Qerargehî ya Merkezê Pawitişê Şarî da pê hesanyene ke fermandaro pîl Alî Pîlîng 14ê hezîranê 2019î de Bedlîs de şehîd bi û vat: ''Embaz Alî bi hostatîya xo ya şerî, bi metodê xo yê netîcegirewtişî mojna ke asta fermandarêkî ganî senî biba.''
• Dêrsim de dibistanan rîyê vewre ra mabên da 

  Dêrsim de rîyê varayîşê vewre ra qezayanê Pulur û Qisleyî de pêro dibistanan mabênê perwerdeyî da.
• Gerîlayê HPG-YJA Starî: Vîyane cewab da komplogeran 

  Gerîlayanê HPG û YJA-Starî pare kerd ke Vîyane Soran krîtera bingeyî ya sloganê ''Bê serek cuye nêbena'' ya û vat: ''Sorane cewabêko xurt da komplogeran.''
• Wan de 3 kesî ameyî destbendkerdene 

  Wan de Ferdî Sertkalo ke rojnameyê Yenî Yaşamî vila keno, endamê BASK-DERî Mehmet Soner Bilir û endamê Meclîsê Ciwanîye yê HDPyî Ferhat Kalkan ameyî destbendkerdene.