KURDISTAN

Xeberê peyênî

• Çewlîg: Dewlete pê zorî banî raşayî, şar kerd mexdûr 

  Dewa Elmalî ya qezaya Çerme ya Çewlîgî de şaro ke banê ci cendirmeyan pê zorî şayî ra, ard ziwan ke dewlete ê mexdûr kerdê û herinda bananê înan de banê neweyî nêviraştê.
• Cinîyanê Dêrsimî seba Jîna Emînî gijikê xo qesna  

  Dêrsim de cinîyan vera qetilkerdişê Jîna Emînî Meydanê Seyîd Rizayî de gijikê xo qesna.
• Bîlançoya bombardumanê Îranî bena giranêre 

  Dronanê dewleta Îranî hêrişê hêzanê Rojhelatê Kurdîstanî yê ke baregehê înan Başûrê Kurdîstanî de est ê kerd. Hêriş de tewr tay 7 kesî ameyî qetilkerdene û 24 kesî birîndar bîyî.
• Çalakîyanê qesasî de 21 îşxalkerî ameyî cezakerdene 

  Çalakîyanê Gerîlayanê Azadîye yê Kurdîstanî yê ke semedê qesasê şehîdan ameyî kerdene de 21 îşxalkerî ameyî cezakerdene.
• Şukrî Serhad Mexmûr de ame yadkerdene  

  Endamê Komîteya Keyeyanê Şehîdan a PKKyî Şukrî Serhad Mexmûr de ame yadkerdene.
• Dewa elewîyan de cemxane çin o la camî ra ezan veng dano  

  Dewa Pirda Sûre ya qezaya Pilurî ya Dêrsimî de cemxane çin o la camîyo ke Darbeya 12ê Êlule de virazîyabi ra, rıje 5 reyî ezan veng dano.
• Çelê de merkezê asîmîlasyonî 

  Qezaya Çelê ya Colemêrgî de hûmara kursanê Quranî zêdîyena ke nê kursî sey merkezê asîmîlasyonî hetê dewleta tirke ra şuxilîyenê.
• Pê pelanê mazêrî bedenê ci ame pîştene: Ceylane Onkol 

  Ceylane Onkol 13 serrî verî ewro hetê dewleta tirke ra ameye qetilkerdene. Dadîya aye parçeyê meyîtê ci pêşê xo de arê dayî, dewijan cenazaya ci pê pelanê mazêrî pîşt tê. Çimê Ceylane 13 serrî yo gêrenê edaletî.
• Kanîreş de ocaxê xizî nêverdeno şar nefes bigêro 

  Qezaya Kanîreşî ya Çewlîgî de xebatanê ocaxê xiz û kerrayan ra şar nêeşkeno nefes bigêro. Dewijî anê ziwan ke ê tozî ra nêeşkenê panceraya xo abikerê û wexto ke ocax de dînamet teqeno dêsî qelişîyenê ra.
• PDKyî destûr nêda ke çekê kîmyewîyî bêrê cigêrayene 

  Heyeto ke Ewropa ra şi Başurê Kurdîstanî waşt semedê şuxulnayîşê çekanê kîmyewîyan ê dewleta tirke yê cigêrayîş bikero la PDKyî destûr nêda.
• YRKyî vera hêrişanê Tirkîya û Îranî nêrazîbîyayîşê xo mojna  

  Hêzanê Rojhelatê Kurdîstanî (YRK) vera hêrişanê hemwextan ê Tirkîya û Îranî nêrazîbîyayîşê xo mojna û venga rayaumûmîye da ke vera nê hêrişan têbigêra.
• HPG: 8 leşkerê tirkî yê îşxalkerî ameyî cezakerdene 

  Çalakîyanê Gerîlayanê Azadîye yê Kurdîstanî de 8 leşkerê tirkî yê îşxalkerî ameyî kiştene.
• HPGyî nasnameyê panc şehîdanê Zapî eşkera kerdî 

