AKTUEL

Xeberê peyênî

• Îdarekaranê HDPyî rê ajanîye yena ferzkerdene 

  Îdarekaranê Rêxistina HDPyî ya Esenyurtî Hîcrane Yildiz û Muhammed Baranî vat ke polîsan înan rê ajanîye ferz kerda.
• Avûkatanê Rayberê Şarê Kurdî seba pêvînayîşî muracat kerd 

  Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, reyna muracatê Serdozgerîya Komare ya Bursa û Mudirîya Zîndanê Îmraliyî kerd.
• Wekîlê HDPyî: Berê Îmraliyî abikerê 

  Wekîla HDPyî Ayşe Surucu çalakîya Nobeta Edaletî de qisey kerd û vat: ''Berê Îmraliyî abikerê. Tecrîd beno sebebê krîz û kaosî.''
• Hozate: Şarê kurdî pabeyê gamêka pozîtîf o 

  Hemsereka Konseya Rayberdişî ya KCKyî Besê Hozat eşkerayîya Komîteya Heqanê Merdiman a Neteweyanê Yewbîyayeyan ercna ke waştbi tecrîd bêro wedaritene û vat: ''Şarê kurdî herinda qiseyan de pabeyê gamêka pozîtîf o.''
• Welatperweranê Nurnbergî Nobeta Azadîye dewr girewte 

  Nobeta Azadîye ya ke semedê Rayberê Şarê Kurdî Abdullah Ocalanî Strasbourg de yena domnayene, hetê koma Nurnbergî ra ameye dewrgirewtene.
• Xoverdayîşê 'Jin, Jiyan, Azadî' rixmê hêrişan dewam keno 

  Îran û Rojhelatê Kurdîstanî de xoverdayîşê 'Jin, Jiyan, Azadî' rixmê hêrişanê rejîmê Îranî zî, roja 135. de dewam keno.
• Şenyaşarî: Hesabê nê zulmî do bêro persayene  

  Keyeyê Şenyaşarî yo ke binê varanî de Nobeta Edaletî rê dewam keno vat: ''Hesabê nê zulmî do şima ra bêro persayene.''
• Taxa Gazî de dafika fuhuşî  

  Taxê Gazî û Nurtepe yê ke roniştoxê ci elewî û kurd ê, tede dafika fuhuşî sey metodê rijnayîşê komelî şuxilîyena.
• Tepişteyê nêweşê giranî vera nêdîyenê 

  Zîndanê Menemenî yê Îzmîrî de tepişteyo 87 serre Siddik Guler rixmê nêweşîyanê xo yê giranan zî vera nêdîyeno. Cinîya ey Hasîne Guler ard ziwan ke Wezîrîya Edaletî mîyanê tepişteyanê nêweşan de cîyakerîye kena.
• Beştaşe: Şarê ma do cewabê tewr xurtî bido îqtîdarî 

  Serekwekîla Grûba HDPyî Merale Daniş Beştaş ard ziwan ke dewaya qefilnayîşî vera partîya înan dafikêka AKP-MHPyî ya û vat: ''Ma do cewabê na dafike 14ê gulane de bidê.''
• Wekîlê HDPyî: Tecrîd vera şaranê Tirkîya yeno kerdene 

  Wekîlanê HDPyî Nobeta Edaletî de vat: ''Ma zanenê ke teyna Îmraliyî ra demokrasî û haştîye do bêrê Rojhelatê Mîyanênî. Eke tecrîd bêro wedaritene şar do bieşko aram bibo.''
• Almanya û Fransa de şehîdî ameyî vîrardene 

  Xeylêk bajaranê Almanya û Fransa de şehîdê Kurdîstanî bi aktîvîteyanê cîya cîyayan ameyî vîrardene.
• Hemvervatoxê HDKyî: Têkoşînê Rayîrê Hîrêyînî hînî şert o  