  HPGyî nasnameyê gerîlayanê ke Girê Cehenemî yê Zapî de pê çeka kîmyewîye şehîd bîyê eşkera kerdî û vat: ''Înan vera hêrişanê dişmenî beden û zerrîyê xo kerdî tirs û xoverdayîşêko tarîxî aver berd.''
• Reyna dîmenê şuxilîyayîşê çeka kîmyewîye vejîyayî werte 

  Bi dîmenanê neweyan reyna vejîya werte ke artêşa tirke ya îşxalkere vera waranê gerîlayan gazê kîmyewî û çekanê qedexeyan şuxilnena.
• Dêrsim de vera talanê xoza mîtîng do bêro kerdene 

  Platformê Demokrasî û Kede yê Dêrsimî vera talanê xoza 8ê teşrîna verêne de Meydanê Seyîd Rizayî de do mîtîngêkî bikero. Platformî venga her kesî da ke wa tewrê mîtîngî bibo.
• Mexdûrê erdlerzê Çewlîgî hema zî konteyniran de yê 

  Dewa Lîçikî ya qezaya Kanîreşî ya Çewlîgî de hîrê serrî yo mexdûrê erdlerzî hema zî konteyniran de ciwîyenê. Dewijan ard ziwan ke dewlete sozê ke dabî nêardî ca.
• HPG: Çalakîyanê gerîlayan di îşxalkerî ameyî cezakerdene 

  Çalakîyanê Gerîlayanê Azadîye yê Kurdîstanî de di leşkere tirkî yê îşxalkerî ameyî kiştene.
• Gever de cinîya kokime ra 6 rojî yo xebere çin a 

  Qezaya Geverî ya Colemêrgî de cinîya nêweşa alzheimerî Necîbe Yucedag 6 rojî yo vînîbîyeya ya.
• Seba Endamê Koma Haştîye cezaya zîndanî ameye waştene 

  Mehkemeya tirkan waşt ke Endamê Koma Haştîye Mehmet Şîrîn Tunçî rê cezaya zîndanî ya 15 serran bêra dayene.
• Serê vaya 'xoşuxilnayîşî' pêkewtî 

  Kesê ke seba 10 hezar lîra hetê MÎT û Asayîşî ra verê bînaya HDPyî de yenê ronişnene, seba pereyo ke dewlete ra gênê kewtî pê.
• Gerîlayê HPGyî: Ma do nê şerî bi serkewtişê pîlî biqedînê 

  Gerîlayê HPGyî Hogir Serhatî ard ziwan ke waranê Zap, Avaşîn û Metîna de vera hêrişê îşxalî yê dewleta tirke têkoşîno tarîxî yeno dayene û vat: ‘’Ma pê hêvîya pîle dest pê nê şerî kerd û ma do pê serkewtişê pîlî biqedînê.’’
• Çewlîg: Eşteyê SUTAŞî weşîya gandaran tehdît kenê 

  Tesîsê eşteyan ê SUTAŞî maseyan kişeno, domanan nêweş keno û xoza herimneno. Dewijan pare kerd ke wa tesîsî ser o cigêrayîş bêro kerdene.
• Mexmûr: Ma ablûqa qebul nêkenê 

  Cinîyanê Kampa Multecîyan a Mexmûrî vera hukmatê Iraqî nêrazîbîyayîşê xo mojna ke wazeno pê têlan dormeyê kampe bigêro û cinîyan vat: ''Çi lazim o ma do bikerê û rayîr nêdê ke kampe bigêrîya binê ablûqa.''
• HPG: Helîkopterêk ame derbkerdene 

  Warê Xoverdayîşî yê Saca de helîkopterê hêrişî hetê Gerîlayanê Azadîye yê Kurdîstanî ra ame derbkerdene.
• HPGyî nasnameyê 3 şehîdanê cinîyan eşkera kerdî 

  HPGyî nasnameyê 3 şehîdanê Amedî eşkera kerdî û vat: ''Embazê ma Dîrene, Adare û Dîcle yê ke pê têkoşînê xo hêvî daye cinî û şaran sey fermandaranê serkêşan ê YJA-Starî Amed de bîyî wayîrê rayraşîyayîşêkê fedakarî.''