  Hemvervatoxanê HDKyî Esengule Demîr û Cengîz Çîçekî îfade kerd ke têkoşînê Rayîrê Hîrêyînî hînî şert o û seba ke bingeyê sîstemê demokratîkî bêro eştene rêxistinîya komelî do bêra pîlkerdene.
• 3 şehîdê Parisî ameyî yadkerdene 

  Evîn Goyî, Mîr Perwer û Abdûrrahman Kizil ê ke 23yê kanûna 2022yî de Paris de ameybî qetilkerdene, bi merasîmêkî ameyî yadkerdene.
• Kongreya Pêroyî ya HDKyî: Ma do pîya ser bikewê 

  Wekîla HDPyî ya Tulaye Hatîmogullari Kongreya Pêroyî ya HDKyî de qisey kerd û bale ante girîngîya paştdayîşê vera faşîzmî ser. Tulaye Hatîmogullari vat: ''Ma pîya dest pêkerd, ma do pîya ser bikewê.''
• Rojnamegere Rojîne Altay ameye destbendkerdene  

  Rojnamegera Yeni Yaşamî Rojîne Altay Meydanê Teyarayan ê Sabîha Gokçen de ameye destbendkerdene.
• Delegasyonê Mîyanneteweyî wa tecrîdê Îmraliyî bêro wedaritene 

  Deleqasyonê Vera Tecrîdî yê Mîyanneteweyî ard ziwan ke tecrîdê Îmraliyî têna meseleya huqûqî nê meseleyêka polîtîka a û veng da ke wa sîstemê Îmraliyî bêro wedarnayene.
• Paris de Komployê 15ê Sibate ame protestokerdene 

  Paris de Komployê Mîyanneteweyî yê vera Rayberê Şarê Kurdî Abdullah Ocalanî ame protestokerdene û mesajê xurtkerdişê têkoşînî ame dayene.
• Gunaye: Ma do têkoşînê vera tecrîdê Îmraliyî xurtêr bikerê 

  Vervatoxa HDPyî Ebru Gunay vat: ''Şertê Abdullah Ocalanî şertê ma pêrun ê. Wextê ci yo ke ma pê têkoşînî dahîna xurt vengê xo berz bikerê.''
• Mehmet Oko 74 serre ame tepiştene 

  Mehmet Oko 74 serre ke dewa Coxpinarî ya Semsûrî de amebi destbendkerdene, ame tepiştene.
• Berlin de tekîlîya Almanya û Tirkîya ameye protestokerdene 

  Berlin de tekîlîya Almanya û Tirkîya ameye protestokerdene. Mîtîng de veng dîya hukmatê almanî ke wa tekîlîyanê xo yê leyminan bi dewleta tirke biqedîno.
• Martine: Tecrîdê Îmraliyî do bi têkoşîn û paştdayîşî bişikîyo! 

  Endama Delegasyonê Vera Tecrîdî Paula Martin ard ziwan ke sûcê tecrîdî hem vera şarê kurdî hem zî vera pêor şorişgêran yeno kerdene û vat: ''Tecrîd do bi têkoşîn û paştdayîşî bêro şiknayene.''
• Delegasyonê Vera Tecrîdî yê Mîyanneteweyî DBP û TOP zîyaret kerdî  

  Endamanê Delegasyonê Vera Tecrîdî yê Mîyanneteweyî DBP û TOP zîyaret kerdî û bale ante tecrîdê Îmraliyî ser.
• Keyeyan semedê pêvînayîşê Îmraliyî muracat kerd 

  Keye Rayberê Şarê Kurdî Abdullah Ocalanî û merdimê tepişteyanê bînan ke Îmrali de yê semedê pêvînayîşî muracatê Serdozgerîya Komare ya Bursa û Mudirîya Zîndanî ya Îmraliyî kerd.
• Wekîlê HDPyî: Ma do têkoşînê xo yê demokratîkî rê dewam bikerê 

  Wekîlê HDPyî Îmam Taşçierî vat: ''Ma do seba wedaritişê tecrîdê vera Birêz Ocalanî têkoşînê xo yê demokratîkî rê dewam bikerê.''